საფრანგეთში საპრეზიდენტო არჩევნების შემდეგ მთელი საზოგადოება მსჯელობს არა მხოლოდ ქვეყნის ახალ პრეზიდენტზე - ემანუელ მაკრონზე, არამედ მის ცოლზეც, ბრიჯიტ ტრონიეზე, რომელიც საკუთარ ქმარზე 24 წლით არის უფროსი.

თუ უმეტესობას წყვილის ურთიერთობების ისტორია აინტერესებს, ჩვენ - მისი ჩაცმის სტილის შესახებ ვისაუბრებთ. ასაკის მიუხედავად (საფრანგეთის პირველი ლედი 64 წლისაა), ბრიჯიტი მშვენივრად გამოიყურება.

მისი მოხდენილი ფიგურა ბევრში იწვევს აღტაცებას. აშკარაა, ბრიჯიტი საგულდაგულოდ უვლის თავს. მოვლილი სხეული, ლამაზი სახე, რომელზეც პრაქტიკულად არ ქრება ღიმილი. ის არასოდეს არ იცვამს თვალში საცემად.

ბრიჯიტი ყოველთვის უპირატესობას ანიჭებს ფუნქციონალურობას, პრაქტიკულობასა და კომფორტს: კლასიკური შარვალი, ჟაკეტების სხვადასხვა ვარიანტები, კოსტიუმები - აი საფრანგეთის პირველი ლედის არჩევანი.

ყოველდღიურ ცხოვრებაში ბრიჯიტი იცვამს საკმაოდ ჩვეულებრივ ტანსაცმელს: ჯინსებს, სვიტრებს, სპორტული სტილის სამოსს. მას ვერაფრით ვერ გაარჩევ ჩვეულებრივი ფრანგი ქალისგან.

მაგრამ, ამის მიუხედავად, პირველი ლედი სულ უფრო ხშირად ჩნდება საზოგადოებაში მოკლე კაბებში. A-სილუეტის ოდნავ მუხლს ზევით წელში გამოყვანილი მოდელები აშკარად უხდება. მოხდენილი ფიგურა ხელს უწყობს ბრიჯიტს ატაროს ასეთი ექსტრემალური სიგრძე და ამასთანავე გამოიყურებოდეს ელეგანტურად და მოკრძალებულად.

ბრიჯიტ ტრონიე, როგორც ნებისმიერი ქალი, ინტერესდება მაღალი მოდით. მას ხშირად ამჩნევდნენ ჟურნალისტები Louis Vuitton, Christian Dior და Hermès მოდურ ჩვენებებზე. საფრანგეთის პირველი ლედი გამოიყურება ძალიან სტილურად და სრულიად შეუძლია გახდეს „სტილის კერპი“.