სექსი პრელუდიის გარეშე არის, როდესაც მთელი დღე ჩუმად ხართ, საკუთარ საქმეს აკეთებთ და საღამოს ერთ-ერთი თქვენგანი ამბობს: „მოდი, ახლა ბეთჰოვენის კომპოზიცია დავუკრათ“.

პრელუდია ანუ სექსის წინათამაში არის ნებისმიერი მოქმედება, რომელიც პარტნიორებს შორის სექსუალური ყურადღების ფოკუსს აერთიანებს. ის აუცილებელია ხარისხიანი ინტიმური ურთიერთობისთვის. თუმცა, სპონტანური, იმპულსური სექსი პრელუდიის გარეშეც შესაძლებელია: ზოგჯერ ეს შესანიშნავიც კია, მაგალითად, სექსი საჯარო ადგილას დიდ მომზადებას არ საჭიროებს, მაგრამ წყვილისთვის შეიძლება დაუვიწყარი გამოცდილება იყოს.

ვის უფრო მეტად სჭირდება პრელუდია: მამაკაცებს თუ ქალებს?

ადრე ითვლებოდა, რომ ეს ეტაპი ქალებისთვის უფრო მნიშვნელოვანი იყო. თუმცა, დღეს სულ უფრო მეტი მამაკაცი ხვდება, რომ სათანადო ემოციური კავშირის გარეშე სექსი სიღრმეს კარგავს. საბოლოო ჯამში, პრელუდიის საჭიროება არ არის სქესში, არამედ ინდივიდუალობაში, საკუთარი თავისა და პარტნიორის მოსმენის უნარში.



არსებობს ერთი მიზეზიც: საღამოს მამაკაცი სამსახურიდან ბრუნდება და მზად არის სექსისთვის, ხოლო ქალი, რომელიც სამსახურის მერე, საოჯახო საქმეშია ჩაფლული, არაა მზად სექსისთვის, მასთან აგზნების მექანიზმებიც განსხვავებულად მუშაობს. ქალებს სექსისთვის მეტი დრო სჭირდებათ, როგორც ფიზიოლოგიურად, ასევე ფსიქოლოგიურად.

პრელუდიის სიმცირე და გულწრფელი საუბარი

პრელუდია შეიძლება მოსაწყენი გახდეს 10-15 წლის შემდეგ. დროთა განმავლობაში, სიახლე ქრება, შეხება უფრო იშვიათი ხდება და ბევრი წყვილი წყვეტს ჩახუტებას, სიყვარულის გამოხატვას, თუნდაც უბრალოდ შეხებას, ასე სექსი გადადის მექანიკურ ქცევაში.

სწორედ ასეთ დროსაა პრელუდია უფრო მნიშვნელოვანი, ვიდრე ადრე; დიდი ძალისხმევაა საჭირო ცეცხლის ხელახლა გასაღვივებლად. თუ წყვილებს არ აქვთ ჰარმონიული სექსი, მაშინ აუცილებელია გულწრფელი საუბარი.

თუმცა, ყველა არ არის მზად ამაზე სასაუბროდ; ყველაზე რთული საუბრის დაწყებაა. თქვენ არ შეგიძლიათ უბრალოდ იკითხოთ: „რატომ არ გვაქვს პრელუდია?“ როგორ შეიძლება ამის გაკეთება? - სექსსა და თქვენს გრძნობებზე საუბარი განსჯის, პრეტენზიების ან ბრალდებების გარეშე წყვილისთვის საკომუნიკაციო უნარის ძირითადი ნაწილია. ის ერთად ცხოვრების განმავლობაში უნდა განვითარდეს.

როგორ შევქმნათ პრელუდია?

პრელუდიასთან დაკავშირებით რამდენიმე გავრცელებული შეცდომა არსებობს:

მხოლოდ საკუთარ თავზე ფიქრი და არა პარტნიორზე - ეს ურთიერთობებში უნივერსალური პრობლემაა.

იძულება - განიხილეთ თქვენი სურვილები, მაგრამ უმჯობესია ეს წინასწარ გააკეთოთ, ვიდრე იმ მომენტში, რათა ორივე მხარის განწყობა არ გააფუჭოთ.

ე.წ. „ვიბრაციების“ შეუსაბამობა - როდესაც ერთს ეს სწრაფად სურს, მეორეს კი ნელა. შედეგად, ერთი უკმაყოფილო რჩება.

თუ წლების განმავლობაში ერთსა და იმავე რუტინას არ შეცვლით, სექსი სრულიად უინტერესო ხდება.



ზედმეტად პირდაპირი მნიშვნელობით ლაპარაკი - მაგალითად, ქალი ამბობს, რომ მოსწონს, როცა ბარძაყებზე ეფერებიან. მისი პარტნიორი ეკითხება, ზუსტად როგორ.

ქალი აჩვენებს და ამ მომენტიდან, მამაკაცი მექანიკურად იწყებს ერთი და იგივე მოძრაობის გამეორებას, შედეგად, მოდუნების ნაცვლად, დაძაბულობა ჩნდება. ეს არ არის საუკეთესო სტრატეგია.

პრელუდიაში უნივერსალური წესები არ არსებობს, ყველაფერი დამოკიდებულია კონკრეტულ ადამიანებზე, მათ მდგომარეობაზე, სურვილებსა და კომუნიკაციის ფორმაზე.

გამოხატეთ ინტერესი არა რაიმე აბსტრაქტული ტექნიკის მიმართ, არამედ თქვენს გვერდით მყოფი ცოცხალი ადამიანის მიმართ. ეს არის სურვილი, გაიგოთ, რა მოსწონს ახლა და ეცადოთ მიანიჭოთ სიამოვნება. ამის გარეშე, ყველაფერი მხოლოდ მექანიკა იქნება.
ესაუბრეთ და იგრძენით პარტნიორი. სიტყვები გვეხმარება კომუნიკაციასა და სურვილების გაგებაში.

მნიშვნელოვანია ფიზიკური კონტაქტის აღდგენა - ეს შეიძლება საერთოდ არ მოიცავდეს პრელუდიას, არამედ უბრალოდ „ჩახუტებას“, შეხებას სექსუალური ელფერების გარეშე ან მასაჟს ზედმეტი ხმაურის გარეშე.

პრელუდია თავად პროცესით სიამოვნებისთვისაა, მისი მიზანია კავშირის გაღრმავება კონკრეტულ მომენტში. სექსი ხდება ამ კავშირის ბუნებრივი, სასურველი გაგრძელება და არა დაგეგმილი დასასრული.