2026 წელი, რომელიც წითელი ცეცხლოვანი ცხენის ეგიდით მოდის, თითოეულ ჩვენგანს თავდაჯერებულობასა და დიდ ენერგიას გვპირდება. იმისათვის, რომ იანვარი პროდუქტიულად დაიწყოთ, გაეცანით ტაროს რჩევებს:

ვერძი

კარტი: მონეტების ოთხიანი (სტაბილურობა, დაცვა) თქვენს ცხოვრებაში საბოლოოდ დაისადგურებს სიმშვიდე. კარიერაში მოსალოდნელია გრძელვადიანი კონტრაქტი, რომელიც მთელი წლის მანძილზე ფინანსურ კეთილდღეობას უზრუნველყოფს. სიყვარულში კი, კარტი მიგანიშნებთ, რომ ცოტათი მეტად გაიხსნათ - ემოციური ბარიერები ხელს უშლის ურთიერთობის განვითარებას.

კურო

კარტი: თასების ცხრიანი (სურვილების ასრულება, სიუხვე) თქვენ გარშემო ყველაფერი გაქვთ ბედნიერებისთვის. სამსახურში თქვენი შრომა ნაყოფს გამოიღებს და ხელმძღვანელობა აღფრთოვანებული დარჩება. სიყვარულში საუკეთესო დროა ურთიერთობის ახალ ეტაპზე გადასაყვანად, მარტოხელებს კი გახსოვდეთ: საკუთარი თავის პატივისცემა ყველაზე მიმზიდველი თვისებაა.

ტყუპები

კარტი: კვერთხების ოთხიანი (გამარჯვება, ჰარმონია) ჰარმონია უკვე თქვენს კარზე აკაკუნებს. მოსალოდნელია დაწინაურება ან პრემია. პირად ცხოვრებაში ეს კარტი უსაფრთხოებასა და ორმხრივ მხარდაჭერას განასახიერებს. დიდია შანსი, პარტნიორმა ხელი გთხოვოთ. თუ მარტო ხართ, მეორე ნახევარს შემოქმედებით გარემოში შეხვდებით.

კირჩხიბი

კარტი: ბედის ბორბალი (იღბალი, ცვლილებები) სამყარო თქვენს მხარესაა! კარიერაში შესაძლოა ყველაფრის შეცვლის სურვილი გაგიჩნდეთ - ნუ შეგეშინდებათ რისკის. ცვლილებები გელით სიყვარულშიც. თუ მარტოხელა ხართ, ბედისწერა უკვე მუშაობს იმაზე, რომ ვინმე მნიშვნელოვანს შეგახვედროთ.

ლომი

კარტი: კვერთხების ორიანი (წარმატება, მოგზაურობა) თქვენ მიაღწიეთ მნიშვნელოვან მიზანს და მზად ხართ შემდეგი ნაბიჯისთვის. კარიერაში დროა გრძელვადიანი დაგეგმვისთვის. პირად ცხოვრებაში პარტნიორთან ერთად სადმე გამგზავრება ან საერთო ჰობი დაგეხმარებათ. მარტოხელებს კი ელის შეხვედრა ადამიანთან, რომელიც განვითარებაში დაგეხმარებათ.

ქალწული

კარტი: მონეტების ექვსიანი (სამართლიანობა, გაცვლა) ამ თვეში ყველა პრობლემა თქვენს სასარგებლოდ გადაწყდება. სამსახურში გელით საინტერესო შემოთავაზება, რომელიც მთელი წლის ფინანსურ ტემპს განსაზღვრავს. ურთიერთობებში კი მოგიწევთ სერიოზული საუბარი და საზღვრების დაწესება. ნუ დათანხმდებით ზედაპირულ კავშირებს.

სასწორი

კარტი: ხმლების დედოფალი (ინტელექტი, ლიდერობა) იანვარი თქვენგან სიბრძნესა და სიმტკიცეს მოითხოვს. გამოავლინეთ ლიდერული თვისებები სამსახურში - ეს უფროსობის პატივისცემას მოგიტანთ. პირად ცხოვრებაში პარტნიორს მეტი ყურადღება დაუთმეთ, რადგან კონფლიქტები სწორედ სითბოს ნაკლებობის გამო ჩნდება.

მორიელი

კარტი: ძალა (შინაგანი ძალა, კონტროლი) თქვენ მზად ხართ ყველა დაბრკოლების გადასალახად. არ არის საჭირო დომინირება - მიენდეთ სამყაროს. ურთიერთობებში გამოიჩინეთ მოთმინება და სინაზე. თუ მარტო ხართ, ნუ ეძებთ პარტნიორს მხოლოდ იმიტომ, რომ ვინმე გყავდეთ - იყავით მომთხოვნი არჩევანისას.

მშვილდოსანი

კარტი: კვერთხების რაინდი (ვნება, მოტივაცია) ახლა სწრაფი მოქმედების დროა! კარიერაში წამოაყენეთ ყველაზე თამამი იდეები, ყველაფერი გამოგივათ. პირად ცხოვრებაში ვნებიანი პერიოდი გელით, რომელიც ძველ გრძნობებს გააღვიძებს. მარტოხელებისთვის იანვარი პაემნების თვეა.

თხის რქა

კარტი: სულელი (ახალი დასაწყისი, უშიშრობა) პოზიტიური ცვლილებები ზღურბლთანაა. ნუ დგახართ ერთ ადგილას. სამსახურში შესაძლოა ახალი, შემოქმედებითი პროექტი დაგჭირდეთ. სიყვარულში დათანხმდით ყველა ავანტიურას, რასაც პარტნიორი შემოგთავაზებთ - ეს ურთიერთობას მეორე სუნთქვას მისცემს.

მერწყული

კარტი: თასების ოთხიანი (ფიქრი, მედიტაცია) იანვარი საკუთარ თავთან დიალოგისთვის გამოიყენეთ. კარიერაში ნუ იჩქარებთ მნიშვნელოვანი ნაბიჯების გადადგმას, ჯერ შესაძლებლობები გააანალიზეთ. თუ ურთიერთობაში მოიწყინეთ, პირდაპირ უთხარით პარტნიორს. მარტოხელებმა მეორე ნახევარი უჩვეულო ადგილებში ეძებეთ (მაგალითად, სასწავლო კურსებზე).

თევზები

კარტი: მზე (ოპტიმიზმი, წარმატება) თქვენ გასული წლის შრომის ნაყოფს მოიმკით. სამსახურში თქვენს ძალისხმევას დააფასებენ და დააჯილდოებენ. პირად ცხოვრებაში პარტნიორს სურს ურთიერთობა ახალ დონეზე გადაიყვანოს. თუ მარტო ხართ, დაიწყეთ რჩეულის ძებნა სერიოზული ურთიერთობისთვის - იღბალი თქვენს მხარესაა!