კანის კინოფესტივალი ფინალურ აქტს უახლოვდება და წითელ ხალიჩაზე ბოლო პრემიერები იმართება. კინომარათონის მეთერთმეტე დღის მთავარი მოვლენა რეჟისორ მიგელ ამნეს ხიმენესის ახალი დრამა „დაბადების დღე“ გახდა - ფილმი იმის შესახებ, თუ როგორ შეიძლება გადაიქცეს თბილი ოჯახური დღესასწაულები რთულ ფსიქოლოგიურ დრამად, სადაც ძალაუფლება, სიყვარული და თავისუფლების წყურვილი ერთმანეთს ებრძვის.

ფილმში მამის როლი ლეგენდარულმა უილიამ დეფომ შეასრულა, ხოლო მისი ეკრანული ქალიშვილის სახე ვიქტორია კარმენ სონმა მოირგო. პრემიერის წინ შემოქმედებითი ჯგუფი ტრადიციულად წითელ ხალიჩაზე წარსდგა, მათ კვალდაკვალ კი კინოჩვენებაზე მსოფლიო დონის ვარსკვლავები გამოჩნდნენ.

წითელი ხალიჩის ვარსკვლავური სტილი: ვინ რით მოიწონა თავი?

კანის ბოლო საპრემიერო საღამო ნამდვილ მოდურ დღესასწაულად იქცა. გთავაზობთ გამორჩეულ სახეებს, რომლებმაც ფოტოგრაფების განსაკუთრებული ყურადღება მიიპყრეს:

აიშვარია რაი: ინდოელმა ლამაზმანმა და კანის ვეტერანმა კიდევ ერთხელ დაამტკიცა თავისი სტატუსი დიზაინერ ამიტ აგარვალის ექსტრავაგანტულ კაბაში, რომელიც ფესტივალის ერთ-ერთ ყველაზე განხილვად სამოსად იქცა.

ჯილიან ანდერსონი: „საიდუმლო მასალებისა“ და „გვირგვინის“ ვარსკვლავმა არჩევანი Mary Katrantzou-ს დახვეწილ დიზაინზე შეაჩერა.

ევა ლონგორია: მსახიობი ხალიჩაზე Tamara Ralph-ის მკაცრი, მაგრამ ამავდროულად ძალიან სექსუალური და თვალისმომჭრელი კაბით გამოჩნდა.

არიანა გრინბლატი: ახალგაზრდა ვარსკვლავმა კლასიკური მოდის სახლის, Miu Miu-ს ელეგანტური სამოსი მოირგო.

საღამოს კინოჩვენებას ესწრებოდნენ მოდის ხატები და კინოს ლეგენდები: მონიკა ბელუჩი, ტოპ-მოდელი იზაბელი ფონტანა, უკრაინელი სუპერმოდელი სნეჟანა ონოპკა, ფრანგი მსახიობი ესტელ ლეფებიური და ჰოლივუდის ვარსკვლავი სტელან სკარსგარდი.





ელეგანტური სტილით ასევე გამოირჩეოდა ელიზაბეტა გრეგორაჩი, რომელიც წითელ ხალიჩაზე Gucci-ს კაბით პოზირებდა.