არსებობს ის ძირითადი და აუცილებელი საკვები, რაც მაცივარში ყოველთვის უნდა გქონდეს. პირველი, იმისთვის, რომ დაუპატიჟებელი სტუმრის არ შეგეშინდეს და მეორეც, სწორად რომ გამოიკვებო და შესაბამისად, ჯანმრთელი იყო.

უსარგებლო, მაღალკალორიული საკვები ნოყიერი და ჯანსაღი პროდუქტებით ჩაანაცვლე. გზა, რომელიც წონის დასაკლებად ან შესანარჩუნებლად უნდა გაიარო, შესაძლოა, გრძელი და რთული აღმოჩნდეს, რასაც ბევრი მუშაობა და თავდადება დასჭირდება.

ერთ-ერთი ყველაზე დიდი მხარდამჭერი ამ გზაზე ნატურალური და ჯანსაღი საკვებია. გთავაზობ 7 პროდუქტს, რომლებიც შენს მაცივარში ნებისმიერ დროს უნდა იდოს:

• რძე

ერთ-ერთი უმნიშვნელოვანესი საკვები. შეიცავს ბევრ კალციუმს. მარცვლეულთან ერთად იდეალური საუზმეა, რომელიც ენერგიულად გაგრძნობინებთ თავს მთელი დღის განმავლობაში. შეეცადე, შეიძინო გაუმჭვირვალ შეფუთვაში, რადგან შუქი საგრძნობლად ამცირებს მასში ვიტამინების რაოდენობას.

• კვერცხი

არა მხოლოდ იმიტომაა კარგი, რომ მასში ბევრი პროტეინია, არამედ კვერცხი აუცილებელი ინგრედიენტია სხვადასხვა საკონდიტრო ნაწარმისთვის. შეეცადე, შეინახო თავის ყუთში, მაცივრის ქვედა თაროზე, რადგან არ დაკარგოს სინოტივე. მიუხედავად იმისა, რომ მისი ნაჭუჭი ჰერმეტულად გამოიყურება, ის ადვილად ითვისებს სხვადასხვა არომატს.

• იოგურტი

საკვები, რომელიც აუცილებელია. კარგია დაბლენდერებულ ხილთან, შვრიის ფანტელებთან ან, უბრალოდ, დაჭრილ ხილზე ზემოდან მოსხმული. ასევე, შეგიძლიათ გამოიყენოთ ცხიმის მაღალი შემცველობის მქონე კრემების ნაცვლად. თუ გინდა რომ, უფრო გემრიელი იყოს, ზოგჯერ უცხიმოს ნაცვლად მოიმარაგე იოგურტი ცხიმის დაბალი შემცველობით.

• ახალი ხილი და ბოსტნეული

თუ გსურს, ჯანსაღი საკვები მიიღო, მაშინ, ახალი ხილი და ბოსტნეული აუცილებლად დაგჭირდება. ეცადე, ცალ-ცალკე განათავსო, რადგან ხილის დამწიფებისას წარმოქმნილი გაზები ბოსტნეულს მარტივად აფუჭებს. საყიდლების სიას აუცილებლად დაუმატე ისპანახი და სალათის ფურცლები.

• ქათმის ფილე

კიდევ ერთი მნიშვნელოვანი ინგრედიენტი, რომელიც მაცივარში აუცილებლად უნდა იყოს. მისი გამოყენება შესაძლებელია პიურესთან, ბრინჯთან ან მოშუშულ ბოსტნეულთან ერთად. უფრო გემრიელი რომ გამოვიდეს კარაქისა და რძის გარეშე მოამზადე.

• ყველი

ყოველთვის იქონიეთ პარმეზანი და პასტა, რათა ნებისმიერ დროს შეძლო გემრიელი კერძის მომზადება. შეგიძლია, დაზოგო ფული და ის ჩაანაცვლო წვნიანი, რბილი ყველით, რომელიც გიყვარს, ან პარმეზანისა და ჩედერის მსგავსი, უფრო მძაფრგემოიანი, მაგარი ყველით, რადგან სულ მცირე რაოდენობაც კი უფრო გემრიელს გახდის კერძს.

• სანელებლები

თუ გინდა, რომ კერძები უფრო გემრიელი გახადო, ცხიმებისა და სხვა კალორიული ინგრედიენტების დამატების გარეშე, მაშინ მოიმარაგე სანელებლები, მსუბუქი სოუსები, ძმარი, მდოგვი და სხვა. მათი დახმარებით კერძებს სულ სხვა გემოს და არომატს შესძენ.

აქ მხოლოდ რამდენიმე მნიშვნელოვან პროდუქტზე გავამახვილეთ ყურადღება. რა თქმა უნდა, კიდევ ბევრი სასარგებლო ინგრედიენტია, რომელიც აუცილებლად დაგჭირდება.

ისე კი, საინტერესოა, შენ რას დაამატებდი ამ სიას, კიდევ რა დაგჭირდება შენი მაცივრის შესავსებად? ოღონდ შევთანხმდეთ - მხოლოდ ჯანსაღ საკვებს ირჩევ!