არიან მამაკაცები, რომლებიც მარტივად ხიბლავენ ქალებს და ისეთებიც, რომლებსაც ეს თვისება აკლიათ, მაგრამ ამის გამო ისინი სასოწარკვეთას არ უნდა მიეცნენ.

მამაკაცებო, ჩვენ მოგცემთ რამდენიმე რჩევას, თუ როგორ მოაწონოთ ქალს თავი.

ვნება და მიზანი.

ვნება ცხოვრების მამოძრავებელი ძალაა და ის პირდაპირ კავშირშია ძლიერ მიზანთან. თუ მამაკაცი ვნებიანია, ის აუცილებლად მიზანდასახულიც არის.

ქალებს მოსწონთ ბიჭები, რომლებსაც ცხოვრებისეული მიზანი აქვთ, რომლებმაც კარგად იციან რა სურთ საკუთარი თავისგან და ცხოვრებისგან. სწორედ ეს ხდის მამაკაცებს უფრო მიმზიდველს. ქალებმა იციან, თუ ვნებიანი ხართ წარმატებულიც იქნებით.

მრავალფეროვნება.

ქალებს ჰბეზრდებათ ერთფეროვნება. მათ იტაცებთ სათავგადასავლო მოგზაურობა, ახალი იდეები, ან უბრალოდ, სუფთა ჰაერზე გასეირნება.

მამაკაცები, რომლებიც ზრუნავენ ქალების ცხოვრების გამრავალფეროვნებაზე, მიმზიდველად ითვლებიან.

მიმღებლობა.

მიმღებლობა იმ პიროვნების ისეთად მიღებაა, რომელიც მოგწონს მისი ყველა უცნაურობით. როცა ვინმე მოგწონს, უფლებას აძლევ, გულწრფელად გაიხსნას შენთან და იყოს მხოლოდ საკუთარი თავი.

თუ იპოვეთ ასეთი მამაკაცი, თქვენ ნამდვილად გაგიმართლათ.

პოზიტიურობა.

თუ მამაკაცი პოზიტიურია, იბრძოლებს მიზნის მისაღწევად და ქალის ყველა პრეტენზიას, სურვილს თუ ახირებას პოზიტიურად მიუდგება. ასეთი მამაკაცი ყოველთვის ითვლება ყველაზე მიმზიდველ მამაკაცად.

თავდაჯერებულობა.

მამაკაცს უხდება სრულყოფილი მანერები, სწორი ჟესტები, ლამაზი ხმა და რაც მთავარია, ის უნდა ფლობდეს თვალის კონტაქტის ხელოვნებას.

თუ მამაკაცი შინაგანად არ არის თავდაჯერებული, ის ყველაფერს აფუჭებს. თავდაჯერებულობა ყოველთვის დაკავშირებულია საკუთარი თავის სიყვარულთან და ნდობასთან.

მამაკაცი, რომელსაც აქვს საკუთარი თავის რწმენა და ნდობა, ყველაზე მიმზიდველი მამაკაცია.

გადამწყვეტობა.

ქალებს მოსწონთ გადაწყვეტილების დამოუკიდებლად მიღება, მაგრამ ისინი აუცილებლად დააფასებენ თქვენს უნარს, თუ ხანდახან ხისტ, მაგრამ სწორ გადაწყვეტილებებს მიიღებთ.

გადამწყვეტობა გვიჩვენებს, რომ თქვენ ზუსტად იცით რა გსურთ და ასევე იცით მისი მიღების გზები.

მოსმენა და გაზიარება.

მოსმენა ყოველთვის ნიშნავს, დაინტერესებას ამ ადამიანის გაცნობით. თუ გსურთ აჩვენოთ ქალს, რომ მას ყურადღებით უსმენდით, უბრალოდ შეაჯამეთ მისი საუბარი და თუ კარგი წინადადება გაქვთ, ყოველთვის გაუზიარეთ, ეს მას თავს მნიშვნელოვან ადამიანად აგრძნობინებს.

უშუალობა.

მამაკაცებს უჭირთ ემოციების გამომჟღავნება, მაგრამ დაიმახსოვრეთ, ყველა ქალს მოსწონს ისეთი მამაკაცი, რომელიც საკუთარ თავს ღიად და უშუალოდ გამოხატავს.

მამაკაცები, რომლებიც არ ერიდებიან ემოციების გამოხატვას, ქალისთვის ყველაზე მიმზიდველ პარტნიორებად რჩებიან.