იმაზე, თუ როგორ ადამიანებად ჩამოვყალიბდებით, მშობლები, რა თქმა უნდა, დიდ გავლენას ახდენენ და შვილებსა და მშობლების ხასიათს, მსოფლხედვას და სტილს შორისაც კი, დიდი მსგავსებაა.

ვნახოთ შვიდი მთავარი რამ, რაც გოგონებმა დედისგან უნდა ისწავლოთ:

1. მსხვერპლშეწირვა - დედები საკუთარ საჭიროებებზე წინ აყენებენ შვილების საჭიროებებს და ხშირად ბევრ რამეზე უარის თქმა უწევთ. მისი მაგალითით სწავლობთ მზრუნველობას, უფრო უკეთ იგებთ, თუ რამდენად მნიშვნელოვანია ოჯახი და რომ ზოგჯერ პირად სურვილებზე უფრო პრიორიტეტული შესაძლოა სხვისი სურვილები იყოს.

2. პასუხისმგებლობა - დედის მაგალითით გვიყალიბდება პასუხისგებლობის გრძნობა. ვიაზრებთ, რომ აუცილებელია მზრუნველობა არა მხოლოდ საკუთარ თავზე, არამედ საყვარელ ადამიანებებზეც.

3. თავდაჯერებულობა - თანამედროვე ცხოვრებაში ქალისთვის უმნიშვნელოვანესია, რომ იყოს საკუთარ თავში დარწმუნებული, თავდაჯერებული. საკუთარი თავის რწმენა კი გვიყალიბდება დედის მაგალითით. დედასთან სწორი და კარგი ურთიერთობა, ქალურ საკითხებზე გულწრფელი საუბარი, მისი გამოცდილება და რჩევები გვეხმარება რომ თავდაჯერებული ადამიანები გავხდეთ.

4. ბრძოლა - დედისგან ვსწავლობთ, რომ მიზნამდე მიღწევას დიდი ბრძოლა სჭირდება, რომ არასოდეს უნდა დავნებდეთ, რომ მარცხი ცხოვრების შემადგენელი ნაწილია და მან ვერ უნდა შეგვაშინოს.

5. სტილი - ყველა გოგოსთვის დედა სტილის პირველი მასწავლებელია. სწორედ მისი სამოსით სწავლობს ის ჩაცმას და უყალიბდება გემოვნება. დედა პირველი მოდელია ყველა გოგოს ცხოვრებაში. მოდას დედის თვალებით ვუყურებთ.

6. კომუნიკაცია - ჩვენ ყველას გვჭირდება ვიცოდეთ როგორ დავამყაროთ სწორი კომუნიკაცია და როგორ შევძლოთ გავუგოთ სხვებს. სწორედ დედის მაგალითით სწავლობთ კომუნიკაციას, უყურებთ მას, თუ როგორ ურთიერთობს გარშემომყოფებთან, როგორ მეტყველებს, როგორ წარმართავს დიალოგს. სწორედ დედის მაგალითით გიყალიბდებათ კომუნიკაციის უნარი.

7. გადარჩენა - შეგიძლიათ მისგან ისწავლოთ ყველაფერი. მისგან სწავლობთ საჭმლის მომზადებას, სახლის დალაგებას, ფინანსების მენეჯმენტს, პირად ჰიგიენას, ყველაფერს, რაც გჭირდებათ იმისთვის, რომ გადარჩეთ. დედა პირველი ფინანსური მრჩეველია, სადილების გურუ, სახლის დეკორაციების ექსპერტი, თქვენ მრჩეველი და საუკეთესო მეგობარი.