გაღვიძების შემდეგ უცებ ხვდებით, რომ ვიღაც ნაცნობი (კოლეგა, მეზობელი) მოულოდნელად მიმზიდველი გახდა? ეს იმიტომ, რომ ის ღამით დაგესიზმრათ – ნათელი, ემოციური სიზმარი ნახეთ. ამის შემდეგ მას სხვანაირად უყურებთ, თითქოს რაღაც უკვე მოხდა თქვენ შორის. ეს უბრალოდ თამაშია თუ ტვინის მინიშნება?

ტვინი სიზმრის მოვლენებს ისე განიცდის, თითქოს ისინი რეალურად ხდებოდეს. ჩვენი ემოციური სისტემა სიზმარშიც აქტიურია, ამიტომ სიზმრებიდან მიღებული გრძნობები მეხსიერებაში ნამდვილ მოგონებებად იწერება.
გაგაცნობთ 5 მთავარი მიზეზს, თუ რატომ ხდება ასე:

1. ტვინი ვერ ანსხვავებს სიზმარს და რეალობას

ტვინის ემოციური ნაწილი სიზმარშიც მუშაობს. თუ სიზმარში სინაზე, მიზიდულობა ან სიხარული განიცადეთ, გაღვიძების შემდეგ ეს ემოციები რჩება. თქვენ უბრალოდ იღვიძებთ სიახლოვის შეგრძნებით იმ ადამიანის მიმართ, რომელთანაც ტვინმა უკვე „იცხოვრა“.

2. შეყვარებულობის ქიმია

როცა რომანტიკული სიზმარი გვესიზმრება, ტვინი გამოყოფს იმავე ჰორმონებს (დოფამინი, ოქსიტოცინი), რაც რეალური მიზიდულობისას. გაღვიძებისას ვგრძნობთ ემოციურ გამოძახილს, თითქოს სასიამოვნო პაემნიდან ვართ დაბრუნებული.

3. არაცნობიერი სურვილების პროექცია

ხშირად, სიზმარს უბრალოდ ზედაპირზე ამოაქვს ფარული სიმპათია, რომელსაც მანამდე ყურადღებას არ აქცევდით. ტვინმა უკვე „შეამჩნია“ ეს ადამიანი. ან კიდევ, სიზმრის გმირი შეიძლება განასახიერებდეს სურვილს, რომელიც თქვენ გენატრებათ (მაგ. სტაბილურობა).

4. სიახლოვის ილუზია

თუ სიზმარში თბილი საუბარი, შეხება ან მხარდაჭერა გქონდათ, ტვინი ამას ნდობის ფაქტად აფიქსირებს. ლოგიკა უკან იხევს, მაგრამ ემოციური კავშირის განცდა რჩება.

5. ემოციური „აურა“

პოზიტიური სიზმრის შემდეგ, ამ ადამიანს უკეთესად და მიმზიდველად აღვიქვამთ. თუ სიზმარში ის მზრუნველი იყო, ტვინი ამ თვისებას ავტომატურად გადაიტანს რეალურ ადამიანზე. ამას იდეალიზაციის ეფექტი ეწოდება – ჩვენ რეალობას ვარგებთ იმ სასიამოვნო ემოციას, რომელიც სიზმარში განვიცადეთ.

როგორ გავუმკლავდეთ ამ გრძნობებს?

• ეს გრძნობა დროებითია და რამდენიმე დღეში ან კვირაში დასუსტდება, განსაკუთრებით თუ რეალობა სიზმრისგან განსხვავებულია.

• ჰკითხეთ საკუთარ თავს, ვისკენ არის მიმართული გრძნობა: რეალური ადამიანისკენ თუ მისი სიზმრიდან იდეალიზებული ვერსიისკენ?

• თუ ინტერესი დიდია, შეგიძლიათ მისცეთ შანსი და გაიცნოთ, მაგრამ ნუ ელით „მაგიურ კავშირს“. რეალური ადამიანი არასოდეს დაემთხვევა სიზმრის იდეალურ ხატს.

სიმპათია სიზმრის შემდეგ – არ არის მისტიკა, ეს ტვინის ნორმალური მუშაობაა. ის გვაძლევს სიგნალს, რომ ყურადღება მივაქციოთ საკუთარ ემოციურ მოთხოვნილებებს.