ფრიდა კალო - ყვავილების გვირგვინი

სიცოცხლეშივე, მხატვარი მოდის აიკონი გახდა, ხოლო 2012 წელს მისი ფოტოსურათი Vogue- ის გარეკანზე გამოჩნდა. მისი სტილის ელემენტები - ნაქარგი სამოსი, ეთნიკური აქსესუარები და ყვავილები თმებში ისეთი პოპულარული გახდა, როგორც არასოდეს.

მერლინ მონრო - ღია ფერის ბეწვი

ჰოლივუდის ყველაზე ცნობილ ქერა ქალს, უამრავი განსხვავებული ბეწვის ნივთი ჰქონდა. მერლინს შეეძლო ბეწვის ქურთუკი კოქტეილის კაბაზე მოეხურებინა და ნებისმიერ ღონისძიებაზე, ყველაზე სასურველი ქალი ყოფილიყო. მისი ბეწვის მოსასხამი, აუქციონზე თითქმის 18 000 დოლარად გაიყიდა.

ბრიჯიტ ბარდო - თმის ლენტები

Viva Maria- ში, მსახიობმა თმის ლენტებით დაამახსოვრა თავი მაყურებელს. იდეა მართლაც პოპულარული იყო და ბარდო თავის ყოველდღიურ ცხოვრებაში აგრძელებდა ამ ლენტების ტარებას. აღსანიშნავია, რომ მსახიობმა ასაკშიც კი არ თქვა უარი ამ აქსესუარზე.

გრეის კელი - თმის სარტყელი და ჰერმესის ჩანთა

როდესაც მონაკოს პრინცთან რომანი წამოიწყო, გრეისი ძალიან მარტივ სამოსზე გადავიდა და ელეგანტური თმის სარტყელიც, ამ პერიოდში გახდა მისი სტილის განუყოფელი ნაწილი. ის, ასევე, ხშირად ატარებდა ჰერმესის შავ ჩანთას - რათა ჟურნალისტებისთვის ორსულობა დაემალა. მოგვიანებით, ჩანთის ამ მოდელს პრინცესას სახელი მიენიჭა.

მაიკლ ჯექსონი - თეთრი ხელთათმანი

თითქმის ყველაფერი, რაც პოპის მეფეს ეცვა, მოდის სიმბოლო გახდა. მაგრამ ყველაზე პოპულარული იყო თეთრი ხელთათმანი, რომელიც მომღერალმა 1983 წელს სცენაზე პირველად მოირგო. სინამდვილეში კი, მაიკლი ცდილობდა კანის დაავადება, ვიტილიგო დაემალა.

კარლ ლაგერფელდი - ხელთათმანები თითების გარეშე

დიზაინერმა ცნობილი ხელთათმანები მხოლოდ კი არ ჩაიცვა, არამედ იმიჯის ნაწილად გადააქცია. მას ეგონა, რომ ამ გზით, თითები უფრო გრძელი გამოჩნდებოდა. ამ ისტორიის მეორე ვარიანტიც არსებობს, რომლის მიხედვითაც, როდესაც კარლი ბავშვი იყო, დედამ უთხრა, რომ მას არ ჰქონდა მიმზიდველი ხელები და მათ მთელი ცხოვრება მალავდა.

ელტონ ჯონი - განსაკუთრებული სათვალე

მომღერალმა პოპულარული გახადა ვარსკვლავისა და გულის ფორმის სათვალეები. მისი პირადი კოლექცია 250 000-ზე მეტ სათვალეს შეიცავს. ელტონმა, სათვალის მიღმა თვალების დამალვა 13 წლის ასაკში დაიწყო, რადგან მისი კერპის, ლეგენდარული მომღერლის, ბადი ჰოლის მიბაძვას ცდილობდა.