მამაკაცებს თავისუფალ, ცოტათი შეშლილ და მხიარულ ქალებთან ურთიერთობა ძალიან მოსწონთ. მათთან თავს კარგად გრძნობენ, ურთიერთობისას არასოდეს იწყენენ, განებივრებულები არიან მოულოდნელობებითა და სიურპრიზებით, თუმცა, თუ ჯერი საყვარელი ქალის ოჯახთან წარდგენაზე მიდგა, მათ ამ ნაბიჯის გადადგმა ძალიან უძნელდებათ. გაუგებარია, რა უქმნით მათ დაბრკოლებებს, თუმცა, ფაქტი ერთია, რომ შესაფერის დროს, ფორმას და სიტყვებს ვერ პოულობენ.

ამბობენ, რომ არის ქალის ხასიათში რაღაცები, რაც მამაკაცებს მისი ოჯახის წინაშე წარდგენით გამოწვეულ დაძაბულობას უხსნის. ოჯახის წევრების გაცნობა კი, ალბათ თავადაც მოგეხსენებათ, რომ მისი მხრიდან თქვენი მიმართულებით გადადგმულ სერიოზულ ნაბიჯს ნიშნავს. გთავაზობთ ქალის ხასიათის და ქცევების ჩამონათვალს, რომლებიც მამაკაცს იმის გარანტიას აძლევს, რომ ოჯახი მის არჩევანს მოიწონებს.

1. თუ თბილი ხარ

თუ ადამიანების მიმართ თბილად ხართ განწყობილი და ამასთან, ძალიან საყვარელიც ხართ, თქვენი საყვარელი მამაკაცი აღარ იღელვებს იმაზე, მოეწონებით თუ არა მის ოჯახის წევრებს.

2. თუ მზრუნველი ხარ

იზრუნებ მასზე, როცა შეუძლოდ იქნება? - აი რა აღელვებთ ყველაზე მეტად თქვენი საყვარელი მამაკაცის მშობლებს. თუ ეს თვისებაც თქვენია, მაშინ ძალიან გაუმართლა, როგორც თქვენს საყვარელ მამაკაცს, ასევე მის ოჯახის წევრებსაც.

3. თუ ყველა საკითხში ჩამოყალიბებული ხარ

როცა ქალი გამუდმებით წუწუნებს, ჭირვეულობს, ვერ ყალიბდება და უჭირს გარკვევა თუ რა სურს, საყვარელ მამაკაცს ძალიან გაუჭირდება მისი ოჯახის წინაშე წარდგენა. თუ კი თქვენ საკმაოდ ბევრ საკითხში ხართ ჩამოყალიბებული, იცით სად როგორ მოიქცეთ, ვისი თანდასწრებით როგორი კომენტარები გააკეთოთ, იგი აუღელვებლად დაგპატიჟებთ სადილზე, მშობლებთან ერთად.

4. თუ შარმიანიც ხარ

ძალიან ბევრი ლამაზი ქალბატონი არსებობს, რომელსაც რთულია გვერდი აუარო. თუმცა, მამაკაცებს სილამაზესთან ერთად, ქალში შარმიც იზიდავთ, რაც არა გარეგანი, არამედ, შინაგანი ენერგეტიკიდან მოდის.

5. თუ მეგობრულიც ხარ

ეს არის ყველაზე მნიშვნელოვანი თვისება, რომელიც, სასურველია, გაგაჩნდეთ. თქვენს მეგობრულ დამოკიდებულებას მისი მშობლები აუცილებლად იგრძნობენ და თითქმის არ არსებობს შანსი, მოხიბლულები არ დარჩნენ ამით.

6. შრომისმოყვარე ქალი

შრომის სიყვარული მაღალი ანაზღაურების სიყვარულს არ ნიშნავს. მშობლები პატივს სცემენ თავიანთი შვილის რჩეულს, როდესაც იგი პასუხისმგებლიანი, პროფესიონალი და წარმატებულია. ეს არა მარტო თქვენი საყვარელი მამაკაცის მშობლებს, არამედ, თავად თქვენს საყვარელ მამაკაცსაც ხიბლავს თქვენში.

7. ინტელექტუალი ქალი

ინტელექტუალი ქალი, სექსუალური ქალია!

