როგორები იქნებოდნენ ცნობილი ადამიანები სახის ყველაზე დასამახსოვრებელი ნაწილები სხვანაირი რომ ჰქონდეთ?

ფოტოშოპის საშუალებით ვარსკვლავების გარეგნობაში მცირე შესწორებები შეიტანეს. მათ სახის ყველაზე დასამახსოვრებელი ნაწილები შეუცვალეს და აი შედეგიც:

1. ანჯელინა ჯოლი - ულამაზესი მსახიობის სახის ერთ-ერთი გამორჩეული ნაწილია სექსუალური ტუჩები, ამიტომაც მას ტუჩის ფორმა შეუცვალეს. რა თქმა უნდა, ის ისევ არაჩვეულებრივად გამოიყურება, მაგრამ უფრო მკაცრი გამომეტყველება აქვს.

2. კარა დელევინი - კარას ცნობილი სქელი წარბები შეათხელეს. მოდელი ასეც მომხიბვლელია, მაგრამ მისი სილამაზე თვალშისაცემი არ არის. 

3. ჯულია რობერტსი - ადრეულ ასაკში ჯულიას რცხვენოდა თავისი დიდი პირის გამო, მაგრამ ახლა ეს მას არ აწუხებს. ფაქტია, რომ საოცარი ღიმილი აქვს და ნახეთ, როგორი იქნებოდა მის გარეშე.

4. ბენედიქტ კამბერბეჩი - მსახიობს უყვარს ხუმრობა თავის უჩვეულო გარეგნობაზე. მაგრამ მილიონობით ადამიანი ეთაყვანება მას სწორედ გარეგნობის გამო. ნახეთ, როგორი იქნებოდა ბენედიქტიმ თუ ოდნავ შევუცვლიდით ნიკაპს, ტუჩებს, თვალებსა და ცხვირს.

5. ბარბრა სთრეიზანდი - იყო დრო, როცა მომღერალი უარს ამბობდა საზოგადოებაში გამოჩენაზე თავისი ცხვირის გამო, მაგრამ ბოლოს მან დაარწმუნა მთელი მსოფლიო, რომ ნიჭი გარეგნობაზე გაცილებით მნიშვნელოვანია. ალბათ, უფრო ელეგანტური ცხვირით მისი სახე უფრო ჰარმონიული იქნებოდა, მაგრამ ფაქტია, დღეს ბარბრა თავისი კეხიანი ცხვირის გარეშე წარმოუდგენელია.

6. სკარლეტ იოჰანსონი - კიდევ ერთი მსახიობი, რომლის წარმოდგენაც სქელი ტუჩების გარეშე შეუძლებელია. ნახეთ, როგორი იქნებოდა ის სექსუალური ტუჩების გარეშე. 

7. ვინსენტ კასელი - ეს მზაკვრულ თვალებიანი ფრანგი მამაკაცი ჩვენ გულებს იპყრობს არა თავისი სილამაზით, არამედ საოცარი ქარიზმით. ფოტოშოპით ყველაფერი დამუშავებულია - თვალები, ცხვირი, ყურები. ორივე ფოტოში მომხიბვლელია. 

8. ვანესა პარადი - ალბათ ვანესას კბილები უფრო ცნობილია, ვიდრე მისი ფილმოგრაფია.და როგორც ჩანს მის გარეშე მსახიობი არცთუ ისე მომხიბვლელია. 

9. ჯეიმს მაკავოი - ჯეიმს მაკავოის ცხვირი ოდნავ დაუპატარავეს, ოდნავ გაზარდეს მისი თვალები და ტუჩები. ერთადერთი დასკვნა - ის მომხიბვლელი იყო და მომხიბვლელი დარჩა.

10. ედრიენ ბროუდი - მას წარბები და ცხვირი შეუცვალეს, დიდად არაფერი შეცვლილა თითქოს მის გარეგნობაში, მაგრამ მან თავისი უნიკალური მომხიბვლელობა დაკარგა.