პირველ რიგში დაიმახსოვრეთ, დასვენება უსაქმურობა არ არის და ზაფხულის მცხუნვარე დღეს ჩრდილქვეშ ბალახზე წოლა ან ზღვის ტალღების მოსმენა სულაც არ არის დროის ფუჭად კარგვა.

1. დასვენება ენერგიით აგავსებთ

ხშირად, ჩვენ გვიჭირს არაფრის კეთება, ანუ დასვენება, რადგან ბავშვობიდან ჩაგვინერგეს, რომ უნდა ვიყოთ პროდუქტიულები. დასვენებით სიამოვნების მინიჭება საკუთარი თავისთვის განვითარების საწინდარია. დასვენება აუცილებელია იმისთვის, რომ მეტად პროდუქტიული და ენერგიული იყოთ.

თუ უარს იტყვით დასვენებაზე, შეიძლება უფრო პროდუქტიული იყოთ, თუმცა მხოლოდ მოკლევადიან პერსპექტივაში. საბოლოოდ, ასეთი ცხოვრების რეჟიმი არღვევს ფიზიკურ და ემოციურ ჯანმრთელობას.

2. გონებასაც სჭირდება დასვენება.

ჩვენი გონება ყოველთვის მუშაობს. ძილის წინაც კი ჩვენი ტვინი სავსეა ფიქრებით. როდესაც გონებას დავასვენებთ, უფრო ადვილი ხდება საქმის კეთება, დაგეგმვა, ყურადღების მიქცევა და საჭირო არჩევანის გაკეთება.

3. დასვენება აძლიერებს ჩვენს უნარებს.

ნაჩქარევი ან სტრესის ფონზე მიღებული გადაწყვეტილებები იშვიათად არის სწორი და ნაყოფიერი. ხშირად, რაც ჩვენ გვჭირდება არის ტემპის შენელება, როცა ძალიან გვეჩქარება. შენელება გვაძლევს უნარს, ვიმოქმედოთ უფრო ეფექტური გზებით და მივიღოთ სწორი გადაწყვეტილებები.

4. დასვენება სიმშვიდის წყაროა.

დასვენება სიმშვიდეს მოგგვრით. როდესაც ვწყვეტთ შესვენებას ან ძილს, ძალიან ვღიზიანდებით და ადვილად ვისტრესებით. ჩვენი რუტინის მცირე შეფერხების დროსაც კი შეიძლება სიბრაზისგან ავფეთქდეთ. ხშირად, მაშინაც კი, თუ ჩვენ არ გამოვხატავთ ამ ბრაზს ან იმედგაცრუებას, ის შინაგანად გვანგრევს.  

მუდმივმა გაღიზიანებამ კი შეიძლება ემოციური აფეთქება გამოიწვიოს. გაბრაზება ან სიტუაციის ირაციონალურად აღქმა კი ზიანს აყენებს ჩვენს რეპუტაციას. ამის შემდეგ ადამიანებს ნაკლებად უჩნდებათ ჩვენს გუნდში მუშაობის სურვილი.

5. სხეული ბობოქრობს, როცა იღლება.

მიუხედავად იმისა, რომ გარკვეულწილად ჩვენ ვაკონტროლებთ იმას, რასაც ვაკეთებთ, დგება მომენტი, როდესაც სხეული მოითხოვს დასვენებას და თუ ვერ მიიღებს ამას, საბოლოოდ აღარ დაგელოდებათ და დაიწყებს აჯანყებას: დაძინებას, ნივთების დავიწყებას, თავბრუსხვევას, იგრძნობთ სისუსტეს, ეს კი იმის შედეგია, რომ ზედმეტად დაღლილი ხართ ფუნქციონირებისთვის, ამიტომ უმჯობესია დაასვენოთ სხეული მანამ, სანამ ის ბუმერანგივით შემოგიბრუნდებათ.