მამებისა და მათი ქალიშვილების ურთიერთობა განსხვავდება ყველა სხვა ურთიერთობებისგან. Trend.ge-ს მკითხველმა იცის სხვადასხვა კვლევების შესახებ, რომლებიც ამტკიცებენ, თუ რა განსაკუთრებული როლი აქვს მამას გოგონას ცხოვრებაში.

ამჯერად ვნახოთ 8 მიზეზი, რომელთა საშუალებითაც დაინახავთ, თუ რატომ აქცევს ქალს მამასთან ახლო ურთიერთობა ძლიერ პიროვნებად.

1. როცა მამა სწორი ღირებულებებით გზრდის - როგორც წესი, შვილები მშობლებს ემსგავსებიან. შენ უყურებ მას, თუ როგორი დამოკიდებულება აქვს გენდერული თანასწორობის მიმართ, ქალების მიმართ, როგორ დამოკიდებულებას იჩენს მეუღლისადმი. ის გასწავლით, როგორ უნდა იცხოვროთ დამოუკიდებლად, რომ არ აქვს მნიშვნელობა სქესს, ქალი შეიძლება იყოს ისეთივე წარმატებული, როგორც მამაკაცი და ყველაფერს აკეთებს იმისთვის, რომ ცხოვრების სირთულეებს მზად შეხვდეთ.

2. შენ გჯერა საკუთარი თავის, თავდაჯერებული ხარ, რადგანაც ხედავ მამას, რომელიც გენდობა და სჯერა შენი შესაძლებლობების - თავდაჯერებულობა თავისით არ მოდის. ეს დამოკიდებულია იმაზე, თუ როგორ გარემოში იზრდებით, როგორი ურთიერთობა გაქვთ მშობლებთან. როცა კარგი ურთიერთობა გაქვთ მამასთან და ხედავთ, რომ მას თქვენზე მეტად სჯერა თქვენი შესაძლებლობების, ბუნებრივია, რომ საკუთარი თავის რწმენა გემატებათ.

3. მამისგან გოგონები სწავლობენ, რომ ადამიანის მთავარი ძალა არ არის ის, თუ რამდენი კილოგრამის აზიდვა შეუძლია - არამედ ის, თუ როგორია ის პიროვნულად, რამდენად ძლიერია ფსიქოლოგიურად, რამდენად მდგრადია ემოციური თვალსაზრისით.

4. შენ მზად ხარ გამოწვევებისთვის, რადგანაც მამა შენი ინსპირაციის წყაროა - გამოწვევები კი არ გაშინებს, არამედ მათ ისე უყურებ, როგორც წარმატების მიღწევის შესაძლებლობას. მამისგან სწავლობ იმას, თუ როგორ ადგე ყოველ დილით და გაუსწორო ცხოვრებას თვალი, პრობლემებს კი არ დაემალო, არამედ პირისპირ შეხვდე მათ და გამოსავალი იპოვნო. 

5. იცი, რამდენად მნიშვნელოვანია მხარდაჭერა - ძლიერი ადამიანები ზრუნავენ საკუთარ თავზე და ასევე სხვებზეც. ისინი დანარჩენებისთვის დიდი იმედი და დასაყრდენები არიან. როცა ისეთი მამის გაზრდილი ხარ, რომელიც შენ გვერდით იყო მაშინვე, როცა გჭირდებოდა,იცი თუ რამხელა მნიშვნელობა აქვს მხარდაჭერას და გვერდით დგომას და ცდილობ, რომ ადამიანები გასაჭირში არასოდეს მიატოვო.

6. იცი პატიების ძალა - დრო და დრო ყველა ადამიანი უშვებს შეცდომას, მათ შორის შენც. როცა შეცდომას უშვებ, მამა შენ გვერდითაა, მას უყვარხარ უპირობოდ და გპატიობსყველა შეცდომას, თუმცა ამასთან ერთად გაძლევს რჩევებს იმისთვის, რომ მსგავსი შეცდომები ისევ აღარ დაუშვა. ამ ყველაფრის შემდეგ იცი, თუ რას ნიშნავს პატიება და რომ პატიების უნარი უმნიშვნელოვანესია.

7. მამისგან სწავლობ, რომ არასოდეს არ უნდა დანებდე - როცა მამასთან ახლო ურთიერთობა გაქვს, მისგან სწავლობ, რომ ცხოვრებას მარცხი და წარუმატებლობა ახლავს თან. უბრალოდ არასოდეს არ უნდა დანებდე და უნდა იბრძოლოთ მანამდე, სანამ სასურველს არ მიიღებ.

8. შენ იცი, რომ გყავს დიდი დასაყრდენი ძალა, მამა და იცი როგორ გახდე შენც სხვებისთვის საყრდენი.