ორშაბათიდან „ახალი ცხოვრების“ დაწყება, ზაფხულისთვის წონაში კლება, დიეტებით ექსპერიმენტები - ბევრისთვის ნაცნობია ეს მანკიერი წრე.

მუდმივი მცდელობები და მკაცრი შეზღუდვები შედეგს არ იძლევა და თუ ნანატრი კილოგრამების დაკლებას მაინც მოახერხებთ, ისინი სწრაფად და მზაკვრულად ბრუნდებიან უკან, რასაც სინანული, საკუთარი თავის დადანაშაულება, კომპლექსები და დაუსრულებელი მცდელობები მოყვება.

რატომ არ მუშაობს დიეტები?

„სამუდამოდ წონის დაკლების“ სურვილით ადამიანები მუდმივ შეზღუდვებში არიან, მაგრამ ვერასდროს აღწევენ შედეგს - საყვარელ საკვებზე უარის თქმა, მკაცრი დიეტები, კვებებს შორის ხანგრძლივი ინტერვალები, ადრე თუ გვიან იწვევს კვებით აშლილობას და ჭარბ წონას. ამ ფონზე ხდება „ჩავარდნა“ - წონა ბრუნდება ან ვერ ვიკლებთ და ჩნდება ფსიქოლოგიური გამოწვევები - დანაშაულის გრძნობა და სირცხვილი საკუთარი სხეულის გამო.

როდის უნდა მიმართოთ სპეციალისტს?

არაჯანსაღ კვებით ქცევას აქვს დამახასიათებელი „წითელი დროშები“. ყველაზე გავრცელებულ სიმპტომებს შორისაა მუდმივი ჭარბი კვება ან, პირიქით, არასაკმარისი კვება, გარკვეული საკვების მიღების შიში, სარკეში ჩახედვის სურვილის არქონა, სასწორის შიში, ტკბილეულის უარყოფა და საკვებთან დაკავშირებული ასკეტიზმი. ასეთი „სიმპტომების“ დროს აუცილებელია ექიმის, ნუტრიციოლოგის ან ფსიქოლოგის დახმარება, რადგან პრობლემა ყოვლისმომცველად უნდა გადაწყდეს.

წონის დაკლების ეკოლოგიურად სუფთა გზა

არსებობს რამდენიმე მარტივი წესი, რაც ჯანსაღი კვების ქცევას უდევს საფუძვლად - პირველ რიგში, სწორი რუტინა და ჯანსაღი ძილი; ამის გარეშე, ნებისმიერი ახალი კვების ჩვევა ხანმოკლე და უშედეგო იქნება. გარდა ამისა, ღამით გამოიყოფა ორი მნიშვნელოვანი ჰორმონი, რომლებიც გავლენას ახდენენ წონის კლებაზე: სომატოტროპინი (STH) და მელატონინი, რომლებიც ორგანიზმს ეხმარება აღდგენასა და ენერგიის მიღებაში, ძილის ნორმა კი დღეში 7-9 საათია.

ასევე მნიშვნელოვანია სწორი კვება. ბევრი ადამიანი შეცდომით ფიქრობს, რომ რომელიმე კვების გამოტოვება და კალორიების დეფიციტი ხელს უწყობს წონის სწრაფ კლებას. თუმცა, ნებისმიერი დეფიციტი ორგანიზმისთვის სტრესია, რომელიც იწვევს იგივე მარადიულ მანკიერ წრეს არაეფექტური წონის დაკლებისა და ყველა თანმდევი პრობლემისა. საუზმე, სადილი და ვახშამი აუცილებელია ჯანსაღი ცხოვრებისთვის და მათი გამოტოვება არ შეიძლება.

მესამე პუნქტი ფიზიკური აქტივობაა - დღეს ჩვენ უმეტესად მანქანით ვმგზავრობთ, ვიყენებთ მიტანის სერვისს და ყველა იმ სარგებელს, რაც ცხოვრებას გვიადვილებს და სწორედ აქ ვდგებით ფიზიკური უმოქმედობის საფრთხის წინაშე. ზოგჯერ ადამიანები მხოლოდ 1000-1500 ნაბიჯს დგამენ, რაც კრიტიკულად ცოტაა არა მხოლოდ წონის ნორმალიზებისთვის, არამედ გულ-სისხლძარღვთა სისტემისა და კუნთოვანი სისტემისთვისაც. თქვენ უნდა დაიწყოთ აქტიური სიარულით - დღეში მინიმუმ 30 წუთი.

როდესაც შეგიძლიათ თანმიმდევრულად დაიცვათ ეს სამი მითითება, აუცილებლად გექნებათ საკმარისი ძალა და ენერგია ცხოვრების წესის შესაცვლელად და კვების კორექციისთვის.

P.S. მნიშვნელოვანია გვესმოდეს: პრობლემა თქვენში არ არის, არამედ სისტემაშია, რომელიც ათწლეულების განმავლობაში ამკვიდრებდა, რომ სიგამხდრე უბრალოდ ნებისყოფის საკითხია. არა! - ეს ცოდნის, მხარდაჭერისა და საკუთარი თავისადმი გულწრფელი მიდგომის საკითხია.

წონაში კლება რთული გზაა და ამ გზაზე შეცდომები გარდაუვალია.  გახსოვდეთ, თქვენი სხეული არ არის თქვენი მტერი, ის არ უნდა იტანჯებოდეს სხვა ადამიანების სტანდარტების გამო. მას სურს უსაფრთხოება, ბალანსი და პატივისცემა და სწორედ აქ იწყება სტაბილური შედეგისკენ მიმავალი გონივრული გზა.