1. ყოველთვის თქვით იმაზე ნაკლები, ვიდრე საჭიროა.

როდესაც ცდილობთ, რომ ადამიანებზე შთაბეჭდილება მოახდინოთ, ნუ ეცდებით ბევრ ლაპარაკს - რაც უფრო მეტს იტყვით, მით მეტად ნათელი გახდება, რომ მათ აღიარებას ელოდებით. შესაბამისად, ყველა დაინახავს, რომ თქვენ ნაკლებად აკონტროლებთ სიტუაციას. თუნდაც რაღაც ძალიან ბანალურს ამბობდეთ, სცადეთ, რომ ის ორიგინალურად, ბუნდოვანი გზით ფორმით გადმოსცეთ. დაიმახსოვრეთ, ძლიერი ადამიანები შთაბეჭდილებას ნაკლები საუბრით ახდენენ. თანაც, რაც უფრო მეტს იტყვით, მით უფრო დიდია ალბათობა იმისა, რომ რაღაც სისულელე წამოგცდებათ.

2. არასოდეს ენდოთ მეგობრებს და ისწავლეთ მტრების გამოყენება.

უფრთხილდით მეგობარს - ის სწრაფად გიღალატებს, როდესაც თქვენს წარმატებას დაინახავს. განსაკუთრებით კი - საქმეში. სანაცვლოდ, დაიქირავეთ ყოფილი მტერი და ის უფრო ლოიალური იქნება ვიდრე მეგობარი, რადგან მას მეტი აქვს დასამტკიცებელი. სინამდვილეში, მეგობრების უფრო მეტად უნდა გეშინოდეთ, ვიდრე მტრების.

3. არასოდეს გამოჩნდეთ ზედმეტად სრულყოფილი.

გამოჩნდე სხვებზე უკეთესი, ეს ყოველთვის სახიფათოა, მაგრამ ყველაზე საშიში ის არის, რომ გამოჩნდე სრულყოფილი. უხილავ მტრებს ხომ სწორედ შური ქმნის. ჭკვიანურია, თუკი დროდადრო ნაკლოვანებებს გამოავლებთ და საკუთარ სისუსტეებს აღიარებთ. ასე, ბევრად ადამიანური, ხელმისაწვდომი და დამარცხებადი გამოჩნდებით. ცხოვრების კანონი ასეთია - დაუსჯელად სრულყოფილები, მხოლოდ ღმერთები და მკვდრები არიან.

4. ძალიან ბევრია დამოკიდებული რეპუტაციაზე - დაიცავით ის.

რეპუტაცია ძალაუფლების ქვაკუთხედია. მხოლოდ რეპუტაციის საშუალებით შეგიძლიათ იყოთ ძლიერი და წარმატებული. როგორც კი ის დაზიანდება, თქვენ დაუცველი გახდებით და ყველა ადამიანი შეეცდება თავს დაგესხათ, ყველა შეეცდება გავნოთ. ყოველთვის ფრთხილად იყავით პოტენციური თავდასხმის მიმართ და აღკვეთეთ ის, სანამ მოხდება.

5. დაეუფლეთ დროის ხელოვნებას.

ნუ იჩქარებთ, ეს ხომ ნაკლები კონტროლის და ნაკლები თავდაჯერების მაჩვენებელია. მშვიდად დაელოდეთ, როდის მოვა თქვენი სურვილები თქვენამდე და  გახდით შესაფერისი მომენტის დეტექტივი. ისწავლეთ განზე გადგომა და მშვიდად ლოდინი - ნუ იმოქმედებთ, თუკი დრო ჯერ კიდევ არ არის მომწიფებული. მხოლოდ მაშინ „დაარტყით“, როდესაც ამისი დრო იქნება. დაიმახსოვრეთ - ყველაფერს თავისი დრო აქვს. დაელოდეთ ამ დროს.