3 აუცილებელი ინგრედიენტი, რომელიც სახის კანის მოვლის რუტინაში უნდა გამოიყენო

სილამაზე

3 აუცილებელი ინგრედიენტი, რომელიც სახის კანის მოვლის რუტინაში უნდა გამოიყენო

24.04.2023

დაიღალე კანის მოვლის პროდუქტებზე ფულის ხარჯვით? განსაკუთრებით გულდასაწყვეტია, როცა ხედავ, რომ თვეები გადის და ძვირადღირებული კანის მოვლის საშუალებები კი შედეგს არ იძლევა. ალბათ დროა, თავის მოვლის რუტინა გაიმარტივო და ფოკუსირდე სახის კანის მოვლის ძირითად ინგრედიენტებზე:

ჰიალურონის მჟავა

ეს ძლიერი ინგრედიენტი ბუნებრივი ნივთიერებაა, რომელსაც ჩვენივე სხეული გამოყოფს, თუმცა, ასაკში შესვლასთან ერთად მისი გამოყოფა მცირდება.ჰიალურონის მჟავა გამოირჩევა კანის დატენიანების შეუდარებელი უნარით. ის ანიჭებს კანს სირბილეს, სიგლუვესა და ელასტიკურობას. დამატენიანებელი თვისებების გარდა, ჰიალურონის მჟავა ასევე გამოიყენება კანის ტექსტურის გასაუმჯობესებლად და ნაოჭების პრევენციისთვის.

ვიტამინი C

ვიტამინი C არის ძლიერი ანტიოქსიდანტი, რომელიც ხელს უწყობს კანის ბუნებრივი სტრუქტურის შენარჩუნებას და, ამავე დროს, აფერხებს კანის დაბერების პროცესს, ნაოჭებისა და წვრილი ხაზების წარმოქმნას.

გარდა ამისა, C ვიტამინს შეუძლია დაიცვას კანი გარემოს სტრესებისგან, როგორიცაა დაბინძურება და ულტრაიისფერი სხივების დაზიანება, რაც მას კანის მოვლის აუცილებელ ინგრედიენტად აქცევს. მისი საშუალებით, შესაძლებელია კანის ტონის გათანაბრება, მუქი ლაქებისა და პიგმენტაციის შემცირება.

და ბოლოს, კოსმეტოლოგებისა და დერმატოლოგების რჩეული ინგრედიენტი - რეტინოიდები

ცნობილი, როგორც დაბერების საწინააღმდეგო საშუალება. ისინი აუმჯობესებენ უჯრედების განახლებას და კოლაგენის გამომუშავებას, რაც საგრძნობლად აფერხებს წვრილი ხაზებისა და ნაოჭების გაჩენას. რეტინოიდები აუმჯობესებს კანის ტექსტურას და ათანაბრებენ მის ტონალობას. გარდა ამისა, რეტინოიდებს ხშირად აკნეს სამკურნალოდ იყენებენ, რადგან მათ შეუძლიათ ხელი შეუწყონ ფორების დახურვას და ამით თავიდან აირიდონ აკნეს გამწვავება.

რაც შეეხება კანის მოვლას, მნიშვნელოვანია გვახსოვდეს, რომ ზოგჯერ ნაკლებ ძალისხმევას უკეთესი შედეგი მოაქვს. მაღალი ხარისხის, ეფექტურ ინგრედიენტებზე ფოკუსირებით, როგორიცაა ჰიალურონის მჟავა, ვიტამინი C და რეტინოიდები, შეგიძლიათ გაიმარტივოთ თქვენი რუტინა და მიაღწიოთ ჯანსაღ და მბზინავ კანს.