იდეალური ოჯახი ასე გამოიყურება - სახლში ყოველთვის ახლად გამომცხვარი ნამცხვრის სუნი ტრიალებს, პერანგები გაქათქათებულია, შვილები წარმატებული სტუდენტები არიან, თავად ცოლი კი მუდმივად ფორმაშია, მაგრამ მოულოდნელად ქმარი ჩემოდანს ალაგებს და მიდის ქალთან, რომელსაც ნიჟარა ჭურჭლით აქვს სავსე და არც კერძების მომზადებისთვის იწუხებს თავს.

TREND მოიგყვებათ „იდეალური ცოლის სინდრომზე“.

სახლი მუზეუმს ჰგავს და არა საცხოვრებელ ადგილს

„იდეალური ცოლის“ სახლი ხშირად სტერილური და არაკომფორტულია. ასეთ ინტერიერში მამაკაცი თავს ნაკლებად მეპატრონედ და უფრო ექსპონატად, დეკორის ნაწილად გრძნობს. ასეთ გარემოში დასვენება და მით უფრო კომფორტის პოვნა, რთულია. ხშირად, მამაკაცი „შვილის“ როლშია, მას საყვედურობენ და მოუწოდებენ სისუფთავის დაცვისკენ.

ფოკუსი ფუნქციაზე და არა პიროვნებაზე

იდეალური დიასახლისი დარწმუნებულია, რომ: „თუ მის ყველა საყოფაცხოვრებო მოთხოვნილებას დავაკმაყოფილებ, ის დამაფასებს“...

ბევრ ქალს უჭირს იმის გააზრება, რომ უყვართ არა სუფთა იატაკის, არამედ ემოციების, თვალებში ნაპერწკლის, მხარდაჭერის გამო.

ხშირად, მიზეზი ქალის ბავშვობიდან მომდინარეობს, როდესაც მას უნდოდა ყოფილიყო შესანიშნავი სტუდენტი, მოწესრიგებული, მშვიდი და არ ემოქმედა ცუდად, რათა დედისგან ქება მიეღო. ანუ, არ გამოხატავდა საკუთარ თავს, თრგუნავდა ემოციებს, ინარჩუნებდა კომფორტულობას, მოწესრიგებულობას და ორგანიზებას უწევდა თავის სივრცეს მოწონების და შესაბამისად, უსაფრთხოების განცდისთვის.



ასე იზრდება გოგონა და იქცევა ქალად, რომელსაც არ შეუძლია გრძნობებისა და ემოციების გამოხატვა. ამ სცენარში მამაკაცი ხშირად წყვეტს მის, როგორც ქალის აღქმას, მიუხედავად მისი მოწესრიგებული ტანსაცმლისა და იდეალურად სუფთა სახლისა.

რა უნდა გააკეთოთ, თუ იდეალური დიასახლისის სინდრომი გაქვთ?

• 80/20 წესი: შეინარჩუნეთ სახლის 80%-ით სისუფთავე და ენერგიის დარჩენილი 20% ქმართან პაემანზე ან ვახშამზე დახარჯეთ.

• ისაუბრეთ გრძნობებზე და არა ბიზნესზე. საღამოს, მაღაზიაში ნაყიდი ნივთების შესახებ ინფორმაციის მოწოდების ნაცვლად, მოუყევით, რამ გაგაცინათ ან შეგძრათ დღეს.
  
  

• მიეცით საკუთარ თავს უფლება, იყოთ „ცუდი“. ჭურჭელი ნიჟარაში დატოვეთ და უბრალოდ გაისეირნეთ, ამით სამყარო არ დაინგრევა და თქვენი შინაგანი თავისუფლება თქვენი პარტნიორისთვის მაგნიტი გახდება.
  
  

პრობლემა თავად სისუფთავეში კი არა, წყვილების თავისუფალი დროის გამოყენებაშია, რაც ხელს უწყობს წყვილში ემოციური ინტიმურობისა და ღირებულებების ჯანსაღი იერარქიის შენარჩუნებას, რაც აძლიერებს ურთიერთობას.