ახალი კვლევის თანახმად სექსს, ფულსა და ფსიქიკურ ჯანმრთელობას შორის მჭიდრო ურთიერთკავშირია.

კვლევაში, რომელსაც ჟურნალი Manpower აქვეყნებს, მონაწილეობა 7 000-მა ადამიანმა მიიღო.

კვლევის მიხედვით, ადამიანები, რომლებსაც აქვთ სექსი კვირაში ორჯერ, ან სამჯერ, არიან უფრო შრომისუნარიანები, ენერგიულები და გამოიმუშავებენ 4,5 %-ით უფრო მეტს, ვიდრე ადამიანები, რომლებსაც უფრო ნაკლები სექსი აქვთ.

ასევე ადამიანებს, რომლებიც უფრო მეტად არიან დაკავებულნი სექსუალური აქტივობით, იშვიათად აწუხებთ ჯანმრთელობის პრობლემები.

კვლევის ხელმძღვანელის, ნიკ დრიდაკისის დასკვნით, გარდა იმისა რომ როცა ადამიანს მეტი სექსი აქვს უფრო შრომისუნარიანია და უფრო მეტ ფულს გამოიმუშავებს, ხდება პირიქითაც - უფრო მეტი შემოსავალი უკეთესს სექსთანაა დაკავშირებული. კვლევის თანახმად, როცა ადამიანის შემოსავალი მაღალია, მისი სექსუალური აქტივობაც უფრო დიდია.

ასე რომ, ფული და სექსი მჭიდროდაა ურთიერთკავშირში. უფრო მარტივად რომ ვთქვათ - ბევრი ფული ნიშნავს უფრო კარგ და მეტ სექსს და მეტი და კარგი სექსი ნიშნავს უფრო მეტ ფულსა და შემოსავალს.

დრიდაკი ასევე შენიშნავს, რომ სექსი გავლენას ახდენს ადამიანის ფსიქიკურ ჯანმრთელობაზე.

„ის აუმჯობესებს ჩვენს ფსიქიკურ მდგომარეობასა და ემოციურ მდგრადობას, რაც გვეხმარება რთული ამოცანების მარტივად გადაჭრაში. შესაბამისად უფრო მარტივი ხდება დასახული მიზნების მიღწევა“, - წერს მკვლევარი.