ომბრე

თითქმის ყველამ მოსინჯა როგორია მკვეთრი გადასვლა თმის მუქი ძირებიდან ღია ბოლოებისკენ. რამდენიმე სეზონის უკან ეს ჯერ კიდევ აქტუალური იყო, მაგრამ 2018 წლის გაზაფხულზე უცნაურად გამოიყურება. უფრო აქტუალური და უწყინარი ალტერნატივაა - „სოფთ ომბრე“, ფერების რბილი გადასვლა ნატურალური ძირებიდან ოდნავ უფრო ღია ბოლოებისკენ.

მსხვილი მელირება

„საზამთროს ზოლების“ ეფექტი წელს არ არის აქტუალური, მითუმეტეს მკვეთრი კონტრასტით. ამის ნაცვლად უპირატესობა მიანიჭეთ მელირების თანამედროვე ტექნიკას, სადაც იყენებენ წვრილ ზოლებს და იქმნება ძალიან ლამაზი და მზის ათინათის ბუნებრივი ეფექტი. რა თქმა უნდა, გაღიავება ხდება არა უმეტეს 2-3 ტონით.

შეღებვა ერთ ტონში

სტანდარტული შეღებვა ერთ ფერში ახლა უკვე მოსაწყენად გამოიყურება და არანაირად არ გამოგარჩევთ. უფრო მოდური ვარიანტია - დაამატოთ სიღრმე ძირებში, სიგრძე კი დატოვოთ ოდნავ ღია ფერის. ეს ძალიან უხდება თხელ თმას, რადგან ვიზუალურად სძენს მოცულობას.

„ჭაღარა“ თმა

თუ მაინცდამაინც „რუხი“ ფერი გინდათ, შეიღებეთ „მეტალიკი“ ფოლადის ელფერებში. ამისთვის წინასწარ მოგიწევთ თმის გაიღიავება, შემდეგ კი შეიღებეთ სასურველ ტონში. თმის დაბანის დროს ასეთი ტონი ძალიან მალე კარგავს ფერს, ამიტომ ყოველთვის ხელთ გქონდეთ იასამნისფერი შამპუნი.

ბლონდის ცივი ტონები

ცივ ბლონდთან ყველაფერი რთულად არის. ჯერ ერთი, ის ძალიან ჭირვეულია და ბევრი წვალება მოგიწევთ, რათა არ მიიღოთ ყვითელი ტონი. მეორეც, ის ითხოვს იდეალურ სახის ფერს, და ამის გარდა მატებს ასაკს. ამ სეზონზე მოდაში დაბრუნდა თბილი ბლონდი. ლამაზი ხორბლისფერი ან თაფლისფერი ელფერის შენარჩუნება ბევრად იოლია. პრაქტიკულად ყველას უხდება და მომგებიანად ეხამება როგორც გარუჯულ, ასევე ფერმკრთალ კანს.

შეღებვა ნატურალური საღებავებით

ხნასა და ბასმას დღემდე ბევრი „ქიმიური“ საღებავების უწყინარ შემცვლელად თვლის. მაგრამ ასე არ არის. საქმე იმაშია, რომ ბუნებრივი საღებავები თმაში გროვდება და შეუძლიათ რეაქციაში შევიდნენ ხელოვნური პიგმენტის მოლეკულებთან, რამაც შეიძლება უამრავი უსიამოვნება შეგიქმნათ. საუკეთესო ალტერნატივაა - თანამედროვე უამიაკო საღებავები, რომლის უსაფრთხოება თმის ჯანმრთელობისთვის დამტკიცებულია.