1. ყოველთვის შენ ხარ საერთო გეგმების ინიციატორი

თუ არ დაურეკავ ან არ მისწერ, შესაძლოა რამდენიმე დღე არც გაახსენდე. ხოლო როდესაც შეეხმიანები, ნეიტრალურ პასუხებს იღებ. თანაც ყოველი პაემნის ან საერთო გეგმის მოფიქრებაც შენი „პასუხისმგებლობაა“.

2. გრძნობ, რომ არ იცნობ შენს პარტნიორს

არასოდეს გიზიარებს საკუთარ წარსულს, აწყმოსა თუ მომავალს. კითხვებს ყოველთვის შენ სვამ, თუმცა მხოლოდ ზედაპირულ პასუხებს იღებ.

3. გეშინია, მასთან საკუთარი თავი ბოლომდე გამოავლინო

არ იცი, შეძლებს თუ არა შენი ნამდვილი სახის მიღებას. ამიტომ გამუდმებით მალავ შენს სურვილებსა და უნიკალურობას.

4. მის სურვილებს საკუთარზე წინ აყენებ

როდესაც ერთად ხარ, მუდამ ითვალისწინებ მის სურვილებს და ისე იქცევი, როგორც მას უნდა. თუმცა საპასუხოდ ვერასოდეს იღებ იგივე დამოკიდებულებას.

5. ხშირად ცდილობ მის გამართლებას

ძირითადად ისე იქცევა, რომ მის საქციელს გამართლების მოფიქრება სჭირდება. შენც ხშირად გიწევს ოჯახის წევრებისა და მეგობრების წინაშე მისი გამართლება.

6. გეშინია მისი გაბრაზების

გეშინია, რადგან ზუსტად იცი, რომ ის აუცილებლად წავა და შენს გამო საკუთარ თავის პატარა ნაწილსაც კი არ დათმობს.

7. ხშირად იხდი ბოდიშს

მაშინაც კი, თუ დამნაშავე არ ხარ. თუ თქვენს ურთიერთობაში რამე ცუდი ხდება, მუდამ ფიქრობ, რომ ეს შენი ბრალია. ის მუდამ ცდილობს პასუხისმგებლობა შენზე გადმოიტანოს.

თუ ზემოთ ჩამოთვლილი ნიშნებიდან უმრავლესობა შენთვის ნაცნობია, მაშინ დაიმახსოვრე - დროა გაიქცე და აღარასოდეს მოიხედო უკან!