ყველას, ვინც ოდესმე დაინტერესებულა მათი სხეულის მახასიათებლებით და განსაკუთრებით ბიორიტმებით, იცის, ისინი „ბუები“ არიან, თუ „ჭოტები“ მათი ქრონოტიპის მიხედვით.

"ჭოტები" ადრე იღვიძებენ და ყველაზე აქტიურები დილით არიან, ხოლო "ბუები" ყველაზე პროდუქტიულები არიან საღამოს და იღვიძებენ მოახლოებული ლანჩის დროს (ან უჭირთ დილით ადრე ადგომა).

თუ მზად ხართ იმუშაოთ ცხოვრების ჩვეულ რიტმზე და გახდეთ „ადრეული ჭოტი“, რათა გაღვიძების პრობლემა აღარ შეგექმნათ, გაეცანით ჩვენს რჩევებს თქვენი ქრონოტიპის შესაცვლელად.

ადრე დაძინება

ეს ტრივიალურად ჟღერს, მაგრამ ვერ შეძლებთ ამის თავიდან აცილებას, თუ გადაწყვეტილი გაქვთ შეცვალოთ საკუთარი ბიორიტმები. დაარწმუნეთ საკუთარი თავი, დაიძინოთ რაც შეიძლება ადრე, რათა დასვენებულმა და ენერგიულმა გაიღვიძოთ. უპირველეს ყოვლისა, უნდა დაიწყოთ ჩვეულებრივზე მინიმუმ ნახევარი საათით ადრე დაძინებით, შემდეგ გაზარდოთ სხვაობა ერთი საათით და ასე გააგრძელოთ, სანამ საღამოს ცხრა საათზე დაძინება თქვენთვის რუტინად იქცევა.

მაღვიძარას პირველი ზარი

"სულ რაღაც 5 წუთის" ძილის ცდუნება შეიძლება იყოს ძალიან დიდი, განსაკუთრებით მაშინ, როდესაც ჯერ კიდევ ბნელა დახურულ ფარდებს მიღმა. თუმცა, ეცადეთ, მაღვიძარას პირველივე ზარზე ადგეთ, რადგან მისი გამუდმებული ჩაჩუმება არა მხოლოდ გიშლით ხელს დილით ადრე ადგომაში, არამედ მნიშვნელოვნად აუარესებს ძილის ხარისხსაც.
არ შეგიმჩნევიათ, რამდენად დაღლილად და სუსტად გრძნობთ თავს გაღვიძების შემდეგ, როცა ძილს წყვეტთ ყოველ რამდენიმე წუთში მაღვიძარას გამო?

ტელეფონი მიუწვდომელ ადგილას

ძილის წინ მოათავსეთ ტელეფონი საწოლიდან რაც შეიძლება შორს (მაგრამ საძინებელში, რათა მელოდია გაიგოთ). ამ გზით მოგიწევთ დილით ადგომა, რომ მიხვიდეთ მობილურ მოწყობილობასთან და გამორთოთ მაღვიძარა, ნაცვლად იმისა, რომ უბრალოდ აწიოთ ხელი და თითი დააჭიროთ ღილაკს.
ყველაზე ძილისგუდა ადამიანისთვისაც კი ლოგინიდან რამდენიმე წუთში ერთხელ ადგომა მაღვიძარას გამორთვის გამო, ნაკლებად მიმზიდველია, ვიდრე უბრალოდ ხელის გაწვდენა და გამორთვა.

გაღვიძებისთანავე ადგომა

ეს ადვილი სულაც არაა, მაგრამ სწრაფი გაღვიძება მაინც ჩვევად უნდა აქციოთ. რაც უფრო დიდხანს დარჩებით საწოლში პირველი გაღვიძების შემდეგ, მით უფრო გაუჭირდება თქვენს სხეულს და კონკრეტულად კი თქვენს ტვინს ადაპტირება ადგომის აუცილებლობასთან.

სუნთქვითი ვარჯიშები

სუნთქვითი ვარჯიშები დაგეხმარებათ შეინარჩუნოთ განწყობა და აღარ დაიძინოთ. გირჩევთ, დააყენოთ ტაიმერი ხუთი წუთის განმავლობაში, ჩამოჯდეთ, დახუჭოთ თვალები და ფოკუსირება მოახდინოთ ჩასუნთქვა-ამოსუნთქვაზე. თუ თქვენი ძლივს გამოფხიზლებული ტვინი აგრძელებს ყურადღების გადატანას სხვა რამეზე, ნაზად დააბრუნეთ თქვენი კონცენტრაცია სუნთქვის ინტერვალების გამოთვლაზე.

სამუშაოების სია ძილის წინ

ზოგჯერ არ გინდათ დილით ადრე ადგომა, თუნდაც იმიტომ, რომ არ იცით, რა გააკეთოთ პირველ რიგში. ამისათვის წინასწარ შეადგინეთ გონებრივი სამუშაოების სია (დაძინებამდე მინიმუმ ერთი საათით ადრე), დილას კი, როცა გაიღვიძებთ, სრულიად მკაფიო სურათი გექნებათ თქვენი გეგმების შესახებ და თავს ჩვეულებრივზე მეტად კონცენტრირებულად იგრძნობთ.

დილის ვარჯიშები

არავინ საუბრობს სერიოზულ ფიზიკურ ვარჯიშზე, საკმარისია უბრალოდ მიეჩვიოთ უმარტივეს დილის ვარჯიშებს, რომლებიც კუნთებს გამოფხიზლებაში დაეხმარება, მთლიან სხეულს კი - ენერგეტიკული მუხტის შევსებაში.

გადაწეული ფარდები

მჭიდროდ დახურული ფარდები, რომლებიც სახლს სასიამოვნო სიბნელით ავსებს, ძილისგუდების „აქილევსის ქუსლია“. აიძულეთ თავი ადგეთ და გადაწიოთ ფარდები მაღვიძარას პირველივე ხმაზე. მაშინაც კი, თუ ამის შემდეგ გსურთ კიდევ რამდენიმე წუთის გატარება თბილ საწოლში, დილის მზის შუქის გამო, ძილი არ იქნება ისეთი ღრმა, რაც იმას ნიშნავს, რომ არ დაელოდებით მაღვიძარას შემდეგ მელოდიას და ლოგინსაც მარტივად შეელევით.