1. ორაგული და სხვა ცხიმიანი თევზი

ორაგული და მისი „ნათესავები“ – ხარისხიანი თმისა და ჯანმრთელი თავის კანის საუკეთესო მეგობრები არიან. ეს თევზი შეიცავს უამრავ ვიტამინებს, პროტეინებს, მინერალებს და, რაც მთავარია, ცხიმოვან მჟავებს, რომელთა შორის განთქმული ომეგა-3, რომელიც ასტიმულირებს თმის ზრდას.

2. სელის ზეთი

ცხიმოვანი მჟავების სხვა შესანიშნავი წყაროა - სელის თესლი. დაამატე ყოველდღიურ რაციონში 1-2 ს.კ. სელის ზეთი.

3. მწვანე ბოსტნეული

იმისათვის, რომ თმა ძლიერი და ჯანმრთელი გაიზარდოს, მას სჭირდება „ა“ და „ც“ ვიტამინები. სწორედ ეს ვიტამინები ესაჭიროება ორგანიზმს კანის ცხიმის საჭირო რაოდენობის გამომუშავებისთვის, რომელიც წარმოადგენს თმისთვის ნატურალურ კონდიციონერს. ამიტომ ისპანახი, ბროკოლი და ჭარხლის ფოთოლი - შენი მომავალი შესანიშნავი თმის ერთგული მეგობრები არიან.

4. ავოკადო

აი, ის, ვარსკვლავების, მათი ექიმებისა და დიეტოლოგების საყვარელი პროდუქტი. ავოკადო - ვიტამინებისა და მიკროელემენტების ნამდვილი საბადოა.

5. მზესუმზირა

მზესუმზირა ძალიან მდიდარია „ე“ ვიტამინით, რომელიც აძლიერებს სისხლის მიწოდებას თავის კანისთვის, რაც, თავის მხრივ, ეხმარება თმის სწრაფ ზრდას.

6. ყვითელი ბულგარული წიწაკა

ვინ იფიქრებდა, რომ ყვითელ წიწაკაში 5-ჯერ მეტი „ც“ ვიტამინია, ვიდრე ფორთოხალში? სალათში ყვითელი წიწაკის დამატებით, გაიძლიერებ იმუნიტეტს, მასთან ერთად - კი თმის ფოლიკულებსაც.

7. ხამანწკა

იმისათვის, რომ თმა არ გაცვივდეს, მას სჭირდება თუთია. თუთიის ყველაზე დიდ რაოდენობას შეიცავს ხამანწკა. წარმოიდგინეთ, ამ ზღვის მობინადრის სულ რაღაც 30 გრამი შეიცავს თუთიის ყოველდღიური ნორმის 500 %-ს დღეში.

8. მთლიანი მარცვალი

სამწუხაროდ, ხამანწკის შოვნა ჩვენს მხარეში არც ისეთი იოლია. მაშ სად შეიძლება კიდევ მონახო თუთიის მნიშვნელოვანი შემცველობა, და ამასთანავე რკინა და „ბ“ ჯგუფის ვიტამინები? ამაში მთლიანი მარცვლისგან დამზადებული პური დაგეხმარება.

9. კვერცხი

თმის ზრდას ასევე ხელს უწყობს კვერცხი, რომელიც შეიცავს ბიოტინსა და ომეგა-3. გაითვალისწინეთ, რომ თმისთვის სარგებელი მოაქვს მხოლოდ კვერცხის გულს, ცილას კი, პირიქით, შეუძლია ორგანიზმში ბიოტინის ათვისების ბლოკირება.

10. ნუში

ბიოტინის მეორე შესანიშნავი წყაროა - ნუში. ერთი ჭიქა ნუში შეიცავს ბიოტინის სადღეღამისო ნორმის თითქმის მესამედს.