14-20 სექტემბრის კვირა საკმაოდ აქტიურად დაიწყება. კვირის პირველ დღეებში განსაკუთრებით მნიშვნელოვანი იქნება კომუნიკაცია, ახალი იდეები და მოულოდნელი შესაძლებლობების დანახვა.

კვირის შუა ნაწილი კი სიყვარულსა და ფინანსებში მეტ სიფრთხილეს მოითხოვს. ემოციები შეიძლება ჩვეულებრივზე მეტად მოგაწვეთ, ამიტომ ურთიერთობებში ეჭვიანობასა და ზედმეტ კონტროლს ჯობს მოერიდოთ.

კვირის მეორე ნახევარში ვითარება უფრო მშვიდი და სტაბილური გახდება. მთავარი რჩევაა - იყავით აქტიური, მაგრამ მნიშვნელოვანი გადაწყვეტილებების მიღებისას სიფრთხილეც გამოიჩინეთ.

ვერძი - ახალი იდეების დროა

ვერძებს ეს კვირა სამუშაოსა და ფინანსურ საკითხებში გარკვევაში დაეხმარება. თუ ბოლო პერიოდში რომელიმე საკითხი ზედმეტად გაწუხებდათ, ახლა მისი მოგვარების შესაძლებლობა გამოჩნდება.

ნუ შეგეშინდებათ საკუთარი იდეების შეთავაზების - შესაძლოა, მათზე გაცილებით უკეთესი რეაქცია მიიღოთ, ვიდრე ელოდებით.

სიყვარულში კი ემოციები მოიმატებს. შეიძლება პარტნიორისგან მეტი ყურადღება და გარკვეულობა მოგინდეთ. თუმცა ეცადეთ, გულწრფელი საუბარი საყვედურებში არ გადაიზარდოს.

კურო - საინტერესო შესაძლებლობები გელით

კუროებისთვის კვირის მთავარი ამოცანა პრიორიტეტების სწორად დალაგება იქნება. შეიძლება გაჩნდეს საინტერესო იდეები სამსახურთან, სწავლასთან ან მომავალ პროფესიულ გეგმებთან დაკავშირებით.

ფინანსებში მეტი ყურადღება გმართებთ.

ურთიერთობაში შესაძლოა ფულზე, მოვალეობებზე ან საერთო სამომავლო გეგმებზე მნიშვნელოვანი საუბარი შედგეს. მარტოხელა კუროებს კი კვირის ბოლოს საინტერესო შეხვედრა ელოდებათ.

ტყუპები - ბევრი ახალი კონტაქტი

ტყუპებისთვის კვირა აქტიური კომუნიკაციით იქნება დატვირთული. კარგი პერიოდია მოლაპარაკებების, გასაუბრებების, პრეზენტაციების, სწავლისა და მოგზაურობისთვის.

თქვენი ერთ-ერთი მთავარი უპირატესობა ამ კვირაში სწრაფად ადაპტირების უნარი იქნება.

სიყვარულში მოულოდნელი ცვლილებებია მოსალოდნელი. შესაძლოა, ძველი ნაცნობი ისევ გამოჩნდეს თქვენს ცხოვრებაში ან შემთხვევითი შეხვედრა რომანტიკულ ურთიერთობაში გადაიზარდოს.

კირჩხიბი - ყურადღება სახლსა და ოჯახს

კირჩხიბებისთვის ეს კვირა ძირითადად სახლს, ოჯახსა და პირად მდგომარეობას უკავშირდება.

კარგი დროა სახლის მოწესრიგებისთვის, რემონტის დასაწყებად, საცხოვრებლის შეცვლაზე დასაფიქრებლად ან ოჯახის წევრებთან სამომავლო გეგმების განსახილველად.

სიყვარულში შესაძლოა პარტნიორისგან მეტი მხარდაჭერა და ყურადღება მოგინდეთ. თუ თავს უყურადღებოდ გრძნობთ, საკუთარ თავში ნუ ჩაიკეტებით - მშვიდი საუბარი გაცილებით უკეთეს შედეგს მოგიტანთ.

ლომი - კარიერაში წინსვლის შანსი

ლომებისთვის კვირა პროფესიულ სფეროში თავდაჯერებულობის მომტანი იქნება.

პირველი დღეები განსაკუთრებით კარგია სამუშაო პირობებზე საუბრისთვის, ხელფასის გაზრდის მოთხოვნისთვის, ახალი პროექტის შეთავაზებისთვის ან ძველი იდეის გასაცოცხლებლად.

სიყვარულშიც სასიამოვნო ცვლილებებია მოსალოდნელი. პარტნიორმა შესაძლოა მეტი ინიციატივა გამოიჩინოს, მარტოხელა ლომებს კი საინტერესო ადამიანი გამოუჩნდეთ.

ქალწული - დროა, ყველაფერი დაალაგოთ

ქალწულებს ამ კვირაში ყველაფრის მოწესრიგების სურვილი გაუჩნდებათ — დაწყებული საქმეებიდან და დღის განრიგიდან, ფინანსებით დამთავრებული.

განსაკუთრებით კარგად გამოგივათ ისეთი საქმეები, რომლებიც ყურადღებას, ანალიზსა და თანმიმდევრულობას მოითხოვს.

