მიტოვების შიში არის საერთო და ღრმად ფესვგადგმული ემოციური საკითხი, რომელმაც შესაძლოა გავლენა იქონიოს თქვენს რომანტიკულ ურთიერთობებზე. ის ხშირად მომდინარეობს წარსული გამოცდილებიდან ან ბავშვობის ტრავმიდან, რომელიც სხვადასხვანაირად ვლინდება.

აქ მოცემულია რამდენიმე ნიშანი იმისა, რომ თქვენი პარტნიორი განიცდის მიტოვების შიშს და ჩამოთვლილია სავარაუდო მიზეზები, რის გამოც ის თქვენზეა მოჯაჭვული.

1. გადაჭარბებული მიჯაჭვულობა

გადაჭარბებული მიჯაჭვულობა, ან მიტოვების შიშის განცდა, ერთ-ერთი ყველაზე აშკარა ნიშანია, რომ მას თქვენი დაკარგვის პანიკური შიში აქვს.
პარტნიორი შესაძლოა მუდმივად ცდილობდეს თქვენი სიყვარულისა და ვალდებულებების დარწმუნებას. მათ შესაძლოა სურდეთ მუდმივი კონტაქტი და ამიტომაც შეშფოთდნენ, ან მიტოვებულად იგრძნონ თავი, როცა მათგან შორს ატარებთ დროს.

2. გადაჭარბებული რეაქცია დაშორებაზე ან კონფლიქტზე

მიტოვების შიშის მქონე პირებს შეუძლიათ გადაჭარბებული რეაგირება მოახდინონ სიტუაციებზე, რომლებიც დაკავშირებულია დაშორებასთან ან კონფლიქტთან. შესაძლოა ეს სიტუაციები განიმარტოს, როგორც ნიშნები იმისა, რომ თქვენ შორდებით ან კარგავთ ინტერესს ურთიერთობის მიმართ. ამ შიშმა შესაძლოა გამოიწვიოს კამათები, ემოციური აფეთქებები ან თქვენი ემოციური მანიპულაციის მცდელობა, რათა არ მიატოვოთ ის.

3. ნდობის სირთულე

ნდობის საკითხი ხშირია მიტოვების შიშის მქონე ადამიანებისთვის, მათ შესაძლოა გაუჭირდეთ იმის ნდობა თუ დაჯერება, რომ მასთან დარჩებით ურთიერთობის ერთგული და თქვენს იდილიას არავითარი საფრთხე არ ემუქრება. ეს ხშირად გადაიქცევა ალუზიაში, მესაკუთრეობაში ან თქვენი ადგილსამყოფლისა და სხვებთან ურთიერთობის მუდმივი შემოწმების აუცილებლობაში, მათ ჰგონიათ, რომ თუ თვალყურს არ ადევნებენ პარტნიორს, მათ მიატოვებენ.

4. არამყარი დინამიკა

მიტოვების შიშის კიდევ ერთი ნიშანია ურთიერთობის არამყარი დინამიკა. თქვენი პარტნიორი შესაძლოა მერყევი ხასიათის იყოს. ასე მაგალითად, ძალიან მზრუნველი და მოსიყვარულე იყოს, მაგრამ შესაძლოა მოულოდნელად მიგატოვოთ. ამიტომ, ეცადეთ ყოველთვის მიიზიდოთ ის სხვადასხვა გზით, მაგრამ ისე, რომ ამან პარტნიორი არ გააღიზიანოს.

ყოველთვის ეცადეთ დაიცვათ ოქროს შუალედი და თქვენი ურთიერთობა ბევრად მარტივი, მყარი და კომფორტული გახადოთ.