როდესაც თავდაჯერებულობა გაკლიათ, ურთიერთობები შფოთვითი და არასტაბილური ხდება, მიზნები კი ბუნდოვანი, ასეთ მომენტებში თქვენი შინაგანი კრიტიკოსი ძალიან ხმამაღალია და მხარდაჭერის ხმა თითქმის არ ისმის.

მნიშვნელოვანია ისწავლოთ საკუთარი თავის მიღება - ყველა თქვენი ძლიერი და სუსტი მხარეებით.
 TREND გიზიარებთ ხუთ ტექნიკას, რომელიც დაგეხმარებათ საკუთარ თავთან ჯანსაღი ურთიერთობის ჩამოყალიბებაში.

აპატიეთ საკუთარ თავს

ბევრმა ჩვენგანმა ზუსტად იცის, ვის არ შეუძლია პატიება და რატომ, მაგრამ აღიარება გაცილებით რთულია: ჩვენ ვწუწუნებთ საკუთარ თავზე. შეცდომების, წარუმატებლობის, თუ იმ მარცხის გამო, რაც ვიწვნიეთ. ეს არაცნობიერი წყენა გვამძიმებს და ხელს გვიშლის წინსვლაში.

სცადეთ მარტივი მეთოდი, ჩამოწერეთ რამდენიმე ფრაზა, დაწყებული შემდეგი სიტყვებით: „მე ვპატიობ საკუთარ თავს...“ არ აქვს მნიშვნელობა რამდენად სერიოზულია ეს მიზეზები - მთავარია, რომ ისინი თქვენი გამოძახილი იყოს. მაგალითად:

„მე ვპატიობ საკუთარ თავს, რომ ამდენი ხანი მომთმენი ვიყავი“;
„რომ ჩემს სურვილებზე უარი ვთქვი“;
„რომ ვთქვი „არა“, როცა ეს მნიშვნელოვანი იყო“.

გააკეთეთ ეს ზედიზედ რამდენიმე დღის განმავლობაში და სულ მალე იგრძნობთ, რომ ის წყენა, რომელიც გამძმებდათ, თანდათან გაქრა.

შეამჩნიეთ საკუთარ თავში კარგი მხარეები: „მომწონს ეს ჩემში...“

შინაგანი კრიტიკოსი იშვიათად ისვენებს, ხოლო „შინაგანი გულშემატკივარი“ ხშირად დუმს.
შეადგინეთ სია: „მომწონს ეს ჩემში...“ შეეცადეთ იპოვოთ რამდენიმე პუნქტი. მაგალითად:

„მომწონს რომ ყურადღებიანი ვარ“;
          „მომწონს ჩემი იუმორის გრძნობა“;
          „მომწონს, როგორი მეგობარიც ვარ“.
ეს სია დაგეხმარებათ საჭირო დროს შეგახსენოთ, რომ თქვენ კარგი ადამიანი ხართ.

3. ყოველთვის იპოვით რაიმეს, რისთვისაც შეაქებთ თავს

ძილის წინ ჩაიწერეთ 3-4 პუნქტი, დაწყებული ფრაზით: „დღეს კარგად ვიმუშავე, რადგან...“:

„დასვენებისთვის დრო გამოვნახე“;
          „სადილი არ დამავიწყდა“.
ასე თქვენ მიხვდებით, რომ ყოველი დღე მნიშვნელოვანია.

4. დახატეთ საკუთარი თავი და დაუწერეთ წერილი საკუთარ თავს

ეს შემოქმედებითი ტექნიკა დაგეხმარებათ საკუთარ თავთან დაკავშირებაში. დახატეთ საკუთარი თავი ისე, როგორც გრძნობთ. ეს შეიძლება იყოს სიმბოლური ავტოპორტრეტი - მთავარია, რომ ის გადმოსცემს, თუ როგორ ხედავთ საკუთარ თავს. შემდეგ, დაწერეთ წერილი და უთხარით საკუთარ თავს:

რა თვისებებს ამჩნევთ მასში;
რისთვის გსურთ მადლიერი იყოთ;
ეს წერილი ასახავს თქვენს მზრუნველობას საკუთარი თავისადმი.

5. თვითკონტრაქტი - რამდენად რაციონალური ხართ საკუთარი თავის მიმართ

წარმოიდგინეთ, რომ საკუთარ თავთან საქმიან შეთანხმებას დებთ მკაფიო ვალდებულებებით. დაიწყეთ შემდეგით:

„ვიზრუნო საკუთარ თავზე“;
„მივყვე ჩემს სურვილებს და მივიღო შედეგები“;
„ვენდო საკუთარ თავს“.

მნიშვნელოვანია გახსოვდეთ, რომ თქვენი შინაგანი სამყაროს მიღება არ არის ეგოიზმი, არამედ ზრუნვა, რაც გაძლევთ ძალას და თავდაჯერებულობას. მიიღეთ თქვენი ძლიერი და სუსტი მხარეები, აპატიეთ და მხარი დაუჭირეთ საკუთარ თავს - არ დაგავიწყდეთ, თქვენ უკვე გაქვთ ყველაფერი, რაც გჭირდებათ. მთავარია, ისწავლოთ ამის შემჩნევა.