შეიძლება ბევრი ადამიანი გინახავს ოქროსფერი თმით, მაგრამ სინამდვილეში, ბუნებრივად ქერები ამაზე ნაკლებად გვხვდება. ცნობილი ქერები, როგორებიც არიან მერლინ მონრო, გვენ სტეფანი და რიზ უიზერსპუნი, სინამდვილეში არ დაიბადნენ თმის ამ საუცხოო ტონებით.

მაგრამ ფაქტი ერთია, უკვე მრავალი წელია, ქერა თმის ყველაზე პოპულარული ფერია, ხოლო ქერათმიანობაში არის რაღაც ისეთი, რაც ქალებს აიძულებს თმა გაიღიავონ და ხელოვნურად მიიღონ თბილი მზისფერი.

ბუნებრივი ქერა, ევროპელთა და ჩრდილოეთ ამერიკელთა მხოლოდ 5%-ია

ყვითელი თმით დაბადება იმდენად იშვიათია, რომ თითქმის მხოლოდ ევროპასა და ოკეანეთში გვხვდება. იმის გამო, რომ ღია თმა დროთა განმავლობაში მუქდება, მოზრდილი ადამიანები ბუნებრივი ქერა თმით კიდევ უფრო უნიკალურები არიან.

ბუნებრივი ქერა თმისა და მუქი კანის კომბინაცია იშვიათია, მაგრამ ისინი არსებობენ

ავსტრალიის მახლობლად მდებარე კუნძულების ჯგუფს, მელანეზიის ხალხს, აფრიკის გარეთ ყველაზე მუქი კანი აქვს. ხოლო დაახლოებით 5% -10% ბუნებრივად ქერა თმა აქვთ.

ოქროსფერთმიან ადამიანებს თმის მეტი ღერი აქვთ

მათ აქვთ დაახლოებით 150,000 თმის ღერი, ვიდრე შავი, ყავისფერი და წითელი თმის მქონე პირებს, რომლებსაც დაახლოებით 110,000, 100,000 ან 90,000 თმის ღერი აქვთ. ამის მიზეზი ისაა, რომ თმის ღერებმა სკალპი უნდა დაიცვას ულტრაიისფერი სხივებისგან. მუქი თმა უფრო მეტ მელანინს შეიცავს, რაც მეტ დაცვას იძლევა, ამიტომ მას არ სჭირდება თმის ღერების დიდი რაოდენობა თავის კანის უსაფრთხოებისთვის.

მიიჩნევა, რომ ქერა წვერი უფრო ნელა იზრდება

თმის ფერი არ განსაზღვრავს რამდენად სწრაფად ან ნელა იზრდება ის. წვერები უფრო ღია ელფერით უფრო თხელია, ამიტომ ის, მუქი წვერივით არ გამოიყურება. თმის ზრდა რეალურად დამოკიდებულია გენეტიკაზე, ტესტოსტერონის დონესა და ცხოვრების წესზე.

ქალები ოქროსფერი თმით უფრო მომხიბვლელები არიან

რიგი გამოკვლევების შედეგად დადგინდა, რომ ოქროსთმიანი ქალები უფრო მეტ მამაკაცს იზიდავს. არც კი აქვს მნიშვნელობა თმა ხელოვნურია თუ ბუნებრივი. საინტერესოა, რომ კიდევ ერთმა კვლევამ აღმოაჩინა, რომ ეს ბონუსი ქერა მამაკაცებს არ აქვთ - მაგალითად, ისინი არ იყვენენ შავგვრემან მამაკაცზე წარმატებულები, როდესაც ქალებს ცეკვას სთხოვდნენ.