შემოდგომა ულამაზესი ფოთოლცვენის სეზონია, მაგრამ, ასევე, ესაა დრო, როდესაც თმის პრობლემების პირველი ნიშნები იწყებს გამოჩენას. სიცივე მთავარი მიზეზია, რის გამოც, თქვენი თმა შრება, იბურდება და უსიცოცხლო ხდება. ეს პრობლემები კი, სიცივის მატებასთან ერთად მწვავდება. ამიტომ აუცილებელია, რომ ზამთრის პრობლემების თავიდან ასაცილებლად, თმაზე ზრუნვა, სწორედ შემოდგომაზე დავიწყოთ.

 

1. აირჩიეთ თმის დამატენიანებელი საშუალებები

თუ თქვენ თბილ სეზონებზე მშრალი თმის შამპუნს არ იყენებთ, მაშინ შემოდგომაზე დროა თმის ექსტრა დამატენიანებელ პროდუქტებზე გადახვიდეთ. სიცივე შთანთქავს ტენიანობას თმის ღერიდან. შესაბამისად, თმა ხდება სუსტი და მტვრევადი. ასევე, ტენიანობის შესანარჩუნებლად, ჩვენი რეკომენდაციაა თმის დაბანის სიხშირე შეამციროთ.

2. თმის შეჭრის დროა!

დახურულ სივრცეში სითბოს, ხოლო გარეთ სიცივის კონტრასტი, ნეგატიურ გავლენას ახდენს თქვენს თმაზე. ამიტომ, აუცილებელია, რომ შემოდგომაზე მოიშოროთ გამომშრალი თმა, რათა ზამთრის სეზონს ჯანმრთელი თმით შეეგებოთ. თანაც, დარწმუნებულები ვართ, რომ ზაფხულის სეზონზე, მზის, ზღვის მარილიანი თუ აუზის ქლორიანი წყლის გავლენით, თქვენი თმა, საკმაოდ გამომშრალია.

3. გამოიყენეთ თმის ზეთი

თმის ზეთს სასწაულების მოხდენა შეუძლია, თუ ვსაუბროთ მშრალ თმაზე ან გაღიზიანებულ სკალპზე. დაიტანეთ ზეთი მშრალ თმასა და თავის კანზე, დაელოდეთ რამდენიმე წუთი და ჩამოიბანეთ. ეს პროცედურა დაატენიანებს, გააცოცხლებს და დაამშვიდებს თავის კანსა და თმას. ჩვენი რეკომენდაციაა, აირჩიოთ ქოქოსის, ზეითუნის ან არგანის თმის ზეთები.

4. გამოიყენეთ სამკურნალო ნიღაბი

შამპუნისა და კონდიციონერის შეცვლასთან ერთად, კარგი იდეაა, თუ თმის მოვლის რუტინაში, სამკურნალო ნიღაბს დაამატებთ. კვირაში ერთხელ, გამოიყენეთ თმის ნიღბები და დაიბრუნეთ დაკარგული ბზინვარება!

5. შეებრძოლეთ აბურდულ, აპუწულ თმას

ამისთვის კი თმის დაბანის შემდგომ გამოსაყენებელი ზეთი დაგეხმარებათ. ის არა მხოლოდ, დაარბილებს თქვენს თმას, არამედ დაგეხმარებათ აბურდული თმის დალაგებაში, დატენიანებასა და დაცვაში.