დღესდღეობით, ხანგრძლივი და სტაბილური ურთიერთობები, სამწუხაროდ, პარადოქსად იქცა. განქორწინებათა მაჩვენებელი მშოფლიოში დღითიდღე იზრდება, განშორება იქცა ურთიერთობაში არსებული პრობლემის მოგვარების საუკეთესო საშუალებად! თითქმის არ მოიძებნება წყვილი, რომელიც მზადაა თავიანთ ქორწინებას მეორე შანსიც მისცეს. 

იმის ნაცვლად, რომ ურთიერთობაში არსებული პრობლემები, დაბრკოლებები დააიგნოროთ, მათზე გვერდის ავლით ეცადოთ მოგვარებას, უმჯობესია, ისაუბროთ ამ პრობლემებზე და დიდი ძალიასხმევის მიუხედავად, გახადოთ თქვენი ქორწინება ბედნერი, სტაბილური და ხანგრძლივი. 

TREND. გთავაზობთ წარმატებული ქორწინების და მისთვის საჭირო რამდენიმე მაგალითსა და რჩევას: 

1. კომუნიკაცია

გახსოვდეთ, თუ თქვენს ურთიერთობას კომუნიკაცია აკლია, მაშინ ურთიერთობა დიდხანს ვერ გასტანს. ყველამ ვიცით, რომ ურთიერთობის შესანარჩუნებლად, მნიშვნელოვანია გულრწფელობა, თუმცა, თუ ადამიანი ბოლომდე გახსნილი არ არის, ნაკლებად კონტაქტურია, ბუნებრივია, გულრწფელობას ადგილი ვერ ექნება! გასაგებია ის გარემოება, რომ წყვილს შორის, ორივე დაკავებულია ბავშვებით, საყიდლებით, სამსახურით, სოციალური ცხოვრებით, თუმცა, აუცილებელია, გამონახოთ დრო ერთმანეთისთვის ყოველდრიურად. გამოიყენეთ დრო და ესაუბრეთ მეუღლეს თუნდაც უმნიშვნელო საკითხებზე, მნიშვნელოვანია, მხოლოდ ის, რომ შეინარჩუნოთ კომუნიკაცია!

2. ღირსება და პატივისცემა

სიყვარულის მთავარი მამოძრავებელი ძალა ურთიერთპატივისცემაა, ღირსებისა და პრინციპების გათვალისწინებაა, რაც ეხმარება წყვილს შეინარჩუნონ ერთმანეთი და გახადონ ურთიერთობა სტაბილური. შესაძლოა, თქვენ ოჯახი სიყვარულით შექმენით და თქვენს მეორე ნახევარს თქვენი ცხოვრების განუყოფელ ნაწილად მიიჩნევთ, თუმცა, ეს არ ნიშნავს იმას, რომ თქვენ ერთმანეთს ფლობთ. პატივისცემითა და ღირსების გრძნობის გამოხატვით, თქვენ ურთიერთობას გაცილებით სასიამოვნოს გახდით. ეცით პატივი მის გადაწყვეტილებებსა და გრძნობებს!

3. კომპრომისები

ძალიან ბევრი ადამიანი ფიქრობს, რომ ურთიერთობებში დათმობებზე წასვლა სისუსტის ნიშანია და ამიტომ, უარს ამბობს ამაზე. თუმცა, იმის გათვალისწინებით, რომ ქორწინებაში მყოფ წყვილს უამრავი საერთო გადაწყვეტილების მიღება უწევს, მათ ხშირად სჭირდებათ კომპრომისები, შეთანხმებული არჩევანისა და გადაწყვეტილების მიღება. 

4. ფინანსური საკითხების გამჭვირვალობა

თითოეულ ადამიანს სჭირდება ფინანსური სტაბილურობა, ამიტომაც, საკმაოდ ნორმალურია, თუ თქვენი მეუღლესგან დამოუკიდებლად გაქვთ საბანკო ანგარიში, რომელზეც გარკვეული რაოდენობის თანხას ინახავთ. თუმცა, ეს არ ნიშნავს, რომ მსგავსის შესახებ, მასთან აუცილებლად უნდა დამალოთ. უმჯობესია პარტნიორებმა იცოდნენ ერთმანეთის ფინანსური მდგომარეობისა და შემოსავლების შესახებ. 

5. რომანტიკა

არ მისცეთ უფლება არაფერს, თქვენ ორს შორის რომანტიკა მოკლას! შეიძლება, ძალიან სტერეოტიპულად ჟღერს, თუმცა, როცა ორი ადამიანი ოჯახს ქმნის, დროსთან ერთად, ყველაფერი პრაქტიკულდება და წყვილს შორის არსებული ემოცია, რაც დაკავშირებულია რომანტიკასთან და რომანტიკულ შეგრძნებებთან, იკარგება. ეცადეთ, დროსთან ერთად გააღვიძოთ მიძინებული ემოციები, იყოთ რომანტიკულები და გამოხატოთ თქვენი სიყვარული განსაკუთრებულად!