თითოეული ფერი, რომელსაც თქვენ ირჩევთ, გარკვეულ გზავნილს უგზავნის გარშემომყოფებს. ფსიქოლოგები გვამცნობენ, თუ რომელ ფერს რა დატვირთვა აქვს და რა ფერის სამოსი ჯობია რომ ჩავიცვათ სხვადასხვა საზოგადოებრივი თავშეყრის ადგილას.

შავი ფერი

შავი ფუფუნების და დახვეწილობის ფერია. რა შეიძლება იყოს უფრო მდიდრული, ვიდრე ცნობილი პატარა შავი კაბა? შავი ფერი აღიქმება პრესტიჟის, ძალაუფლების, სერიოზულობისა და მაღალი ინტელექტის სიმბოლოდ. მაგრამ იმის გამო, რომ დასავლურ კულტურაში შავი ასევე ასოცირდება გლოვასთან და სევდასთან, არ არის საუკეთესო იდეა მთლიანად შავებში იყოთ გამოწყობილი.

თეთრი ფერი

თეთრი ფერი სიმბოლოა სიწმინდის და სიმარტივის, მაგრამ თუ მთლიანად თეთრ ტანსაცმელში ხართ ჩაცმული, შესაძლოა პერფექციონიზმისკენ მიდრეკილი ხართ.
ვინაიდან ეს ფერი სიახლისა და სრულყოფილების განცდას გადმოსცემს, კარგი იდეაა ახალი პროექტის პრეზენტაციაზე თეთრი ჩაიცვათ, სადაც ინოვაციური იდეების გაცნობა გსურთ.

ლურჯი ფერი

ლურჯს დამამშვიდებელი ეფექტი აქვს, ის ასევე ასოცირდება ნდობასთან და სიმშვიდესთან. ეს ფერი შეიძლება იყოს კარგი არჩევანი საოფისე ტანსაცმლისთვის და თამამად შეგიძლიათ წახვიდეთ ლურჯი ფერის ლუქით საქმიან შეხვედრაზე.

ყვითელი ფერი

ყვითელი ფერი ზრდის სეროტონინის გამომუშავებას და ამაღლებს განწყობას. ეს თბილი ფერი ქმნის ხალისიანობისა და მხიარულების განცდას და შესაფერისია აქტიური ადამიანებისთვის.

იასამნისფერი ფერი

თუ გსურთ გამოიყურებოდეთ, როგორც ქარიზმატული ადამიანი, იასამნისფერი შესანიშნავი არჩევანია. ის ძლევამოსილი ფერია და ასევე შავის შესანიშნავი ალტერნატივაა, თანაც, უფრო კრეატიულია.

წითელი ფერი

წითელი ფერი ყოველთვის იპყრობს ყურადღებას და აჩქარებს მამაკაცების გულს. ამერიკულმა კვლევამ აჩვენა, რომ მამაკაცები ინტიმურ კითხვებს უსვამენ ქალებს, როდესაც ისინი წითელ ბლუზს ატარებენ. ატარეთ წითელი, თუ გსურთ გამოიყურებოდეთ თავდაჯერებულად და მიმზიდველად.

ყავისფერი

ერთ-ერთმა ონლაინ კომპანიამ, ჩაატარა გამოკითხვა და ჰკითხა ხალხს: რა ფერები ეცვათ, როცა წარმატებული სამუშაო გასაუბრება ჰქონდათ? აღმოჩნდა, სამუშაოს მაძიებლები, რომლებსაც ყავისფერი ეცვათ, უმცირესობაში იყვნენ. ფსიქოლოგები გვირჩევენ, არასოდეს ჩავიცვათ ყავისფერი გასაუბრებაზე.

ნარინჯისფერი

ნარინჯისფერი ფერი ასოცირდება სითბოსთან. მას ენერგია და სიკაშკაშე მოაქვს ნებისმიერ სოციალურ გარემოში. თუ წვეულებაზე ხართ მიწვეული და გსურთ იყოთ ყურადღების ცენტრში, ჩაიცვით რაიმე ნარინჯისფერი. თუმცა, გაითვალისწინეთ, რომ ფორთოხლის სიუხვემ შეიძლება შექმნას ისეთი შთაბეჭდილება, რომ ცბიერი ან ფორმალური ხართ, ამიტომაც, იყავით ზომიერი.

მწვანე ფერი

მწვანე ფერი ასოცირდება ბუნებასთან, სიმშვიდესა და ჯანმრთელობასთან. ასე რომ, თუ თქვენ მუშაობთ ჯანმრთელობის ინდუსტრიაში ან ყიდით ბუნებრივ, ეკოლოგიურად სუფთა საქონელს, ამ ფერის სამოსის ტარება შესანიშნავი არჩევანია.
მწვანე ფერი ასევე სიმბოლოა სიმდიდრის და კრეატიულობის. ასე რომ, თუ გსურთ წამოიწყოთ რაიმე ახალი იდეა თქვენს მომავალ თათბირზე, აირჩიეთ მწვანე ფერის სამოსი.

ვარდისფერი

ვარდისფერი ასოცირდება ქალურობასთან, და რომანტიკასთან, მაგრამ გახსოვდეთ, რადგანაც ეს ფერი უკავშირდება ბავშვობას და უმანკოებას, შესაძლოა მეტისმეტად გულუბრყვილოც გამოჩნდეთ.

ნაცრისფერი

ნაცრისფერი ფერი და მისი ჩრდილები სიმშვიდის სიმბოლოა. ეს ფერი პრაქტიკულობისა და სიმყარის სიმბოლოა.

სტილისტების აზრით, ნაცრისფერი საშუალებას აძლევს ადამიანს თავი აარიდოს განსაკუთრებული ყურადღების მიქცევას და იყოს უხილავი ხალხში. უმეტესად ამ ფერის სამოსს მოკრძალებული და თავმდაბალი ადამიანები ატარებენ.