დასვენება და განტვირთვა ყველა ინდივიდისთვის სუბიექტური თემაა. ჩვენდა გასაკვირად, ზოგი ადამიანისთვის დასვენება სერიოზულ აქტივობასაც კი შეიძლება მოიცავდეს და პირიქით, ზოგისთვის დასვენება წამოწოლა, ტელევიზორთან მოკალათება, ან თუნდაც ბუხართან ჩამოჯდომა, წიგნის კითხვა, ქსოვა, ქარგვა თუ ჭრა-კერვაა.  

ბოლოდროინდელი კვლევების მიხედვით, იოგა სულ უფრო და უფრო პოპულარული ხდება. რაც გასაკვირი სულაც არ არის - ეს ხომ დასვენების და განტვირთვის საუკეთესო ფორმაა. ამისათვის კი სხვადასხვაგვარი იოგას პრაქტიკა არსებობს.

დღეს ჩვენ განვიხილავთ იოგას ერთ-ერთ მიმდინარეობას, ე.წ. „რელაქს იოგას“. ცხადია, თითოეული ინდივიდისთვის, იოგას პრაქტიკაც ინდივიდუალურია, თუმცა ეს მიმდინარეობები, ყველა ადამიანისთვის მეტ-ნაკლებად მისაღები და რეკომენდებულია. მაშ ასე დავიწყოთ:

1. „აღდგენითი იოგა“

ყველაზე ცნობილი დამამშვიდებელი ტიპის იოგას პრაქტიკა, ალბათ „აღდგენითი იოგაა“. იოგას ეს ნელი, ნაზი და ფრთხილი ფორმა თქვენს სხეულსა და გონებას დასვენებისა და დამშვიდების საშუალებას აძლევს. დაჭიმულ პოზიციაში ყოფნა, ყოველგვარი სიმძიმის გარეშე გარეშე, მხოლოდ საკუთარი წონის გადანაწილებით, საბოლოო ჯამში ადუნებს. ეს პოზები გულისხმობს, რომ კუნთების დასაჭერად სულაც არ არის საჭირო დიდი ძალისხმევა, რაც საშუალებას მოგცემთ სწრაფად მიაღწიოთ დამშვიდებულ მდგომარეობას და ისიამოვნოთ იოგას სამკურნალო შედეგებით. „აღდგენითი იოგა“ იდეალურია ქრონიკული სტრესის დროს - როგორც ფიზიკური, ასევე სულიერი მდგომარეობის პრევენციისათვის.

2. „იინ იოგა“

თუ თქვენთვის ხანგრძლივი სტატიკური მდგომარეობის იდეა მისაღები და მეტად კომფორტულია, მაშინ იინ იოგა თქვენთვისაა. ეს იოგას ტიპი არ არის ისეთი ნაზი, როგორც აღდგენითი იოგა, თუმცა არც დიდ ძალისხმევას მოითხოვს. ღრმა და ზოგჯერ ინტენსიურ შეკავებას შეუძლია სრულად გაათავისუფლოს დაძაბულობა. განსაკუთრებით კი თეძოებისა და ზურგის ქვედა ნაწილის გარშემო. „იინ იოგა“ უზრუნველყოფს გონების გააქტიურებას, სტრესის მოშორებასა და მაქსიმალურად რეალური შეგრძნებების შენარჩუნებას.

3. „ვინიასას იოგა - ცხედრის პოზა“

იოგას ეს ტიპი იდეალურია გონების უკიდეგანო გადაღლის მოსახსნელად. ასეთ შემთხვევაში ფიზიკური აქტივობის უნარი ადამიანს ნაკლებად აქვს, რადგან ჰგონია რომ დაიღალა. სინამდვილეში კი მისი გონებაა დაღლილი და სხეული არა, თუმცა თუ საკუთარ თავს ამ გამოწვევას გაუკეთებთ, აღმოაჩენთ, რომ ინტენსიური პოზები სხეულს ახალი ძალით აღავსებს. ასეთი მოძრაობისას გამოთავისუფლდება ენდორფინები და სეროტონინი, რითაც სიმშვიდის შეგრძნება დაისადგურებს თქვენში.

4. „იოგა ნიდრა - იოგას ძილი“

ეს არის პოზა, როდესაც წევხართ და უსმენთ იოგის ხმას, ღრმად სუნთქავთ, და ცდილობთ „შინაგანს მეს“ დაუახლოვდეთ. ამ დროს, თქვენი გონება შეიძლება ძალიან მარტივად გადავიდეს ღრმა სიმშვიდის მდგომარეობაში. იოგას ძილი ნირვანას მდგომარეობისკენ მიმავალი კიბეა, ის უტოლდება მედიტაციას.

აირჩიეთ ზემოთჩამოთვლილიდან თქვენთვის კომფორტული და მეტად სასურველი იოგას ტიპი. გაიხადეთ პრიორიტეტად საკუთარი დასვენება და იცხოვრეთ მშვიდი, ბედნიერი ყოველდღიურობით.