ინტელექტი საშუალებას იძლევა ჩაერთოთ ნებისმიერი შინაარსის საუბარში, იყოთ საინტერესო და დამაჯერებელი. ეს გულგრილს არავის ტოვებს!

8. გულწრფელობა

გახსოვდეთ, მატყუარა ადამიანი არავის უყვარს. მამაკაცები ქალში გულწრფელობას ძალიან აფასებენ. სადილზე, თქვენი ხასიათის ეს თვისება არც მის მშობლებს გამორჩებათ.

9. შეგნებულობა

მამაკაცები ძალიან აფასებენ ფიქრის უნარს, მათი მითითების გარეშე სხვადასხვა საკითხის მიხვედრას და ამ ყველაფერთან ერთად თავაზიანობას. მაგალითად, თქვენი საყვარელი მამაკაცი, აღფრთოვანდება თქვენით, თუ სადილზე მის მშობლებს საჩუქარს მიართმევთ.

10. დამოუკიდებელი ქალი

დამოუკიდებელი ქალები, ყველაზე სექსუალურ, სასურველ და საინტერესო ქალებად მიაჩნიათ მამაკაცებს. მათ ძალიან აწუხებთ გარემოებები, რომლებსაც წუწუნა, დამოკიდებული ქალები ქმნიან.

11. ზრდილობიანი ქალი

ზრდილობა უპირველეს ყოვლისა! მამაკაცები აფასებენ, როცა მათი საყვარელი ქალი თავის მშობლებს დახმარებას სთავაზობს, ზრდილობიანად საუბრობს და არასოდეს ავიწყდება მადლობის გადახდა.

12. თუ მსუბუქი ხასიათი გაქვთ

კიდევ ერთხელ უნდა გითხრათ, რომ მამაკაცებს ძალიან აწუხებს ქალის გამუდმებული წუწუნი და ჭირვეულობა. თუ თქვენ მსუბუქი ხასიათი გაქვთ, არ ბრაზდებით ყველაფერზე, არ წუწუნებთ გამუდმებით, მაშინ, თქვენს მამაკაცს ძალიან გაუმართლა!

13. პატივსაცემი ქალი

თუ სადილზე მიპატიჟებისას, თქვენი საყვარელი მამაკაცის მშობლების კულინარიულ უნარებს დაიწუნებთ და ამას ხმამაღლა განაცხადებთ, დამიჯერეთ, არავინ დარჩება თქვენი ქმედებით კმაყოფილი. თქვენს საყვარელ მამაკაცს სურს, პატივს გცემდეთ მისი ოჯახის წევრები და იმავეს მოითხოვს თქვენგანაც.

14. გემოვნებიანი ქალი

მიუხედავად იმისა, რომ მოკლე შორტებსა და ტოპში თქვენზე სექსუალური მას არავინ წარმოუდგენია, იგი იმასაც აფასებს, რომ იცით, სად როგორ ჩაიცვათ. თუ მისი გაფრთხილების გარეშე, ოჯახთან მიპატიჟებისას შესაფერისად ჩაიცვამთ, თქვენი საყვარელი მამაკაცი ძალიან კმაყოფილი დარჩება!

15. თავმოყვარე ქალი

არცერთ მამაკაცს არ მოსწონს ქალი, რომელსაც საკუთარი თავი არ უყვარს. გარდა ამისა, თავმოყვარეობა ყოველთვის ღირსეული ნაბიჯებისკენ უბიძგებს ადამიანებს. ეს თვისება ქალებს განსაკუთრებით უხდებათ!

16. წარმატებული ქალი

წარმატებული ქალი მამაკაცის წარმატების წინაპირობაა!

17. ლოიალური ქალი

თქვენს საყვარელ მამაკაცს არასოდეს მოუნდება თქვენი წარდგენა ოჯახის წევრების წინაშე, თუ ტოლერანტობისა და ლოიალურობის განცდა სხვადასხვა საკითხებისა და ადამიანების მიმართ არ გაგაჩნიათ.

გახსოვდეთ, როცა მამაკაცი თავის ოჯახის წევრებს გაცნობთ და ამ მნიშვნელოვან ნაბიჯს დგამს, იგი თქვენ გენდობათ და თქვენთან გრძელვადიანი და სერიოზული ურთიერთობა სურს.