იცით, როგორ უნდა მოიქცეთ პაემანზე? - ბოლო წლებში ეს წესი ძალიან შეიცვალა. ახლა მოდური გახდა ონლაინ ნაცნობობა. ფლირტისა და პაემნების ბრიტანელი სპეციალისტები საინტერესო რჩევებს გვიზიარებენ შეცვლილი ურთიერთობებიდან.

1. მოგწონს? მიდი მასთან!

ნუ ელოდები, როდის გადმოდგამს ის პირველ ნაბიჯს. ახლა უკვე არავინ უყურებს იმას, პირველი ვინ მივა გასაცნობად. მიუახლოვდი და შესთავაზე ერთად გასეირნება ან კინოში წასვლა, ამაში საშინელი და მიუღებელი არაფერი არ არის.

2. ნუ გეწყინება, თუ უარი მიიღე

ადამიანებს არ შეუძლიათ ყველასთან შეხვედრა, ვისაც ეცნობიან. თუ მას არ უნდა შენთან შეხვედრა, გაიღიმე და გააგრძელე შენი გზა. არ იფიქრო, რომ ეს გავლენას მოახდენს თქვენს თვითშეფასებაზე, ეს უბრალოდ კიდევ ერთი ნაბიჯია იმის ძებნაში, ვინც თქვენი საყვარელი ადამიანი გახდება.

3. ბუნებრივად მოიქეცი

გაცნობისას, მოძებნე საბაბი საუბრისთვის. მაგალითად, გადავსებულ კლუბში შეიძლება დაიწყო საუბარი იქედან, რომ „აქ პირველად ვარ, და ყოველთვის ამდენი ხალხია?“ - ამით შენ მას არ ავალდებულებ ცოლად მოგიყვანოთ ან ერთად სადმე გაიქცეთ.

4. დაწიე თამასა

არ არის აუცილებელი თითოეულ მამაკაცთან მისვლა და მისი შეფასება როგორც მომავალი შვილების მამის, თან ეს სულ რაღაც ორწუთიანი საუბრის შემდეგ. უფრო მარტივად შეხედე ამას: ამჟამად კარგად გრძნობ მასთან თავს - კარგია. შემდეგ კი - დრო გიჩვენებთ.

5. იყავი გახსნილი სიახლისთვის

ყველას არ აქვს ოცნება რომ ჰყავდეს სამი შვილი, ჰქონდეს აგარაკი და შვებულება პრესტიჟულ კურორტზე, უპირატესობები შეიძლება განსხვავდებოდეს. თუ შენ სხვა მომავალი გიზიდავს, ეს არ ნიშნავს, რომ ყველაფერი რიგზე არ გაქვს. უბრალოდ მოძებნე პარტნიორი, რომელიც მხარს დაუჭერს შენს მისწრაფებებს.

6. შეიძლება სიმარტოვეშიც ბედნიერი იყო

არ არის საჭირო მთელი ცხოვრების კონცენტრირება პრინცის ძებნაზე. იცხოვრე აქ და ახლა, ნუ გადადებ სიხარულს შემდეგისთვის. ბედნიერი ადამიანები იზიდავენ სხვებს. იყავი გახსნილი და მაქსიმალურად კმაყოფილი ცხოვრებით.

რა თქმა უნდა წესები არ არის ერთიანად ყველასთვის და შეიძლება იცვლებოდეს. სიყვარულის ძებნაში მთავარია - არ დაივიწყო საკუთარი თავი.