დააკვირდით ფოტოს და მოცემული სიმბოლოებიდან აირჩიეთ ის, რომელიც ყველაზე მეტად მოგწონთ და გიზიდავთ. მოძებნეთ შესაბამისი პასუხი და გაიგეთ საკუთარი თავის შესახებ უფრო მეტი.

1. თუ პირველი სიმბოლო აირჩიეთ - თქვენ ხართ ადამიანი, რომელიც განსხვავებულია დანარჩენებისგან, გაქვთ სხვაგვარი სურვილები და მისწრაფებები. ადამიანებს უჭირთ თქვენი გაგება, არადა, ყველაზე მეტად მათი მხარდაჭერა და გვერდით დგომა გჭირდებათ.

თქვენი ფიქრები და აზრები აცდენილია ამ სამყაროს, აბსოლუტურად სხვა სამყაროში ცხოვრობთ. იმის გამო, რომ საერთო ენის გამონახვას დანარჩენებთან ვერ ახერხებთ, მარტოობა გტანჯავთ. შესაძლოა, ვიღაც თვლის, რომ მარტოობა მოგწონთ, მაგრამ რეალურად, ასე არ არის. თქვენ უბრალოდ ვერ პოულობთ საერთო ღირებულებების მქონე ადამიანებს. 

2. თუ მეორე სიმბოლო აირჩიეთ - თქვენს შინაგან სამყაროში კეთილისა და ბოროტის მუდმივი ბრძოლაა. საინტერესო ადამიანი ხართ და არავინ არასოდეს იცის თქვენგან რას უნდა ელოდოს. საბოლოო ჯამში, ახერხებთ ბალანსის პოვნას და არ გჩვევიათ რადიკალური გადაწყვეტილებების მიღება. თქვენ ყველაზე კარგად შეგიძლიათ გაარჩიოთ კეთილი და ბოროტი, სწორი და მცდარი გზა. თითქმის ყოველთვის სწორ გადაწყვეტილებებს იღებთ.

ამ გადაწყვეტილებებს იღებთ ინტუიციის მიხედვით და არა ხანგრძლივი განსჯის შედეგად. უნდა იცოდეთ, რომ თქვენი ინტუიცია იმაზე უფრო მეტად ძლიერია, ვიდრე თავად ფიქრობთ. უფრო მეტად ენდეთ ხოლმე საკუთარ თავს და ნუ შეგეპარებათ ეჭვი გადადგმული ნაბიჯების სისწორეში.

3. თუ მესამე სიმბოლო აირჩიეთ - თქვენ სხვებზე მზრუნველობისთვის ხართ დაბადებული. ყველაზე დიდ ბედნიერებას ადამიანებზე ზრუნვა, მათთვის დახმარების გაწევა და გვერდით დგომა განიჭებთ. თანაგრძნობის განსაკუთრებული უნარით გამოირჩევით. სხვის ტკივილს საკუთარივით განიცდით. თქვენ ხართ კეთილი სული, რომელიც სხვების ტკივილს გრძნობს და როცა მათ ეხმარება, სიმშვიდეს პოულობს. 

4. მეოთხე სიმბოლო - თუ ეს სიმბოლო აირჩიეთ, ეს მიუთითებს, რომ საიდუმლოებით მოცული, იდუმალი ადამიანი ხართ. არ უნდა ენდოთ ინტუიციას, რადაგანაც ხშირად ის ცდება. არასოდეს ემორჩილებით საზოგადოებაში არსებულ წესებს, საკუთარი წესები, საკუთარი მორალი და პრინციპები გაქვთ, რომლებიც თქვენთვის ყველაზე მნიშვნელოვანია. ხართ დამოუკიდებელი ნატურა, რომელიც საშინლად ღიზიანდება, როცა ხედავს რომ ვინმე მის ცხოვრებაში თუნდაც მცირე დოზით ერევა. 

5. მეხუთე სიმბოლო - თუ ეს სიმბოლო აირჩიეთ, თქვენ წარმოსახვის განსაკუთრებული უნარი გაქვთ და საოცრად მეოცნებე ხართ. ვერ იღებთ მოცემულ რეალობას და ოცნებებში დაფრინავთ. გამოირჩევით შემოქმედებითი უნარებით. სამყაროს განსხვავებული ფერებით ხედავთ. გამოირჩევით ინდივიდუალიზმით.

ყველა საქმეში, რომელსაც ხელს მოჰკიდებთ, საკუთარ, განსაკუთრებულ და ყველასგან გამორჩეულ ხელწერას ტოვებთ. ცხოვრებაში ბევრი მიზანი გაქვთ და ეს ხდება ხოლმე თქვენი წარუმატებლობის მიზეზი. გგონიათ, რომ ყველაფრის ერთად გაკეთებას შეძლებთ. დაისახეთ ერთი კონკრეტული მიზანი და მიჰყევით მას.

6. მეექვსე სიმბოლო - თქვენი სულის მთავარი საზრდო ბუნებაა. თავს მშვიდად და ბედნიერად მხოლოდ ბუნების წიაღში გრძნობთ. ხმაურიანი ქალაქები თქვენთვის არ არის. თუ ბუნებასთან სიახლოვე არ გექნებათ, აუცილებლად შეგაწუხებთ შფოთვა და დეპრესია. ოპტიმისტი ხართ და მოვლენებს პოზიტიური თვალით უყურებთ. ხართ გაწონასწორებული, მშვიდი და მოსიყვარულე ნატურა.

ადამიანებს თანაბრად უნაწილებთ სითბოსა და სიყვარულს და მომავლის იმედს უსახავთ. ამავდროულად, არ გიყვართ საკუთარ პრობლემებზე სხვებთან საუბარი. შესაძლოა, დეპრესია გტანჯავდეთ, მაგრამ ამას სხვებს არ აჩვენებთ, რადგანაც არ გსურთ ნეგატიური განწყობა სხვებსაც გადასდოთ. 

7. მეშვიდე სიმბოლო - თქვენ აქტიური ადამიანი ხართ, მუდამ მოქმედებთ და არასოდეს ჩერდებით. სწორედ ამაშია თქვენი წარმატების საიდუმლოც. სხვების მოტივირება შესანიშნავად გამოგდით და წარმატებას გარშემომყოფებთან ერთად, გუნდურად აღწევთ. განსაკუთრებული ენერგია გაქვთ და ამ ენერგიის წყალობით, გარშემომყოფთა მოტივირებას ახერხებთ და წარმატების მიღწევისკენ უბიძგებთ. საკუთარი თავისგანაც და სხვებისგანაც ყოველთვის საუკეთესოს ითხოვთ. 

8. თუ მერვე სიმბოლო აირჩიეთ - ვნებიანი და ცეცხლოვანი ადამიანი ხართ, რომლისთვისაც საკუთარი სურვილები ყველაზე და ყველაფერზე მნიშვნელოვანია. ყველანაირ საქმეს განსაკუთრებული ვნებითა და ჟინით აკეთებთ. თქვენი მთავარი მამოძრავებელი ძალა მიზნის მიღწევის დაუოკებელი სურვილია. ცდილობთ ყოველდღე გააკეთოთ ისეთი რამ, რაც მიზნის მიღწევას გაგიმარტივებთ. თქვენთვის არ არსებობს გადაულახავი საზღვრები. მზად ხართ სამყაროს დასაპყრობად.