(შესვენებისას უფრო ღრმად იაზრებთ თქვენს საჭიროებებს და საზრუნავს)

პარტნიორებს შორის არის მომენტები, როდესაც ურთიერთობაში ბზარი ჩნდება, ხშირად შეთანხმება უბრალოდ შეუძლებელია და დიალოგი ჩიხში შედის.
როგორც წესი, დაბრკოლებები შეიძლება იყოს როგორც უმნიშვნელო, ისე სერიოზული: ფინანსური პრობლემები, ბავშვები, გადაადგილება ან სამუშაოს შეცვლა, რაც გავლენას ახდენს მთელი ოჯახის ცხოვრებაზე, ხშირია ღალატიც, რაც ურთიერთობაში დიდი შესვენების, დაპაუზების ხშირი მიზეზი ხდება.

როდის გჭირდებათ შესვენება ურთიერთობაში?
ხშირი ჩხუბი და კამათი, დაძაბულობა და უკმაყოფილება აუცილებლად იწვევს პარტნიორებს შორის ემოციურ დისტანციას. ერთმანეთის არამარტო არ გესმით, არც გსურთ მოუსმინოთ.

ასეთ შემთხვევებში, წყვილმა შეიძლება მიიღოს შესვენების გადაწყვეტილება, რათა საკუთარ თავს უკეთ მოუსმინოს და გადახედოს ურთიერთობას.

დაპაუზების ვადა ინდივიდუალურია: ზოგისთვის საკმარისია სამი კვირა, ზოგისთვის კი მეტი დროა საჭირო თვითრეფლექსიისთვის. მნიშვნელოვანია წინასწარ განიხილოთ შესვენების დრო, რათა თავიდან აიცილოთ გაურკვევლობა, რაც აშინებთ ადამიანებს და იწვევს შფოთვას. ამან, თავის მხრივ, შეიძლება გამოიწვიოს დამატებითი კონფლიქტები.

როგორ დავიწყოთ საუბარი შესვენებაზე?

შეთანხმდით გულწრფელ დიალოგზე, პირველ რიგში, შეარჩიეთ ყველაზე კომფორტული ადგილი და დრო ორივესთვის. ისაუბრეთ ღიად და პირდაპირ; ტექსტური შეტყობინებებისგან განსხვავებით, სადაც რეაქციები შეიძლება არასწორად იქნას აღქმული, პირისპირ შეხვედრები საშუალებას გაძლევთ დაინახოთ პიროვნების ჩართულობისა და გრძნობების სიღრმე.
შესვენების ინიციატორმა ღიად უნდა ისაუბროს მარტოობის აუცილებლობაზე. მნიშვნელოვანია იმის გარკვევა, თუ რატომ არის საჭირო პაუზა, კონკრეტულად რას უნდა გადახედოს პარტნიორმა და რამ გამოიწვია ეს გადაწყვეტილება.

აუცილებელია იმის აღნიშვნაც, რომ პაუზა არის, უპირველეს ყოვლისა, სიტუაციიდან გამოსავლის, გამოწვევებთან გამკლავების და გრძნობებში გარკვევის შესაძლებლობა.
მნიშვნელოვანია იყოთ გულწრფელი არა მხოლოდ პარტნიორთან, არამედ საკუთარ თავთანაც, რათა საუბრის დაწყებამდეც მიხვდეთ, ნამდვილად გსურთ თუ არა ურთიერთობაში წინსვლა ან კომპრომისები. თუ არ იცით, გსურთ თუ არა ურთიერთობის გადარჩენა და ერთად ყოფნა, მაშინ ესეც უნდა აღიაროთ.



რა უნდა გააკეთოთ ურთიერთობაში შესვენების დროს?
შესვენება ხშირად იძლევა შესაძლებლობას უფრო ღრმად გაიაზროთ თქვენი საჭიროებები და საზრუნავები, რომელთა ამოცნობა რთულია ცხოვრების რუტინასა და აურზაურში. როდესაც ბევრი შფოთვა და გამოუთქმელი ემოციებია, ურთიერთობები იძაბება და ძნელია მათი ობიექტური და სწორი შეფასება. მნიშვნელოვანია განსაზღვროთ, რისი მიღწევა სურს თქვენს წყვილს შესვენების შემდეგ და ეცადოთ მისგან მაქსიმუმი მიიღოთ.

