2026 წლის „ოსკარის“ დაჯილდოება ტიმოთი შალამესთვის ნამდვილ კოშმარად იქცა. მიუხედავად იმისა, რომ მსახიობს ფილმისთვის Marty Supreme გამარჯვებას უწინასწარმეტყველებდნენ, მან არა მხოლოდ წააგო ნომინაციაში „საუკეთესო მსახიობი კაცი“, არამედ მთელი საღამოს განმავლობაში ცინიკური ხუმრობების სამიზნეც გახდა.

სკანდალური კომენტარი, რომელიც ძვირად დაუჯდა

შალამეს საწინააღმდეგო ტალღა მისი სიტყვების შემდეგ აგორდა. დაჯილდოებამდე ცოტა ხნით ადრე, მსახიობმა ბალეტსა და ოპერას „მოძველებული“ ხელოვნება უწოდა, რამაც საზოგადოების, მათ შორის კინოაკადემიის წევრების დიდი აღშფოთება გამოიწვია.



ინსაიდერები ვარაუდობენ, რომ „ენაზე კბილის ვერ დაჭერამ“ დააკარგვინა მას სანატრელი ქანდაკება და Cartier-სთან მრავალმილიონიანი კონტრაქტიც კი საფრთხის ქვეშ დააყენა.

კაილი ჯენერის რეაქცია და კონან ო’ბრაიენის „რეზილობა“

საღამოს წამყვანმა, კონან ო’ბრაიენმა, შალამეს დაუნდობლად დასცინა: „დაცვა დღეს განსაკუთრებით გაძლიერებულია... გვეშინია, ოპერისა და ბალეტის დასები არ დაგვესხან თავს,“ - იხუმრა მან სცენიდან.

კამერებმა მაშინვე დააფიქსირეს ტიმოთის გვერდით მჯდომი კაილი ჯენერი. მიუხედავად იმისა, რომ კაილი თვალისმომჭრელად გამოიყურებოდა „ჯესიკა რაბიტის“ სტილის წითელ კაბაში, მისი სხეულის ენა აშკარა უხერხულობაზე მიუთითებდა. სანამ ტიმოთი იძულებით იღიმოდა, კაილი თითებით ნერვიულად თამაშობდა და ცდილობდა, თავდაცვითი პოზა შეენარჩუნებინა.

არცერთი გამარჯვება 9 ნომინაციიდან

შალამესთვის საღამოს სიმწარე იმანაც გააძლიერა, რომ მისი ფილმი Marty Supreme 9 ნომინაციაზე იყო წარდგენილი და არცერთში არ გაუმარჯვია. მსახიობმა საუკეთესო კაცის როლის ჯილდო მაიკლ ბ. ჯორდანს დაუთმო.

შონ პენის პროტესტი?

კიდევ ერთი ხმაურიანი დეტალი შონ პენს უკავშირდება. მან „საუკეთესო მეორეხარისხოვანი მსახიობი კაცის“ ნომინაციაში გაიმარჯვა, თუმცა ცერემონიას არ დასწრებია. გავრცელებული ინფორმაციით, პენი ამ დროს უკრაინაში იმყოფებოდა, რითაც კიდევ ერთხელ დაადასტურა თავისი პრინციპული პოზიცია.