• რწმენა, რომ რაღაც არ შეგიძლიათ

ადამიანები ხშირად ამბობენ: „მე მათემატიკაში უნიჭო ვარ“ ან „მე ვერ ვსწავლობ ენებს“. მხოლოდ იმიტომ, რომ თქვენ არ ხართ ბუნებრივად ნიჭიერი ამ სფეროში, არ ნიშნავს რომ ვერასოდეს შეძლებთ ამ უნარის განვითარებას.

სცადეთ სწავლების რამდენიმე მეთოდი, იპოვეთ თქვენზე მორგებული გზა და მხოლოდ ამის შემდეგ თქვით, რომ რაღაც არ შეგიძლიათ.

• მუდმივად აღფრთოვანების ძებნა

თუ თქვენს ცხოვრებაში აღფრთოვანებას დაედევნებით, ვერასოდეს გახდებით ბედნიერი. თქვენ მუდმივად დამოკიდებული იქნებით იმაზე, რაც მოგანიჭებთ კმაყოფილებას, იქნება ეს  ნარკოტიკები, ალკოჰოლი, სექსი თუ ვირტუალური რეალობა.

შეეცადეთ, რომ ინვესტიცია ჩადოთ ისეთ სახეობებში, რაც შინაგანი აღფრთოვანების წყარო გახდება. მაგალითად, ფიზიკური აქტივობა.

• რისკზე უარის თქმა

ძალიან ადვილია რისკების თავიდან აცილება და კომფორტის ზონაში დარჩენა. თუმცა, ყველაზე დიდი რისკი, არის რისკზე არ წასვლა. საკუთარ თავს უფლებას ნუ მისცემთ შესაძლებლობამ გვერდზე ჩაგიაროთ და მოგვიანებით ინანოთ, რომ რაღაც არ გააკეთეთ.

უთხარით „დიახ“ ახალ შესაძლებლობებს და ისიამოვნეთ ცხოვრების წარმატებული თუ წარუმატებელი რისკებით.

• მსხვერპლის როლში ყოფნა

თუ საკუთარ წარუმატებლობაში, მუდმივად სხვებს დაადანაშაულებთ, მაშინ, არასოდეს გაიზრდებით. ცხადია, რომ ზოგიერთი სიტუაცია, შესაძლოა, თქვენი კონტროლის მიღმა იყოს. მაგრამ, აზრი არ აქვს ბრაზის სხვებისკენ მიმართვას.

თქვენს ცხოვრებაზე პასუხისმგებელი, მხოლოდ თქვენ ხართ.

• ერთდროულად რამდენიმე საქმის კეთება, ე.წ. „მულტითასქინგი“

ჩვენ ყველას გვსურს, რომ ერთდროულად რამდენიმე საქმის კეთება შეგვეძლოს. მაგრამ, მულტითაქსინგი, რეალურად ნაკლებად პროდუქტიულია, ვიდრე ერთ დავალებაზე კონცენტრირება. თუ ბევრ საქმეს ერთად მოედებით, მით უფრო მეტ შეცდომას დაუშვებთ, რაც კონტრპროდუქტიულია.

უარი თქვით მულტითასქინგზე და თქვენი მუშაობის ხარისხი გაუმჯობესდება.

• პერფექციონიზმი

მუდმივი ფიქრი, „თუ ამ საქმეს სრულყოფილად არ გავაკეთებ, სჯობს, ხელი საერთოდ არ მოვკიდო“, არის დესტრუქციული.

პირველ რიგში, თქვენ დაკარგავთ მოტივაციას და ასევე, დაკარგავთ ზედმეტ დროს, რათა გამუდმებით დაიწყებთ იმ დეტალის ძებნას, რის გამოც, „ეს სრულყოფილი არ არის“.

• საკუთარი თავის დავიწყება

იზრუნეთ თქვენს სხეულზე, გონებასა და სულზე. ფოკუსირდით თქვენს კვებაზე,
კარგად გამოიძინეთ, დალიეთ საკმარისი წყალი, გაატარეთ დრო მზის შუქზე, ივარჯიშეთ, დაისვენეთ და ნუ იმუშავებთ გვიან ღამემდე.

თქვენი ცხოვრება ამაზეა დამოკიდებული.

• შიშის მუდმივი განცდა

გადაწყვეტილების მიღებისას, მუდმივად ცუდ შედეგებზე ფიქრი არ არის ცხოვრების გზა. თუ ცხოვრებას პესიმისტურად უყურებთ, მაშინ ძალიან გაგიჭირდებათ რამე ღირებულის მიღწევა.

ყველაფერი თქვენს გონებაში იწყება და შემდეგ, თქვენი რეალობა ხდება.