სამსახური ბევრისთვის მეორე სახლია, ამიტომ, სამუშაო გარემო  უნდა იყოს კომფორტული, ხელსაყრელი და რაც მთავარია, არატოქსიკური, რათა არ იგრძნოთ გაღიზიანება ყოველ ჯერზე, როცა სამსახურში მიხვალთ.

ერთად გავარკვიოთ რა ძირითადი საოფისე ეტიკეტის წესებია მნიშვნელოვანი დაიცვათ, რათა არ დააზიანოთ თქვენი და თანამშრომლების ურთიერთობა?

მონიშნეთ პირადი ნივთები

უსიამოვნოა, როდესაც უცაბედად თქვენს ფინჯანს თანამშრომლის ხელში აღმოაჩენთ, თუ თქვენს ნივთს არ აქვს რამე მინიშნება, მაშინ სისულელეა განაწყენება - ბოლოს და ბოლოს, ადამიანმა შეიძლება უბრალოდ არ იცოდეს ვის ეკუთვნის ფინჯანი და საერთო მოხმარების ნივთად მიიჩნიოს. იგივე ეხება კონტეინერებს საკვებით და სხვა პროდუქტებით - თუ არ გსურთ, თქვენი ულუფა სხვამ მიირთვას, აუცილებლად მონიშნეთ.

არ იჭორაოთ კოლეგებთან

პირველ რიგში, ის, ვისთანაც ჭორაობთ, არ დააყოვნებს თქვენზე ჭორაობას მოგვიანებით - ასე რომ, ასეთი ადამიანი არც თუ ისე სანდო მეგობარია თქვენს კოლეგებს შორის. მეორეც, მათ, ვისაც ზურგს უკან ყველას განხილვა მოსწონს, საზოგადოებაში კარგი რეპუტაციით არ სარგებლობენ, ხშირად ხელმძღვანელობა ასეთ კადრს ემშვიდობება.

არ დანიშნოთ თათბირი არასასიამოვნო დროს
თუ შრომისმოყვარე ხართ და არ გაქვთ შესაფერისი დრო შეხვედრისთვის, არასოდეს დაგეგმოთ თათბირი ორშაბათ დილით, როდესაც კოლეგებს შეიძლება გაუჭირდეთ სამუშაო კვირის დაწყებასთან შეგუება, ან პარასკევს გვიან, როდესაც ბევრი დაღლილია და ფსიქოლოგიურად ჯერ კიდევ შაბათ-კვირის განწყობაზეა.

არ ატაროთ სამსახურში მძაფრსუნიანი საკვები

ბინძური მიკროტალღური ღუმელები და უსიამოვნო სუნის მქონე მაცივრები ყველა ოფისის პრობლემაა. ყოველთვის დაიცავით სამი წესი: გარეცხეთ კონტეინერი წახემსების შემდეგ, არ მიიტანოთ სამსახურში მძაფრსუნიანი საკვები, ამან შეიძლება ვინმე გააღიზიანოს; გაასუფთავეთ მიკროტალღური ღუმელი, თუ საკვების ნარჩენები კედელზე დარჩა.

არ მიხვიდეთ სამსახურში თუ ავად ხართ

თუ შეამჩნევთ გრიპის ან გაციების ნიშნებს (ხველა, თავის ტკივილი, ცხელება, სურდო), მაშინ ჯობია სახლში დარჩეთ. კაბინეტში არ გამოჯანმრთელდები და მაინც მოგიწევს ავადმყოფობის შვებულება - მერე რა აზრი აქვს? და თუ თქვენი ბიზნესის გადადება შეუძლებელია, შეეცადეთ მოლაპარაკება უფროსთან დისტანციური მუშაობით ჩაანაცვლოთ.

ნუ აიძულებთ თანამშრომლებს გააკეთონ იმაზე მეტი საქმე, ვიდრე სურთ

თანამშრომელი, რომელიც დილის 05:00 საათზე ეპასუხებს თქვენს ნებისმიერ შეტყობინებას და სხვებზე მეტ საქმეს აკეთებს - ეს, რა თქმა უნდა, კარგია, მაგრამ არ არის საჭირო ყველა კოლეგას სთხოვოთ ზუსტად ამ რეჟიმში იმუშაონ, რადგან ისინი არ არიან ვალდებულნი მთელი ძალები გაიღონ სამსახურისთვის, თუ არ სურთ ამის გაკეთება.

ხოლო ხელმძღვანელი, რომელიც ამცირებს ქვეშევრდომებს, რომლებიც არ მუშაობენ „რობოტის“ რეჟიმში, როგორც წესი, ტოქსიკური მმართველები არიან.

პარასკევს არ დაიტვირთოთ

რა თქმა უნდა, სამუშაო არის სამუშაო და ის უნდა შესრულდეს ეფექტურად, მიუხედავად კვირის დროისა თუ დღისა, მაგრამ ძალიან კარგი საჩუქარი იქნება თანამშრომლებისთვის, თუ არ მისცემთ მათ ძალიან ბევრ რთულ დავალებას კვირის ბოლო დღეს - ბოლოს და ბოლოს, რაც უფრო სასიამოვნოდ მთავრდება კვირა, მით უფრო სასიამოვნოდ იწყება შემდეგი.