ურთიერთობებს, ისევე, როგორც ყველაფერს, თავისი სამოქმედო გეგმა სჭირდება. წინააღმდეგ შემთხვევაში, როგორც წესი, ისინი მონოტონურ, მოსაწყენ, დამღლელ ფორმებს იძენენ და საბოლოოდ ინგრევიან. 

ერთი რამ, რისი თქმაც დანამდვილებით შემიძლია, ის არის, რომ ყველაფერი, რაც ცხოვრებაში გიყვარდება, გსიამოვნებს ან მოგწონს, შენივე თავიდან მომდინარეობს და შესაბამისად, ამ ნათელი წერტილების ხანგრძლივად შენარჩუნების გასაღებიც თავად ხარ! 

TREND. გთავაზობთ წარმატებული ურთიერთობებისთვის საჭირო 5 რეცეპტს, რაც დაგეხმარებათ, საყვარელ ადამიანთან ურთიერთობის დასტაბილურებაში, გამრავალფეროვნებასა და შენარჩუნებაში:

1. იყავი პოზიტიური

როცა ურთიერთობაში იმყოფები, ეს ნიშნავს იმას, რომ გსურს შენი პარტნიორი გააბედნიერო, ისევე, როგორც მას სურს გაგაბედნიეროს. ამ სურვილის გარეშე ურთიერთობები არ იქნება. შესაბამისად გახსოვდეს, რომ განცდები და ემოციები, რომლებსაც თან ატარებ, გადამდებია. თუ ეცდები და იქნები უფრო პოზიტიური, ვიდრე ხარ, ეს აუცილებლად აისახება შენს ურთიერთობაზეც და პარტნიორის განწყობაზეც! 

2. დათმე!

დათმობები აღებს ყველანაირი ურთიერთობის კარს! შესაბამისად, ისეთ სიტუაციაში, რომელიც, შესაძლოა, შენთვის, ბოლომდე მისაღები არ აღმოჩნდეს, დათმობებზე წასვლა მოგიწევს. აუცილებლად მოითხოვე მსგავსი დამოკიდებულება შენი პარტნიორისგანაც და გახსოვდეს, როცა საქმე გუნდის ჩართულობით კეთდება, იგი ყოველთვის წარმატებით სრულდება!

3. გახსოვდეს საკუთარი თავი

ურთიერთობების ყველაზე დიდი მინუსი ის არის, რომ ადამიანებს ხშირად საკუთარი თავი, საკუთარი სურვილები და ინტერესები ავიწყდებათ და ბოლომდე პარტნიორზე კონცენტრირდებიან. გახსოვდეს, რომ ამ გზით, ურთიერთობები მალე უფერულდება და რუტინული ხდება. ნუ დაივიწყებ საკუთარ სურვილებს, გყავდეს საკუთარი თავი პრიორიტეტად, ეს ურთიერთობებსა და სიყვარულს ხელს არ უშლის!

4. იყავი სამართლიანი 

უპირველესად, იყავი სამართლიანი საკუთარი თავის მიმართ და გაარკვიე, რას იმსახურებ და რას არა. შემდეგ კონცენტრირდი პარტნიორზე და განსაზღვრე, რას იმსახურებს იგი. ყოველ ჯერზე, როცა პრობლემა წარმოიქნება, სამართლიანად განიხილე, რომელ თქვენგანს მიუძღვის გაცილებით დიდი წვლილი ამ პრობლემისა და გაუგებრობის წარმოქმნაში და ეცადე, სამართლიანი გზით მოაგვარო მსგავსი დაბრკოლებები!

5. დაეხმარე

როცა საქმე პირად ურთიერთობებს ეხება, მცირე დახმარება ყველას გვჭირდება. ამიტომ, არასოდეს უთხრა პარტნიორს უარი დახმარებაზე, თუ ისიც ყოველთვის მზადაა დაგეხმაროს! მსგავსი ქმედებები, ყოველთვის ანალოგიურის სურვილს აღძრავს, ასე, რომ დარწმუნებული იყავი იმაში, რომ შენი პარტნიორი დააფასებს ამას და მეტიც, გაგაღმერთებთ!