მშობლები

რატომ შორდებიან წყვილები შვილის გაჩენის შემდეგ? – 7 მთავარი მიზეზი

რატომ შორდებიან წყვილები შვილის გაჩენის შემდეგ? – 7 მთავარი მიზეზი

წყვილების დიდი ნაწილი შვილის გაჩენის შემდეგ დაშორების გადაწყვეტილებას იღებს. ადამიანები ზოგჯერ ვერ აცნობიერებენ, რამდენი რამ შეიძლება შეიცვალოს ცხოვრებაში ბავშვმა. ისინი მოუმზადებლები ხვდებიან ყოველივეს და ახალ პრობლემებთან გამკლავება უჭირთ. ვნახოთ, რა არის მთავარი მიზეზები, რომელთა გამოც შვილის გაჩენის შემდეგ წყვილები ერთმანეთს შორდებიან.

1. კომუნიკაციის ნაკლებობა - ბუნებრივია, რომ უფრო რთული ხდება პარტნიორთან მშვიდად საუბრისთვის დროის გამონახვა. გამუდმებით ბავშვზე ზრუნვით ხართ დაკავებულები, მას უწყვეტი ყურადღება სჭირდება. შესაბამისად, თქვენს საჭიროებებზე პარტნიორს ვეღარ ესაუბრებით. მუდამ დაღლილები ხართ და დროსთან ერთად, შესაძლოა, სურვილიც არ გაქვთ საუბრის, რაც რა თქმა უნდა, ურთიერთობაში პრობლემებს აჩენს.

რატომ შორდებიან წყვილები შვილის გაჩენის შემდეგ? – 7 მთავარი მიზეზი

2. დაძაბულობა - იყო მშობელი არ არის მარტივი და ეს განსაკუთრებით რთულია ახალბედა მშობლებისთვის. ზოგჯერ ჩნდება განცდა, რომ მშობლის ტვირთი მარტო გაწევს, მხოლოდ შენ გაქვს ყველანაირი პასუხისმგებლობა და პარტნიორი არ იზიარებს მას. ხარ სტრესში და მუდამ დაძაბული. ეს რომანტიკულ ურთიერთობაში ბზარის გაჩენის კიდევ ერთი მიზეზია.

რატომ შორდებიან წყვილები შვილის გაჩენის შემდეგ? – 7 მთავარი მიზეზი

3. ცხოვრება ქაოსური ხდება - როცა ბავშვი იბადება, ცხოვრება მთლიანად იცვლება. პარტნიორისთვის ცოტა დრო რჩება, ხოლო საკუთარი თავისთვის დრო საერთოდ აღარ გაქვთ და ხანდახან ფიქრობთ, რომ ცხოვრების გაკონტროლება აღარ შეგიძლიათ, რადგანაც ის წარმოუდგენლად ქაოსური გახდა. წყვილების დიდი ნაწილი სწორედ იმიტომ შორდება ერთმანეთს, რომ ვერ უმკლავდებიან ცხოვრების ახალ რიტმს და ვერ ახერხებენ ქაოსის დალაგებას.

რატომ შორდებიან წყვილები შვილის გაჩენის შემდეგ? – 7 მთავარი მიზეზი

4. ბავშვის გაჩენის შემდეგ საყვარელ ადამიანთან ურთიერთობა თითქოს უმნიშვნელო ხდება - სასიყვარულო ურთიერთობა მეორე პლანზე ინაცვლებს. ასე ხდება იმ შემთხვევაში, როცა წყვილები მზად არ არიან ბავშვისთვის და არ აქვთ გააზრებული, თუ როგორ შეიძლება დროის გადანაწილება ყველაფერზე. საბოლოო ჯამში, ყოველივეს გავლენით ურთიერთობა ცივდება და წყვილები დაშორების გადაწყვეტილებას იღებენ.

რატომ შორდებიან წყვილები შვილის გაჩენის შემდეგ? – 7 მთავარი მიზეზი

5. ძილის რეჟიმის დარღვევა - ეს არის მიზეზი, რომელმაც შეიძლება ყველაზე მყარი ურთიერთობაც კი დაანგრიოს. როცა არ გყოფნით ძილი, უხასიათო და აუტანელი ხდებით და თქვენ არ ხართ გამონაკლისი. ნებისმიერ ადამიანს ასე ემართება. უძილობა გარდა ხასიათის ცვლილებისა, საღად აზროვნების შესაძლებლობას აქვეითებს და გადაწყვეტილებების რაციონალურად მიღების უნარს გიკარგავთ.

რატომ შორდებიან წყვილები შვილის გაჩენის შემდეგ? – 7 მთავარი მიზეზი

6. ბავშვი, როგორც ურთიერთობის მოგვარების საშუალება - ზოგჯერ წყვილები ბავშვს ურთიერთობის მოგვარების მიზნით აჩენენ. ფსიქოლოგების განმარტებით, ბავშვის გამოყენება ამ მიზნით ცუდი იდეაა, მაგრამ სამწუხაროდ, ჯერ კიდევ ბევრი ადამიანი მიმართავს ამ მეთოდს და ჰგონიათ, რომ ბავშვის გაჩენის შემდეგ ურთიერთობაში პრობლემები მოგვარდება. რეალურად კი ასე არ არის. ბავშვის გაჩენა ურთიერთობას ვერ მოგიგვარებთ.

რატომ შორდებიან წყვილები შვილის გაჩენის შემდეგ? – 7 მთავარი მიზეზი

7. მშობიარობის შემდგომი დეპრესია - ბავშვის გაჩენა, რა თქმა უნდა სასიხარულო და ბედნიერების მომტანი ფაქტია, მაგრამ ქალების დიდ ნაწილს მშობიარობის შემდგომი დეპრესია სტანჯავს, რომელიც გარშემომყოფების მიერ უგულებელყოფილია და არავის ესმის, რატომ შეიძლება იყოს ქალი შვილის გაჩენის შემდეგ დეპრესიაში. როგორც წესი, ქალებიც მალავენ თავიანთ შინაგან მდგომარეობას, ამას უმალავენ პარტნიორსაც.

რატომ შორდებიან წყვილები შვილის გაჩენის შემდეგ? – 7 მთავარი მიზეზი

იმედგაცრუებულები არიან და თავს დამნაშავედ გრძნობენ იმის გამო, რომ შვილის გაჩენის შემდეგ დეპრესია აქვთ. ყოველივე, რა თქმა უნდა, განწყობაზე, ხასიათზე აისახება და საყვარელ ადამიანთან ურთიერთობაზე უარყოფითად მოქმედებს. აღნიშნული კი, ზოგჯერ განშორების მიზეზი ხდება.



<a href="https://herbeauty.co">https://herbeauty.co</a>