„რა იღბლიანი ვარ!“ – ალბათ ასე ფიქრობს ყველა გოგო, როცა პირველ პაემანზე გაიგებს, რომ მისი რჩეული შეფ-მზარეულია. ძლიერი, მოხერხებული, ტატუებით და, რაც მთავარია, მას კერძების დახვეწილად მომზადებაც ეხერხება. თუმცა, ნუ იჩქარებთ აღფრთოვანებას.

ჩვენ გეტყვით რატომ არის შეფ-მზარეული ბოიფრენდი საკმაოდ რთული „საჩუქარი“ ურთიერთობაში.

1. დაემშვიდობე მის მიერ გაკეთებულ კერძებს

შეფ-მზარეული სახლში საჭმელს ამზადებს მხოლოდ იშვიათად დღესასწაულებზე. ჩვეულებრივ, ის ან მზას ყიდულობს, ან ვინმეს სთხოვს მომზადებას. თუ ერთად ამზადებთ, ის „მეთაური“ იქნება და პროცესს გაგიკონტროლებთ. და თუ არ მოეწონა, ჩათვალეთ, გამოცდა ვერ ჩააბარეთ.

2. ის ყოველთვის უკეთესად ამზადებს, ვიდრე შენ

თქვენ ვერასდროს მოისმენთ კომპლიმენტს, რომ თქვენი კერძი „ღვთაებრივად გემრიელია“. მოემზადეთ ფრაზებისთვის: „კარგია, მაგრამ პარმეზანი აკლია“. მისი გაოცება შეუძლებელია. ნუ ეცდებით რთული და ეგზოტიკური კერძების მომზადებას, რადგან ამას ის სამსახურში აკეთებს. სახლში მას უბრალო, საჭმელი უნდა: კარტოფილი, ბორში, კოტლეტი.

3. არ იქნება არც დღესასწაულები, არც დასვენება

შეფი არასდროს არის სახლში. დაივიწყეთ ერთად აღნიშვნა: ახალი წელი, ვალენტინობა, შობა – ყველა მნიშვნელოვან დღეს ის რესტორანში ცვლაში დგას. შვებულების დაგეგმვა კი ერთი წლით ადრე უნდა დაიწყოთ. 12-საათიანი ცვლის შემდეგ ის სახლში მხოლოდ იმისთვის მოდის, რომ „მკვდარივით“ დაიძინოს.

4. მას საჭმლის სუნი ექნება

შეეგუეთ, რომ თქვენს რჩეულს ყოველთვის სალათების, სუპების, ხორცის ან თევზის სუნი ექნება. ეს მისი სამსახურის ნაწილია. შეგიძლიათ, სუნამოებზე დაზოგოთ ფული, რადგან თქვენ მას ათასიდან მისი „უნიკალური“ არომატით ამოიცნობთ.

5. ჭურჭლის რეცხვა

შეფ-მზარეული მიჩვეულია, რომ რესტორანში ჰყავს დამლაგებლები და ჭურჭლის მრეცხავები. სახლში ის თვლის, რომ ეს თქვენი მოვალეობაა. ხვეწნა და მუქარა არ გამოგადგებათ. ასე რომ, გაითვალისწინეთ: მისი საჩუქარი – ლამაზი წინსაფარი – არ ნიშნავს, რომ სამზარეულოში დაგეხმარებათ.

6. ის მუდმივად საჭმელზე ისაუბრებს

ნებისმიერი რომანტიკული ვახშამი რესტორანში გადაიქცევა მის კომენტარებად კერძების ინგრედიენტებზე, ტექნოლოგიურ დარღვევებსა და შეცდომებზე. თქვენი მოგზაურობები კი ისტორიულ ღირსშესანიშნაობების დათვალიერების ნაცვლად, გადაიქცევა ექსკლუზიურ რესტორნებში ვიზიტებად, სადაც საათობით მოგიწევთ მცირე ულუფებიანი დეგუსტაციების ლოდინი.

7. თქვენი სამზარეულო შეიცვლება

შეფის სახლში, სავარაუდოდ, ნახავთ უზარმაზარ მაცივარს და საყინულეს, რომლებშიც ეგზოტიკური დელიკატესები და უჩვეულო ინგრედიენტები ინახება. ის რეგულარულად შეამოწმებს მაცივარს და გასწავლით, როგორ დაიცვათ „სანიტარული ნორმები“. თუმცა, მაცივრის შევსება მაინც თქვენ მოგიწევთ.

8. თქვენი ფიგურა რისკის ქვეშ დადგება

„შეფ-მზარეულთან ცხოვრებისას, დავემშვიდობე ჩემს ფორმებს,“ – ამბობენ მათი მეუღლეები. თქვენ მუდმივად მოგიწევთ რაღაცის გასინჯვა და დაგემოვნება: მის რესტორანში, მოგზაურობისას, სახლში. დაივიწყეთ დიეტები. თქვენი გადარჩენის ერთადერთი გზა რეგულარული ფიზიკური დატვირთვაა.

9. ის ემოციური და ფეთქებადია

შეფი ძალიან შემოქმედებითი ადამიანია, რაც ხშირად „ისტერიულობასთან“ ასოცირდება. ის მუდმივად იქნება ოფიციანტების გარემოცვაში. ნებისმიერი რესტორანი მისთვის კრიტიკის საბაბია. სტუმრად ყოფნისას კი ის სამზარეულოში გაატარებს დროს, თქვენი მეგობრების აღფრთოვანებული მზერით დატკბება და ხშირად დაბრუნდება ნასვამი.

10. ახალ დანებზე ის თქვენზე მეტ ფულს დახარჯავს

შეფ-მზარეულები, როგორც წესი, ფანატიკოსები არიან. თქვენთვის ყვავილებისა და სამკაულების ყიდვას, მან შეიძლება მთელი ფული დახარჯოს ახალ პროფესიონალურ დანებზე ან ძვირადღირებულ უნიფორმაზე. არავითარ შემთხვევაში არ შეეხოთ მის დანებს, და მით უმეტეს, არ ჩადოთ ჭურჭლის სარეცხ მანქანაში – ეს თვითმკვლელობის ტოლფასია.

„შეფი დარწმუნებულია, რომ ის როკ-ვარსკვლავია. ასე რომ, არანაირი ცრემლები, დათუნიები და ხელიხელჩაკიდებული სეირნობა. უბრალოდ გჯეროდეთ, რომ გენიოსთან ცხოვრობთ, რომელსაც ყოველთვის შეუძლია თქვენი დაპურება... თუმცა, მხოლოდ ორშაბათს.“