ნიკოლა პელტც-ბექჰემი მსოფლიოს ერთ-ერთ ყველაზე ცნობილ ოჯახში კი გათხოვდა, თუმცა სიმდიდრე და გავლენა მისთვის უცხო არასდროს ყოფილა.

ამერიკელი მილიარდერი ინვესტორის, ნელსონ პელტცის ქალიშვილი სიმდიდრეში გაიზარდა და ძვირადღირებული სამკაულების გემოვნებაც წითელ ხალიჩებსა და ბექჰემების ოჯახში გამოჩენამდე ბევრად ადრე ჩამოუყალიბდა.

მისი საიუველირო პორტფელი, რომელიც 6 მილიონ ფუნტ სტერლინგზე მეტადაა შეფასებული, ნაკლებად ეხება დიდებას და უფრო მეტად ხაზს უსვამს მის დინასტიურ სტატუსს.

1. ნიშნობის ბეჭდების ევოლუცია

2020 წელს ბრუკლინ ბექჰემმა ნიკოლას ხელი ზურმუხტისფერი 5-კარატიანი ბრილიანტის ბეჭდით სთხოვა, რომლის ღირებულებაც 200,000-დან 350,000 ფუნტამდე მერყეობდა. ეს იყო კლასიკური და დახვეწილი არჩევანი.

თუმცა, ნამდვილი ფურორი „განახლებულმა“ ბეჭედმა მოახდინა, რომელიც ნიკოლამ 2022 წლის ქორწილის შემდეგ მოირგო.

„ეს არის გრანდიოზული, ოვალური კვეთის ბრილიანტი, რომელიც სავარაუდოდ 10 კარატს აღემატება. მისი ღირებულება 1.5-დან 2 მილიონ ფუნტამდეა. ექსპერტების აზრით, ეს გადასვლაა ჩვეულებრივი ნიშნობის ბეჭდიდან ნამდვილ საგვარეულო საგანძურზე. ასეთი სამკაულით ნიკოლამ აჩვენა, რომ ის არა მხოლოდ ბექჰემების რძალი, არამედ ორი უმდიდრესი ოჯახის მემკვიდრეა.

საინტერესოა, რომ ბექჰემების ოჯახისთვის ბეჭდის განახლება უცხო არ არის: თავად ვიქტორია ბექჰემმა ქორწინების განმავლობაში ნიშნობის ბეჭედი 15-ჯერ გამოიცვალა.

2. საქორწინო ბეჭედი 

ნიკოლას საქორწინო ბეჭედი არ არის უბრალო დანამატი. ის შედგება დიდი, ერთნაირი ზომის ზურმუხტისფერი კვეთის ბრილიანტებისგან. მისი ფასი დაახლოებით 100,000 - 150,000 ფუნტია. ასეთი რაოდენობის იდენტური ხარისხის ქვის პოვნა საიუველირო სამყაროში ნამდვილი მიღწევაა.

3. საქორწინო საყურეები

სადღესასწაულო ცერემონიაზე ნიკოლას ყველაზე დახვეწილი დეტალი ბრილიანტის საყურეები იყო. მან არჩია მრგვალი კვეთის ქვები, თითოეული დაახლოებით 7 კარატიანი. მათი ღირებულება ნახევარ მილიონ ფუნტს აჭარბებს. ეს საყურეები ქმნიან ე.წ. „ჰალოს“ ეფექტს, რომელიც სახეს ანათებს და ყურადღებას კაბისგან არ ფანტავს.

4. Met Gala-ს 3-მილიონიანი ბრწყინვალება

წითელი ხალიჩა ნიკოლასთვის საკუთარი საიუველირო იდენტობის დემონსტრირების საუკეთესო ადგილია. 2023 წლის Met Gala-ზე ის 3 მილიონ ფუნტზე მეტი ღირებულების ბრილიანტებით გამოჩნდა. მან ოსტატურად შეუხამა ერთმანეთს ბრილიანტის ჩოკერი და გრძელი გულსაკიდი, რაც 1950-იანი წლების შანელის ესთეტიკის თანამედროვე, Quiet Luxury ვერსია იყო.