როგორც წესი, ქალები ბოდიშს ვიხდით იმაზე, რაც ჩვენს კონტროლს არ სცილდება ან, უფრო მეტიც, უბრალოდ საბოდიშო არაფერია. მობოდიშების გადაჭარბებულმა  ჩვევამ შეიძლება დაგვაკარგვინოს თავდაჯერებულობა და გააძლიეროს მოსაზრება, რომ რატომღაც, ჩვენ არასწორად გადმოვცემთ ჩვენს საჭიროებებსა და სურვილებს. დროა გავთავისუფლდეთ ამ მავნე ჩვევისგან და გამოვხატოთ ჩვენი ნამდვილი ღირებულება.

1. თქვენი აზრის გამოხატვა: თქვენი მოსაზრებები და იდეები მნიშვნელოვანია, ამიტომ გამოხატეთ ისინი კრიტიკის შიშის გარეშე. მოუსმინეთ შინაგან ხმას და მიეცით საშუალებათ სხვა ადამიანებმაც გაიგონ ის.

2. სივრცის დაკავება: იქნება ეს ფიზიკური სივრცე თუ საუბარი, თქვენ გაქვთ სრული უფლება დაიკავოთ იგი. თქვენი ყოფნა ღირებულია და პატივისცემას იმსახურებს.

3. საკუთარი თავის მოვლა: თქვენი კეთილდღეობა არასოდეს უნდა იყოს დანაშაულის ან ბოდიშის წყარო. საკუთარ თავზე ზრუნვა აუცილებელია თქვენი გონებრივი, ემოციური და ფიზიკური ჯანმრთელობისთვის.

4. საზღვრების დაწესება: ნორმალურია თქვათ „არა“ და დაადგინოთ საზღვრები, რომლებიც დაიცავს თქვენს დროს, ენერგიას და პირად სივრცეს. გახსოვდეთ, თქვენი საჭიროებები ისევე მნიშვნელოვანია, როგორც სხვისი.

5. ამბიციურობა: ნუ მოიხდით ბოდიშს საკუთარი ოცნებებისა და ამბიციების გამო. მიაღწიეთ თქვენს მიზნებს მონდომებით და არასოდეს მოიხადოთ ბოდიში ამისთვის.  

6. დასვენება: არდადეგები, დასვენების დღეები და პირადი დრო არ არის ბოდიშის მოხდის მიზეზი. პირიქით, დასვენება აუცილებელია გადატვირთვისა და ჯანსაღი სამუშაო-ცხოვრების ბალანსის შესანარჩუნებლად.

7. შეცდომების დაშვება: არავინ არის სრულყოფილი, შეცდომები კი ზრდისა და სწავლის ბუნებრივი ნაწილია. გამოიყენეთ ისინი, როგორც გაუმჯობესების შესაძლებლობა.

8. საზოგადოების მოლოდინების უარყოფა: ნუ მოიხდით ბოდიშს საზოგადოების ნორმებიდან ან მოლოდინებიდან გადახრის გამო. იცხოვრეთ ავთენტურად, თქვენი წესების მიხედვით.  

9. საკუთარი თავის პრიორიტეტიზაცია: თქვენი ბედნიერება და კეთილდღეობა მნიშვნელოვანია. შეწყვიტეთ ბოდიშის მოხდა საკუთარი თავის პირველ ადგილზე დაყენებისთვის და გააკეთეთ ისეთი არჩევანი, რომელიც შეესაბამება თქვენს ღირებულებებსა და სურვილებს.