სულ მალე ახალი წელი დადგება და დიდია შანსი, რომ სადღესასწაულო გემრიელობების შემდეგ, დეტოქსი თქვენთვის მნიშვნელოვანი სიტყვა გახდება. განსაკუთრებით კი, თუკი არც საცივზე იტყვით უარს, არც ჩურჩხელაზე, არც გოზინაყზე, არც კარგ ღვინოზე და შემდეგ, ნამცხვარსაც სიამოვნებით დააყოლებთ.

მაშ ასე, წარმოგიდგენთ დეტოქს თერაპიას, რომელიც ახალი წლების შემდეგ, აუცილებლად გამოგადგებათ!

1. დალიეთ თბილი წყალი ლიმონით

როგორც კი იგრძნობთ, რომ ახლა დეტოქსი სასიცოცხლოდ გჭირდებათ, მომდევნო დილა, თბილი ლიმონიანი წყლით დაიწყეთ. ის დაგეხმარებათ, რომ აღიდგინოთ საჭმლის მომნელებელი სისტემის ფუნქციონირება - თანაც, მთელი დღის განმავლობაში.

2. მიირთვით მწვანე ან კამის ჩაი

ყოველი ჭამის წინ კი, მიიღეთ მწვანე ჩაი. ისევე, როგორც ლიმონიანი წყალი, მწვანე ჩაი საჭმლის მომნელებელი სისტემის გასააქტიურებელი საშუალებაა. ასევე, შესანიშნავი არჩევანია კამის ჩაი, რადგან ის ისეთი პრობლემების დავიწყებაში დაგეხმარებათ, როგორებიცაა შებერილობა, მეტეორიზმი, ყაბზობა, გულძმარვა და გაღიზიანებული ნაწლავის სინდრომი.

3. მიიღეთ საკმარისი რაოდენობის წყალი

დიახ, აქვე უნდა შეგახსენოთ, რომ დეტოქს სითხეებთან ერთად, აუცილებელი საკმარისი რაოდენობის წყლის მიღება. გაითვალისწინეთ, რომ თითოეული ადამიანისთვის ეს რაოდენობა განსხვავებულია.

არსებობს ფორმულა, რომელიც დაგეხმარებათ გამოთვალოთ თქვენი სხეულის საჭირო წყლის რაოდენობა:

ყოველდღიურად მისაღები წყლის რაოდენობა ლიტრებში, უდრის თქვენი წონა (კილოგრამებში) გამრავლებული 0,033-ზე (1 ჭიქის სტანდარტული მოცულობა).

4. მიიღეთ მეტი მცენარეული საკვები

მიუხედავად იმისა, თუ რამდენად ბევრ მსუყე საკვებს მიირთმევთ, აუცილებელია, რომ მენიუში, ჯანსაღი პროდუქტებიც ჩასვათ. დიახ, ის ფაქტი, რომ უკვე მიიღეთ „ცუდი“ საკვები, არ ნიშნავს, რომ „კარგი“ აზრს დაკარგავს.

5. დაიწყეთ ინტერვალური მარხვა

„ინტერვალური მარხვა“ მოიცავს პერიოდს კვებასა და შიმშილს შორის. კვების მსგავსი რეჟიმის მომხრეებს თუ დავუჯერეთ „ინტერვალური მარხვა“ წონაში კლების, ფორმაში ყოფნისა და ჯანმრთელობის გაუმჯობესების უსაფრთხო და ერთ-ერთი ყველაზე ეფექტური გზაა. „ინტერვალური მარხვა“ მოიცავს კვებისა და შიმშილის, ანუ საერთოდ არაფრის მიღების პერიოდებს.

მარხვის ბევრი მეთოდი არსებობს, მაგრამ ყველაზე გავრცელებულია დროისმიერი კვების შეზღუდვებია. მაგალითად, თუ გადაწყვეტილი გაქვთ, რომ 16 საათიანი მარხვის შუალედი დაიცვათ, ეს ნიშნავს იმას, რომ დღე-ღამის 24 საათის განმავლობაში მხოლოდ 8 საათის განმავლობაში იკვებებით, ხოლო დარჩენილი 16 საათი პირს არაფერს აკარებთ, გარდა წყლისა და უშაქრო ყავა- ჩაისა და უბრალოდ „შიმშილობთ“.