მამაკაცები და ქალები განსხვავებულად გამოხატავენ გრძნობებს. გოგონებს სიყვარულის დადასტურება მუდმივად სჭირდებათ სიტყვით - "მიყვარხარ!" მათ ასევე მოსწონთ რომანტიკა - ყვავილები, შოკოლადები, კომპლიმენტები.

მამაკაცების სასიყვარულო ენა გაცილებით მარტივი და ხშირად არასენტიმენტალურია. ისინი სიყვარულს უმეტესად ქმედებებით და საქმეებით ამტკიცებენ.

მზრუნველი შეხება

მზრუნველი შეხება ბევრად მეტს ამბობს მამაკაცის გრძნობებზე, ვიდრე საძინებელში კოცნა.
თუ თქვენი მამაკაცი ქურთუკს მოგაწვდით, გაგისწორებთ თავსაბურავს ან გაგიღებთ კარს, ის ავლენს თქვენს მიმართ სიყვარულს.
გოგონები ვერ ამჩნევენ სიყვარულის ასეთ გამოვლინებებს, რადგან მას მხოლოდ ზრდილობიან ჟესტად აღიქვამენ. მაგრამ, გულწრფელი რომ  ვიყოთ, რამდენად ხშირად ხედავთ ამას რიგითი ადამიანისგან?

კარგი მეხსიერება

როგორც წესი, მამაკაცები ძალიან იშვიათად იმახსოვრებენ წვრილმანებს, მაგრამ თუ კაცს გრძნობები აქვს, ყველაფერი ემახსოვრება. მას ახსოვს, თუ რა ყვავილი მოგწონთ, რა გირჩევნიათ ლანჩზე მიირთვათ ან რომელია თქვენი საყვარელი სუნამო.

უმიზეზო საჩუქრები

ჩვენ არ ვსაუბრობთ 8 მარტის ან დაბადების დღის საჩუქარზე, არამედ უმიზეზოდ მორთმეულ საჩუქრებზე. ეს შეიძლება იყოს სპონტანური მოგზაურობა; ფინჯანი ყავა ან ფორთოხალი, თუ ავად გახდებით; სუნამოს ბოთლი, რომლის შეძენაც უსახსრობის გამო გადადეთ. ეს ყველაფერი უბრალოდ ყვირის, რომ ის შეყვარებულია.

თანაგრძნობა და რჩევა

თუ ნებისმიერ დროს შეგიძლიათ პარტნიორს გაუზიაროთ პრობლემა და მიიღოთ მხარდაჭერა, მაშინ მისთვის მნიშვნელოვანი ადამიანი ხართ.
შეყვარებული მამაკაცი ყოველთვის შეძლებს ქალის ნუგეშს და ასევე გირჩევთ, როგორ მოიქცეთ რთულ სიტუაციაში.

ონლაინ მიმოწერის სურვილი

შეყვარებული მამაკაცი აუცილებლად გამოიწერს თქვენს ყველა სოციალურ პლატფორმას და თბილად მოგიკითხავთ სამუშაო დღის განმავლობაშიც კი. იმ გოგოსთვის, რომელიც მას უყვარს, ყოველთვის გამონახავს დროს სასაუბროდ.

მტკიცებულება საქმეებით

მამაკაცისგან ყვავილებს და სასიყვარულო სიტყვებს ელოდებით, მაგრამ ის  უბრალოდ მოდის და ონკანს ან ნათურას გიცვლით? - ეს სიყვარულია! მამაკაცი რომანტიკოსი არ არის. მათი უმრავლესობა რეალისტი და პრაქტიკოსია და მათ გულწრფელად არ ესმით, რატომ არის საჭირო ამდენი ვარდების თაიგული და რომანტიკა.

გამოკვების სურვილი

თუ თქვენს მამაკაცს აწუხებს რას მიირთმევთ, მაშინ ეს სიყვარულია. არ აქვს მნიშვნელობა - დაგპატიჟებთ რესტორანში, თუ თავად მოამზადებს კერძს თქვენთვის. საყვარელი ადამიანის გამოკვების სურვილი გრძნობების უტყუარი ნიშანია.

კომპრომისებზე წასვლა

შეყვარებული ქალის გამო მამაკაცი ყოველთვის მიდის კომპრომისზე. თუ დაღლილი ხართ, ან შეუძლოდ გრძნობთ თავს და არ შეგიძლიათ მასთან ერთად წახვიდეთ წვეულებაზე, მამაკაცი გააფრთხილებს მეგობრებს, რომ ვერ მოვა და თქვენთან დარჩება.

ქალები ამას ხშირად უბრალო ჟესტად თვლიან და არ ესმით, რომ მამაკაცის მხრიდან ასეთი დათმობები განიხილება გრძნობების ძალიან სერიოზულ გამოვლინებად.

შეყვარებული მამაკაცი მზადაა შეცვალოს თავისი ყოველდღიური რუტინა თქვენს გამო, მაგრამ თქვენგანაც იმავეს მოელის, ურთიერთობები ხომ ორმხრივია.

ჰობი და მეგობრები

შეყვარებულ მამაკაცი ყოველთვის ამაყად მოუყვება მეგობრებს თქვენი მიღწევებისა და გამარჯვებების შესახებ. ის ყველგან მოჰყვება თქვენს ცეკვისადმი სიყვარულზე, ქარგვით გატაცებაზე თუ ვოკალურ მონაცემებზე.
ნამდვილი გრძნობები ასევე არის თქვენი მეგობრების წრის აღიარება და პატივისცემა.

ოჯახის წევრების გაცნობა

შეყვარებული მამაკაცი ჩქარობს თავისი რჩეული გააცნოს ოჯახის წევრებს. ყოველივე ამის შემდეგ, ეს არის კიდევ ერთი მიზეზი, რომ იამაყოთ, თუ რამდენად მომხიბვლავი, მიმზიდველი და ჭკვიანი ხართ, მაგრამ თუ ეს გაცნობა არ შედგა, მაშინ ან ის გიტოვებთ "რეზერვში" და ელოდება უკეთეს ვარიანტს, ან მის ოჯახში ყველაფერი რიგზე არაა.