გადავხედოთ 2017 წლის ყველაზე გამორჩეულ კაბებს, რომლებითაც ჰოლივუდის ვარსკვლავები სხვადასხვა წვეულებებზე და წითელ ხალიჩაზე გამოჩნდნენ. ეს კაბები აუცილებლად დაიმკვიდრებს ადგილს მოდის ისტორიაში.

1. ნიკოლ კიდმანი - 50 წლის ნიკოლ კიდმანი „ემის“ დაჯილდოების ცერემონიაზე წითელი ფერის ულამაზესი კაბით მივიდა. განსაკუთრებული ყურადღება მსახიობის ფეხსაცმელმა მიიპყრო. ნიკოლს სხვადასხვა ფეხსაცმელი ეცვა. ეს არ იყო შეცდომა, ნიკოლის ვიზუალზე Calvin Klein-მა იზრუნა. 

2. ელე ფანინგი - ეს ერთ-ერთი ყველაზე შთამბეჭდავი კაბაა 2017 წლის კანის კინოფესტივალიდან. მსახიობი წითელ ხალიჩაზე ვივიენ ვესტვუდის ატლასის თეთრი კაბით გამოჩნდა.

3. ჯენიფერ ლოპესი - მომღერალი და მსახიობი the People’s Choice Awards-ზე Reem Acra-ს ხავერდის ელეგანტური კაბით მივიდა, რომელიც კრისტალებით იყო გაფორმებული.

4. ჯულიანა მური - ვენეციის ფილმის ფესტივალზე მსახიობი „ვალენტინოს“ კაბით წარსდგა.

5. ოლივია კულპო - „მის სამყარო 2012“ ოქროს გლობუსის დაჯილდოების ცერემონიაზე ფრიდა კალოს იმიჯით მივიდა.

6. ჟანელ მონე - მსახიობს ოქროს გლობუსის დაჯილდოების ცერემონიაზე ასიმეტრიული კაბა ეცვა.

7. ემა სტოუნი - მსახიობის ელეგანტური და დახვეწილი კაბა ოსკარის ცერემონიაზე ნამდვილად გამორჩეული და დასამახსოვრებელი იყო.

8. ზოე კრავიცი - მსახიობი, მოდელი და მომღერალი ჰოლივუდში გამორჩეულად მოდურ და გემოვნებიან ქალად მიიჩნევა. მან ყოველთვის იცის, რა ჩაიცვას. ემის დაჯილდოების ცერემონიაზე ზოე ცისარტყელას ფერებით გაფორმებული კაბით წარსდგა.

9. ადელი - გრემით დაჯილდოების ცერემონიაზე ადელმა საზოგადოებას აჩვენა, რომ ის ნამდვილად გემოვნებიანი ქალია. გარდა იმისა, რომ მან რამდენიმე კატეგორიაში აიღო გრემი, ამასთანავე კაბითაც დასამახსოვრებელი გახდა.

10. რიჰანა - გრემით დაჯილდოების ცერემონიაზე მომღერალს სტაფილოსფერი ტოპი მაისური ეცვა, რომელიც საშუალებას აძლევდა მას, რომ ტატუ გამოეჩინა. მან მაისურს „არმანის“ კაბა შეუსაბამა და ცოტა უჩვეულო კომბინაციით მშვენიერი ლუქი შექმნა.

11. ზანდია - The Greatest Showman-ის მსოფლიო პრემიერაზე მას Victor & Rolf-ის კაბა ეცვა.

12. ბლეიკ ლაივლი - მსახიობი Met Gala-ზე ოქროსფერი კაბით მივიდა, რომელიც ლურჯი ბუმბულებით იყო გაფორმებული. ის ჟურნალისტებმა სამოთხის ჩიტს შეადარეს.

13. კირსტენ დანსტი - ოსკარით დაჯილდოების ცერემონიაზე ის „“დიორის კლასიკური, მარტივი და დახვეწილი კაბით მივიდა.

14. კეტი პერი - 2017 წლის MTV Video Music Awards-ზე მომღერალს ულამაზესი თეთრი კაბა ეცვა, რომელსაც შავი საყურე შეუსაბამა. ამ კომბინაციით კი ნამდვილად შთამბეჭდავი ლუქი შექმნა.

15. რიჰანა - არ იქნება გადამეტებული ნათქვამი, თუ ვიტყვით, რომ ქოაჩელას ფესტივალზე მომღერალმა თავისი ჩაცმულობით საზოგადოება ნამდვილად ჩააგდო შოკში. რიჰანა ფესტივალზე ძალიან უცნაური სამოსით მივიდა. რაც უნდა იყოს, მას „გუჩის“ სამოსი აცვია, რომლის ღირებულებაც 10 000 დოლარია.

16. ლეიდი გაგა - მომღერლისგან საზოგადოება მიჩვეულია უჩვეულო სამოსით გამოჩენას. ტრადიცია მან არც 2017 წელს დაარღვია, გრემით დაჯილდოების ცერემონიაზე მან პროვოკაციული სამოსი მოირგო, რომელშიც მკერდი თითქმის მთლიანად უჩანდა.

17. კეტი პერი - მომღერალი „მეთ გალაზე“ დიზაინერ Ray Kawakubo-ს საკმაოდ უჩვეულო კაბით წარსდგა და საზოგადოების ყურადღების მიპყრობა კიდევ ერთხელ შეძლო.

18. კარა დელევინი - კარამ ვერცხლისფერ სამოსს თმის უჩვეულო აქსესუარი შეუსაბამა და ულამაზესი ლუქი შექმნა.

19. ბიონსე - მომღერლის ეს კოსტიუმი ვფიქრობთ არის ის, რასაც ვერავინ დაივიწყებს. 2017 წლის გრემით დაჯილდოების ცერემონიაზე ბიონსე სწორედ ამ ფორმით წარსდგა.