ტაიმაუტის დროს დაკავდით საკუთარი თავის განვითარებით და თქვენი საჭიროებებისა და სურვილების შესწავლით. ასევე მნიშვნელოვანია გულწრფელი შინაგანი დიალოგის წარმართვა, რაც დაგეხმარებათ დაინახოთ ურთიერთობის ყველა ასპექტი - ის, რაც შესაფერისი და სასურველია და ისიც, რაც არ მოგწონთ და უმიზნოდ გართმევთ ენერგიას.

რა უნდა განიხილოთ პარტნიორთან შესვენებამდე?

შესვენებამდე უნდა გაარკვიოთ რა სტატუსი ექნება თქვენს ურთიერთობას. შეძლებთ თუ არა ამ დროს პარტნიორთან შეხვედრას? წინასწარ განიხილოთ, რა ვადა დაგჭირდებათ შესვენებისთვის; სად და როდის შეხვდებით მის შედეგებს? ეცადეთ კონკრეტულად ჩაწეროთ თქვენი ემოციები და განცდები, რაც განიცადეთ განშორებისას, მოგვიანებით კი გაუზიარეთ ისინი პარტნიორს.

შეთანხმებული შესვენება

როდესაც ურთიერთობა პაუზდება, ორივე პარტნიორი ერთხმად უნდა მივიდეს ამ გადაწყვეტილებამდე. თუ ორიდან ერთი მხარე წინააღმდეგია, წარმოიქმნება დისონანსი, ერთ მხარეს იქნება წყენა, უკმაყოფილება და გაღიზიანება, რაც საბოლოოდ ახალ ჩხუბს გამოიწვევს.
შესვენების გასაღები არის იმის გათვალისწინება, თუ რა გსურთ მიიღოთ ამ პერიოდიდან და რაც უფრო გულწრფელად განიხილება ეს საკითხი, მით უფრო პროდუქტიული იქნება შესვენება ორივე მხარისთვის.

მხარდაჭერა ურთიერთობის შესვენების დროს

რა თქმა უნდა, შეგიძლიათ დამოუკიდებლად მოაწყოთ და გადაიტანოთ ეს ემოციურად რთული პერიოდი. თუმცა, ეს ყველას არ შეუძლია. ბევრად უფრო ადვილია ამის გაკეთება სპეციალისტის მეთვალყურეობის ქვეშ.



სპეციალისტები ეხმარებიან წყვილს, დაინახონ პრობლემური სფეროები და აძლევენ დავალებებს განშორების დროს ურთიერთობაზე მუშაობისთვის. ეს არის შიდა სამუშაო, რომელიც ეხმარება გააცნობიეროს პრობლემაში ჩართულობის ხარისხი ან მისი არარსებობა. ასევე, თითოეულ პარტნიორს შეუძლია დაესწროს ინდივიდუალურ თერაპიას, რაც დადებითად იმოქმედებს იმის გაგებაზე, თუ რატომ მოხდა შესვენება, ან სულ მცირე, შეგიძლიათ უახლოეს მეგობარს მოუყვეთ ამის შესახებ და მიიღოთ სწორი რჩევები.

როდის შეგიძლიათ დაასრულოთ შესვენება?

გახსოვდეთ, რომ შესვენება შეიძლება იყოს მხოლოდ დროებითი ღონისძიება, მაგრამ ზოგჯერ ის აუტანელი ხდება მისი ინიციატორისთვისაც და ერთადერთი გამოსავალი, ხშირად ურთიერთობის სასწრაფო აღდგენაა.

არ იჩქაროთ გადაწყვეტილების მიღება. პაუზის გასვლამდე აწონ-დაწონეთ ყველაფერი, შეადგინოთ არა მხოლოდ პარტნიორის ან/და ერთად ცხოვრების დადებითი და უარყოფითი მხარეები, არამედ მოუსმინეთ გულს, ის არასოდეს იტყუება.