სიყვარულში კი გარკვეულობა მოგინდებათ. თუ ურთიერთობა დიდი ხანია გაურკვეველ მდგომარეობაშია, შესაძლოა, გულწრფელმა საუბარმა ბევრი რამ საბოლოოდ დაალაგოს.

სასწორი - მნიშვნელოვანი კვირა გელით

სასწორებისთვის ეს თვის ერთ-ერთი ყველაზე აქტიური კვირა იქნება.

კარგად გამოგივათ ადამიანებთან ურთიერთობა და რთულ საკითხებზე სწორი სიტყვების პოვნაც გაგიადვილდებათ. შესაძლოა, ახალი ნაცნობობა დაამყაროთ, რომელიც მომავალში საკმაოდ მნიშვნელოვანი აღმოჩნდეს.

სიყვარულში კი ზედმეტ მგრძნობელობას უნდა მოერიდოთ. თუ პარტნიორისგან მეტი ყურადღება გინდათ, ნუ ეცდებით მისი გრძნობების გამოცდას ან პროვოცირებას.

მორიელი - სიყვარულში განსაკუთრებული პერიოდი

მორიელებისთვის კვირა ძლიერი ემოციებით გამოირჩევა.

სამსახურში განსაკუთრებული სირთულეები არ არის მოსალოდნელი, ხოლო სიყვარულში თქვენი მიმზიდველობა კიდევ უფრო გაიზრდება.

მარტოხელა მორიელებს ახალი ნაცნობობის შანსი ექნებათ, ურთიერთობაში მყოფებს კი შესაძლოა ვნებების ახალი ტალღა ელოდოთ.

თუმცა კვირის შუა პერიოდში სიფრთხილე გმართებთ. ეჭვიანობამ და ზედმეტმა ემოციებმა შესაძლოა სიტუაცია გაართულოს. პარტნიორის გამოცდა ან მისგან პასუხის ნებისმიერ ფასად მოთხოვნა არ ღირს.

მშვილდოსანი - ქაოსიდან სიმშვიდისკენ

მშვილდოსნებს კვირის დასაწყისი შესაძლოა ცოტა ქაოსური მოეჩვენოთ. რამდენიმე საქმის ერთდროულად გაკეთება მოგიწევთ, თუმცა შუა კვირიდან სიტუაცია თანდათან დალაგდება.

მთავარი იქნება, ზედმეტი საქმეები გვერდზე გადადოთ და პრიორიტეტებზე კონცენტრირდეთ.

16 სექტემბრის შემდეგ ემოციური მდგომარეობაც გაგიუმჯობესდებათ. მეგობრებთან შეხვედრის, სახლიდან გასვლისა და ახალი გეგმების დაწყების სურვილი მოგემატებათ.

თხის რქა - კარიერა და პირადი ცხოვრება დააბალანსეთ

თხის რქებისთვის ეს კვირა შეხსენება იქნება, რომ კარიერასა და პირად ცხოვრებას შორის ბალანსი აუცილებელია.

კვირის პირველ ნახევარში სამუშაომ შეიძლება ჩვეულებრივზე მეტი ყურადღება მოითხოვოს, მაგრამ დროის სწორად განაწილებით გადაღლას თავიდან აიცილებთ.

კარგი პერიოდია სამომავლო პროფესიულ გეგმებზე სასაუბროდ.

სიყვარულში კი სერიოზული საუბარი გელით. შესაძლოა, პარტნიორმა საერთო მომავალზე, საცხოვრებელზე, ფინანსებზე ან პასუხისმგებლობების განაწილებაზე დაგელაპარაკოთ.

მერწყული - ცვლილებების სურვილი

მერწყულებს ჩვეული ცხოვრების შეცვლის ძლიერი სურვილი გაუჩნდებათ.

განსაკუთრებით აქტუალური გახდება სამუშაოს, სწავლისა და პროფესიული განვითარების საკითხები. მოულოდნელი იდეა შესაძლოა სწორედ ის აღმოჩნდეს, რასაც დიდი ხანია ეძებდით.

სიყვარულში გულწრფელი საუბრები გელით. შეიძლება გაირკვეს, რომ თქვენ და პარტნიორს ურთიერთობის მომავალზე განსხვავებული წარმოდგენები გაქვთ.

მარტოხელა მერწყულებს კი რჩევაა - უარი არ თქვათ მეგობრებისა და ნაცნობების მოწვევებზე. საინტერესო შეხვედრა სრულიად მოულოდნელად შეიძლება შედგეს.

თევზები - ფინანსურ საკითხებს მიხედეთ

თევზებისთვის კვირა ფინანსურ და პროფესიულ სტაბილურობაზე ფიქრით ჩაივლის.

კარგი პერიოდია ანაზღაურებაზე, სამუშაო პირობებზე, მომავალ პროექტებსა და პასუხისმგებლობებზე სასაუბროდ.

თქვენ შეძლებთ ისეთი დეტალების შემჩნევას, რომლებიც სხვებს შეიძლება გამორჩეთ - და სწორედ ეს მოგცემთ უპირატესობას.

სიყვარულში კი შესაძლოა შეხედულებები შეიცვალოთ. ადამიანი, რომელსაც აქამდე გარკვეულ თვისებებს მიაწერდით, შეიძლება სრულიად სხვა მხრიდან დაინახოთ. კვირის ბოლოს კი ბევრ საკითხში მეტი სიცხადე გაჩნდება.