ყველა ადამიანს აქვს ხალი. ზოგს მცირე ზომის, ზოგს კი უფრო დიდი. იცოდით, რომ იმის მიხედვით, თუ რა ადგილას გაქვთ ის, ადამიანის ხასიათსა და მის მომავალსაც კი განსაზღვრავენ?

გარდა იმისა, რომ ხალი მიმზიდველსა და სექსუალურს გხდით, მასთანაა დაკავშირებული ოჯახური ბედნიერება, პროფესიული წარმატება, სიმდიდრე, ჯანმრთელობა.

1. ხალი საფეთქელთან - თუ ხალი გაქვთ საფეთქელთან, ეს ნიშნავს, რომ თქვენ მოგზაურობისთვის დაიბადეთ. თქვენ საკუთარ ქვეყანაში სუნთქვა გიჭირთ და ყოველთვის შორეული ქვეყნებისკენ მიისწრაფვით. დიდია შანსი, რომ სამსახური სწორედ საზღვრებს მიღმა დაიწყოთ. თქვენი ცხოვრების აზრი დაუსრულებელი მოგზაურობაა.

2. ხალი წარბებს შორის, ცხვირზე - თუ ხალი ამ ადგილას გაქვთ, თქვენ პერსპექტიული და წარმატებული კარიერა გელოდებათ. ისეთი ადამიანი ხართ, რომელიც ცხოვრებაში ყველაფერს აღწევს და ყველა საქმეში რასაც აირჩევს, წარმატებულია.

3. ხალი წარბის ქვეშ - ეს ნიშნავს, რომ ადვილად ეჩვევით სხვადასხვა გარემოს. ადვილად პოულობთ ადამიანებთან საერთო ენას. თქვენ სანდო, საიმედო ადამიანი ხართ, რომელიც ლიდერობისთვისაა დაბადებული.

4. ხალი ტუჩთან - ასეთი ადამიანები ძალიან მიმზიდველები და სექსუალურები არიან და მეგობრებში დიდი პოპულარობით სარგებლობენ. ისინი დიდ ყურადღებას აქცევენ საკვების ხარისხს, ზრუნავენ ჯანმრთელობაზე. კონცენტრირებულნი არიან დეტალებზე, არიან საოცრად მზრუნველები.

5. ხალი ლოყაზე - როგორც წესი, ადამიანი რომელსაც ხალი ამ ადგილას აქვს, ძლიერი ლიდერია. ისინი არიან წარმატებულები და მწვერვალებს იპყრობენ.

6. ხალი ხელისგულზე - ასეთი ადამიანები გამოირჩევიან მდგრადი ფსიქიკით და სტაბილურობით. მათ იშვიათად აქვთ მატერიალური პრობლემები. დიდ წარმატებას აღწევენ ბიზნესში.

7. ხალი ფეხის გულზე - ამ ადამიანებს უყვართ სიახლეები, მოგზაურობენ ბევრს, გიჟდებიან ჭამაზე და უცხოური სამზარეულოს დაგემოვნებაზე. ისინი არიან პოპულარულები და ადვილად შეუძლიათ სხვების მართვა.