1. კირჩხიბი - ცხოვრებაში ყველაზე პრიორიტეტული კირჩხიბისთვის სიყვარულია. ზოდიაქოს ამ ნიშნის ადამიანებს სიყვარული წარმატების მიღწევაში ეხმარება. მიზნამდე მისვლას კირჩხიბი მხოლოდ მაშინ შეძლებს, თუ შეყვარებულია. წინააღმდეგ შემთხვევაში, ის დეპრესიაშია და არაფრის გაკეთების სურვილი არ აქვს. წარმოუდგენელი ბედნიერების განცდა აქვთ, როცა შეყვარებულები არიან. „მე შენ მიყვარხარ“, - კირჩხიბის საყვარელი ფრაზაა და მას ხშირად ამბობს. 

2. თევზები - ზოდიაქოს ამ ნიშნის ადამიანებისთვისაც სიყვარული პრიორიტეტების სიაში პირველ ადგილზეა. თევზები მზად არის თავიც კი გასწიროს საყვარელი ადამიანისთვის. როცა შეყვარებულია, ის პარტნიორისთვის ყველაფერს გააკეთებს. 

სამწუხაროდ, მას არ შეუძლია ურთიერთობის პირველ ეტაპზე საყვარელი ადამიანის უარყოფითი მხარეები შეაფასოს, ის ოცნებებში დაფრინავს, რის გამოც ხშირად მანიპულაციის მსხვერპლია. შეყვარებულ თევზს არ შეუძლია ემოციების მართვა. ის, თუ რამდენად წარმატებული იქნება თევზები პროფესიული თვალსაზრისით, დამოკიდებულია იმაზე, თუ რამდენად წარმატებული იქნება სასიყვარულო ურთიერთობაში. 

3. სასწორი - შესაძლოა, ემოციური თვალსაზრისით არ გამოხატავს სიყვარულს და ფიქრობთ, რომ მისთვის ეს საკითხი პრიორიტეტული არ არის, მაგრამ სინამდვილეში, სასწორის ცხოვრებაში ყველაზე მნიშვნელოვანი სწორედ რომ სიყვარულია. ის ზრუნავს საყვარელ ადამიანთან ურთიერთობის გაუმჯობესებისთვის, უფრო მყარი კავშირის შესაქმნელად. ის ცდილობს მოაგვაროს პარტნიორის პრობლემები, დაეხმაროს მას და ნებისმიერ სიტუაციაში გვერდით დაუდგეს. სასწორს აბედნიერებს პარტნიორის წარმატება და მისთვის მთავარი დასაყრდენი ძალაა.

4. მორიელი - თუ მორიელმა შეგიყვარათ, ეს ნიშნავს, რომ მისთვის ყველაფერი ხართ და თქვენ გამო ყველაფრისთვის მზად არის. მას მთელი გულით უყვარხართ და თქვენ გარდა სამყაროში ვერავის ხედავს. მორიელი ყველაფერს აკეთებს იმისთვის, რომ საყვარელმა ადამიანმა მის გარდა ვერავინ შეამჩნიოს. თუ სიყვარულზე სიყვარულით არ უპასუხებენ, ის განადგურებულია და ცხოვრების გაგრძელების სურვილს კარგავს.

5. ვერძი - ზოდიაქოს ამ ნიშნის ადამიანები ძალიან ერთგულები არიან. როცა უყვართ, უყვართ მთელი გულით და სამუდამოდ. ცხოვრებაში ნამდვილი სიყვარულით მხოლოდ ერთხელ უყვარდებათ და ამ სიყვარულის ერთგულები რჩებიან ბოლომდე. როცა ვერძი შეყვარებულია, ის მთლიანად კონცენტრირებულია საყვარელ ადამიანზე, მის საჭიროებებზე, ცდილობს მის გვერდით იყოს, მის ნაცვლად გააკეთოს ყველაფერი და ამით საყვარელ ადამიანს ასიამოვნოს.

6. ლომი - ზოდიაქოს ამ ნიშნის ადამიანებისთვისაც სიყვარული ყველაზე მნიშვნელოვანია. დიახ, ლომს ძალიან უყვარს საკუთარი თავი, მაგრამ ამავდროულად, სხვების მიმართაც საოცარი სიყვარულის გამოხატვა შეუძლია. ის ცდილობს დაიცვას საყვარელი ადამიანი და ამავდროულად, პატივს სცემს მის დამოუკიდებლობას. ლომს სჯერა, რომ სიყვარული ადამიანებს უკეთესობისკენ ცვლით. ლომს თუ შეუყვარდა, ის მიიღებს პარტნიორს ისეთს, როგორიცაა და არ მოინდომებს მის შეცვლას.