„უთანხმოება ურთიერთობაში ბუნებრივია. შერიგება კი, მისი საუკეთესო ნაწილია“ - მორინ ჯონსონი

ყველა წყვილი ჩხუბობს. უფრო მეტიც - ყველა ადამიანი ჩხუბობს. სავარაუდოა, რომ რაღაც მომენტში ყველას მოგვსვლია კამათი გარშემომყოფებთან. თუმცა ეს ურთიერთობის დასრულება ან ნიშნავს. ამიტომ, იბადება ლოგიკური კითხვა - როგორ შევრიგდეთ ჩხუბის შემდეგ?

1. აღიარეთ საკუთარი შეცდომები

პირველი ნაბიჯი არის საკუთარი შეცდომების აღიარება. თუმცა შეიძლება ფიქრობდეთ, რომ სხვა ადამიანი უფრო დამნაშავე იყო. დაიმახსოვრეთ, ჩვენ იშვიათად აღმოვჩნდებით ისეთ სიტუაციაში, სადაც 100%-ით მართლები ვიქნებით. ამიტომ აღიარეთ, რომ თქვენც დაუშვით შეცდომა.

არა, ეს არ ნიშნავს, რომ თქვენ ბრძოლაში „დამარცხდით“. ეს უბრალოდ ნიშნავს, რომ
თქვენ შეგიძლიათ პასუხისმგებლობის აღება და არ გეშინიათ საკუთარ შეცდომებზე სწავლა.

2. შეამსუბუქეთ სიტუაცია

სიტუაციის შემსუბუქების მცდელობა, კონფლიქტის დასრულებისთანავე, როდესაც ტემპერატურა ჯერ კიდევ მაღალია, ნამდვილად არ არის საუკეთესო იდეა. თუმცა, როდესაც მეტი დრო გავა, ამ ტაქტიკით შეიძლება წარმატებას მიაღწიოთ.

მცირე ხუმრობა ან რაიმე ნეიტრალურზე საუბარი კარგი აზრია, თუმცა, დარწმუნდით, რომ ეს იუმორი პირადად მას არ ეხება და არც მათ რეალურ გრძნობებს აკნინებს. სხვა შემთხვევაში, სიტუაცია კიდევ უფრო დაიძაბება.

3. ისაუბრეთ ჩხუბის გამომწვევ მიზეზზე

საკითხი, რამაც გამოიწვია ჩხუბი, სავარაუდოდ კვლავ წამოიჭრება, ამიტომ მნიშვნელოვანია ამ საკითხზე საუბარი. ცხადია მაშინ, როდესაც თავს ორივე მშვიდად იგრძნობთ.

მიუხედავად იმისა, რომ ეს საუბარი კომფორტული არ იქნება, ნებისმიერი ურთიერთობის გადარჩენისთვის, უბრალოდ აუცილებელია. მნიშვნელოვანია, საუბრისგან თავი შეიკავოთ მეორე ადამიანის კრიტიკისგან, თავდაცვითი და სხვა მსგავსი ტაქტიკებისგან, ნაცვლად იმისა, რომ ფოკუსირება მოახდინოთ კონსტრუქციულ ელემენტზე: როგორ მოვაგვაროთ ეს ერთად?

4. მზად იყავით კომპრომისისთვის

ყველამ ვიცით, რომ ურთიერთობაში ყოველთვის ვერ მივიღებთ ყველაფერს, რაც გვინდა. პარალელურად კი, ზოგიერთი საკითხზე კომპრომისზე წასვლა შეუძლებელია. მაშ რა ხდება? ჩვენ უნდა ვიცოდეთ, რა არის ჩვენი წითელი ხაზები და ამასთან ვაღიაროთ, რომ აზრი არ აქვს ჯიუტობას მხოლოდ იმისთვის, რომ არ დავთმოთ. ჩვენ შეგვიძლია კომპრომისზე წასვლა ბევრ განსხვავებულ საკითხზე და ანალოგიურად, უნდა მოვიწვიოთ ჩვენი პარტნიორი კომპრომისის მოსაძებნად.

თითოეული ურთიერთობა მოითხოვს გარკვეულ კომპრომისს. ის საუკეთესო გზაა, რათა მართოთ ნებისმიერი სიტუაცია ისე, რომ ორივე კომფორტულად იყოთ. მაგალითად, თუ ერთ პარტნიორს უყვარს ხმამაღალი კონცერტები და მეორეს სძულს ისინი, კომპრომისი შეიძლება იყოს პატარა კონცერტებზე დასწრება, ან პარტნიორის მარტო გართობა. ნებისმიერ შემთხვევაში, ორივე ადამიანი თავს კარგად უნდა გრძნობდეს.

5. უფრო მეტად სცადეთ

თქვენი შეცდომების აღიარებას დიდი აზრი არ აქვს, თუ ისინი კვლავ განმეორდება. თუ თქვენ აღიარებთ, რომ რაღაც შეცდომას ყოველთვის უშვებთ, მაშინ სამომავლოდ მის შეცვლაზე იფიქრეთ. რა თქმა უნდა, თქვენ ყოველთვის ვერ შეძლებთ მყისიერი ცვლილების შეტანას, მაგრამ შეგიძლიათ გაუმჯობესდეთ.

ბევრი ადამიანი უბრალოდ მშვიდად იმედოვნებს, რომ პრობლემა თავისთავად გაქრება, რაც იშვიათად ხდება. თუ ჩვენ დაინტერესებული ვართ ურთიერთობის შენარჩუნებით, ჩვენ უფრო მეტად უნდა ვცადოთ. ჩხუბის დასრულება ხშირად მხოლოდ დამშვიდებას კი არ გულისხმობს, არამედ იმ საკითხის პროაქტიულად განხილვას, რამაც პირველ რიგში გამოიწვია ჩხუბი.