ფულის მოზიდვის ბევრი კონცეფცია არსებობს. დარგის სპეციალისტები და მედია გურუები გვარწმუნებენ, რომ ეს ჯადოსნური პროცესია.

როდესაც საქმე ფულს ეხება, ეს დამოკიდებულია თქვენი აზროვნებისა და გარემოს რეგულირებაზე, რაც გეხმარებათ იყოთ გახსნილი იმ გზებით, რომლითაც ფული შემოდის თქვენს ცხოვრებაში. გავეცნოთ ფულის მოზიდვის პრაქტიკულ და სასარგებლო რჩევებს.

1. შეცვალეთ თქვენი ყურადღება

ჩვენ ბევრს ვფიქრობთ ფინანსურ პრობლემებზე, მაგრამ, როდესაც წარმოვიდგენთ იმ ფულს, რომელიც არ გვაქვს, ეს იწვევს სტრესს. გახსოვდეთ, წუწუნი, რომ ფინანსურად მყარად არ ვართ, მეტ ფულს არ მოგვიტანს. ჩვენ უნდა განვეწყოთ ისე, რომ შეგვიძლია გამოვიმუშავოთ იმდენი ფული, რამდენიც გვჭირდება. გადაამზადეთ თქვენი აზრები ასე და ივარჯიშეთ ამ კონცეფციაზე.

2. მიიღეთ ფინანსური განათლება

ფინანსური განათლების მიღება ნიშნავს სიმდიდრის მოზიდვას. თუ არ ვიცით ფულის გამომუშავების, დაზოგვისა და ზრდის საუკეთესო გზები, ნუ დაველოდებით, რომ რამე თავისით შეიცვლება. ფულის შოვნის ხერხები შესაძლოა ისწავლოთ ფინანსური პოდკასტებით, ონლაინ კურსებით ან გამოცდილი ბიზნესმენის პრეზენტაციებით.

3. ისაუბრეთ ფულზე პოზიტიურად

სიტყვას დიდი ძალა აქვს, პოზიტიურად ისაუბრეთ ფულზე და ნურასოდეს იტყვით: : "მე ამას ვერასდროს შევძლებდი" ან "მე ყოველთვის ვალში ვიქნები".
აღიარეთ ფულის სარგებელი. გახსოვდეთ, ის ბევრ რამეში გეხმარებათ, როგორიცაა საკვების ყიდვა, კომუნალურების გადახდა. იყავით მადლიერი და წუწუნის ნაცვლად ეძებეთ გზები, როგორ მიიღოთ მეტი შემოსავალი.

4. გააუმჯობესეთ თქვენი გარემო მეტი ფულის მოსაზიდად

დაიწყეთ არასაჭირო საგნების გასუფთავებით. უსარგებლო ნივთების ნაცვლად შეგიძლიათ კედელზე განათავსოთ შეხსენებები ფულისა და მიღწევების შესახებ, რომელთა მოზიდვის იმედიც გაქვთ. დაისახეთ მიზანი და იპოვეთ გზები მის განსახორციელებლად.

5. იმოქმედეთ ფულის მოსაზიდად

რა იზიდავს ფულს სწრაფად? მოქმედება!

ფულის მოზიდვის ერთ-ერთი მეთოდი ორიენტირებულია ვიზუალიზაციაზე. დახუჭეთ თვალები და წარმოიდგინეთ ფული და ნივთები, რაც გინდათ რომ გქონდეთ. ეს მხოლოდ პირველი ნაბიჯია, თანაც წარმოსახვითი. შემდეგი ნაბიჯია მოქმედება, რათა ეს ხედვა რეალობად იქცეს. აქ მოცემულია მოქმედების ორი გზა: გაეცანით იმ თანხის ოდენობას, რომლის მოზიდვაც გსურთ. დაიწყეთ იმით, თუ რამდენ ფულს გამოიმუშავებთ.

იმის ცოდნა, თუ რა შემოსავალი გაქვთ, გაჩვენებთ, თუ რისი უნარი გაქვთ. შემდეგ კი გაარკვიეთ, რას ვერ სწვდება თქვენი ბიუჯეტი. დაითვალეთ და დააჯამეთ კონკრეტულად რა თანხა  დაგჭირდებათ ზღვაზე წასასვლელად. როდესაც გექნებათ კონკრეტული რიცხვი, გეცოდინებათ რამდენის დაზოგვა ან შოვნა დაგჭირდებათ კონკრეტული მიზნის მისაღწევად. მიზანდასახულობით და ამგვარი აზროვნებით შეძლებთ თანხის მოზიდვას.

6. ბედნიერებაა ის, რასაც ფულით ვაღწევთ

ჩვენ ყველას გვგონია, რომ ბევრ ფულს მოაქვს ბედნიერება. სამწუხაროდ, უმეტესად, თავად ფული არ გვახარებს. ბოლოს და ბოლოს, ფული უბრალოდ ქაღალდია. თუმცა, ფულს შეუძლია დაგვეხმაროს იმის მიღებაში, რაც გვაბედნიერებს - მოგზაურობა, ახალი მანქანის შეძენა, რესტორანში სადილობა, გართობა.

და ბოლოს, ფულის მოზიდვა დამოკიდებულია ჩვენს აზროვნებაზე და მოქმედებაზე. ამისთვის აუცილებელია პირობაა განათლების მიღება, ფულზე პოზიტიურად საუბარი და მოქმედება ფინანსური გარემოს გასაუმჯობესებლად.