მწვავე მდგომარეობას, რომელსაც ადამიანი განიცდის წარუმატებელი ურთიერთობის შედეგად, სიყვარულის ფსიქოზი ეწოდება და ეს ზუსტად ის შემთხვევაა, როცა სიყვარულს მკურნალობა სჭირდება.

წარუმატებელი ურთიერთობები - ხმამაღალი ჩხუბი, ღალატი, შეურაცხყოფა ან უნდობლობა, ზოგჯერ უსიამოვნო შედეგებს ტოვებს სასიყვარულო ფსიქოზის სახით.

სიყვარული და ღალატი

სიყვარულს ხშირად ადარებენ ფსიქიკურ დაავადებას. თუ სიყვარულში ბედნიერებას პოულობთ, ეს ძალიან კარგია, მაგრამ თუ ის მწარე იმედგაცრუებაა, მაშინ დიდი ალბათობით ადამიანს მწვავე სასიყვარულო ფსიქოზი იპყრობს.

განსაკუთრებით რთულია ღალატთან გამკლავება. ფსიქოლოგები ამას იმით ხსნიან, რომ ღალატის გამოცდილება თავისთავად საკმაოდ სტრესულია, მაგრამ თუ ეს სიყვარულს ეხება, მაშინ ორმაგი დარტყმაა შეყვარებული ადამიანისთვის, რომელმაც იფიქრა, რომ ააშენა მყარი ურთიერთობები და სჯეროდა, რომ ბედნიერად იცხოვრებდა პარტნიორთან ერთად.

გადაუწყვეტლობა

ხშირად, ადამიანები, რომლებიც შეურაცხმყოფელ ურთიერთობებში არიან, განიცდიან სასიყვარულო ფსიქოზს, ისინი ხვდებიან, რომ პარტნიორი მას ცუდად ექცევა - არ პასუხობს ზარებს, ქრება რამდენიმე დღე, კამათის დროს ისვრის ხმამაღლა სიტყვებს „არ მიყვარხარ“, „წყვილი აღარ ვართ“ - მაგრამ რატომღაც მაინც არ წყვეტს ურთიერთობას.

ბავშვობის ტრავმა

სიყვარულის ფსიქოზის კიდევ ერთი მიზეზი ბავშვობის ტრავმაა. შესაძლოა ადამიანებს უყვართ ერთმანეთი, პატივს სცემენ ერთმანეთს, მაგრამ ამავე დროს ერთ-ერთი პარტნიორი კვლავ სტრესში ცხოვრობს - გამუდმებით ფიქრობს იმაზე, სად არის ახლა მისი საყვარელი, მოხდა თუ არა რაიმე ცუდი მის თავს, ღალატობს თუ არა.

მსგავსი ფიქრები იმაზე მეტყველებს, რომ სავარაუდოდ მის მშობლებს რთული ურთიერთობა ჰქონდათ და ბავშვი იზრდებოდა ამ შფოთვით და დაძაბულობით სავსე რეალობაში.

ბიჭები არ ტირიან?

მიუხედავად იმისა, რომ ქალებს უფრო ხშირად იპყრობთ სასიყვარულო ფსიქოზი, მამაკაცები მას ბევრად უფრო ძლიერად განიცდიან, თუმცა საქმე იმაშია, რომ ქალები მეტად ადაპტურნი არიან სტრესულ სიტუაციებთან. თუ სიყვარულში მარცხი მოუვიდათ, ყოველთვის ჰყავთ მეგობარი, ვისაც გულს გადაუშლიან. ამ გზით ისინი უფრო ადვილად გამოდიან ტრავმული სიტუაციებიდან.



მამაკაცი კი ნაკლებად აზიარებს თავის სასიყვარულო თავგადასავალს, ის საკუთარ თავში ატარებს ფსიქიკურ ტკივილს, თუმცა მამაკაცისთვის წარუმატებელი სიყვარული ბევრად უფრო ხშირად მთავრდება სერიოზული ფსიქიკური დაავადებით. ამიტომ ძალიან მნიშვნელოვანია პრობლემის დროულად გამოვლენა და პროფესიონალური დახმარების მიღება.

როდის არის განგაშის დრო?

მოდით შევხედოთ მთავარ ნიშნებს, რომლებიც გეტყვით, რომ თქვენი გრძნობა საშიშია.
ადამიანი განიცდის დეპრესიის, განცალკევებისა და მარტოობის განცდას. რატომ ხდება ეს? შეყვარებული ეიფორიის გრძნობებში ცხოვრობდა: სიხარული, აღტაცება, ხოლო როცა იმედგაცრუება განიცადა, მისი გრძნობები სრულიად საპირისპირო გახდა - სევდამ და მწუხარებამ მოიცვა.
ხელების ხშირი დაბანა, ნივთების გარკვეული თანმიმდევრობით დალაგება - მათთვის, ვისაც სიყვარულის ფსიქოზი აქვს, ეს ეხმარება გაუმკლავდეს შფოთვას.

უმადობა

ინტერესის დაკარგვა სამუშაოს, საყვარელი საქმის და ზოგჯერ თავად ცხოვრების მიმართ.
თუ აღმოაჩენთ მსგავს სიმპტომებს, ნუ გადადებთ ფსიქოთერაპევტთან ან კლინიკურ ფსიქოლოგთან მისვლას. თუ დიაგნოზი დადასტურდა, სპეციალისტი შემოგთავაზებთ მკურნალობას ფსიქოზის ფორმის მიხედვით: დანიშნავს სპეციალურ მედიკამენტებს ან ფსიქოთერაპიის კურსს.