ჩვენს გარშემო არსებობენ ადამიანები, რომლებსაც HSP (Highly Sensitive Person) ნიშნები გამოკვეთილად ახასიათებთ, ან თავად ჩვენ ვფლობთ ამ მახასიათებლებს. HSP, ითარგმნება როგორც განსაკუთრებით მგრძნობიარე ადამიანი.

1. გარე გამღიზიანებლები 

კაშკაშა განათება, ხმამაღალი ხმები და უცნაური ტექსტურები, ზედაპირები, მოხატულობა, თუ გაწუხებთ ეს ნიშნავს, რომ განსაკუთრებით მგრძნობიარე ადამიანი  განიცდის სენსორულ გადატვირთვას. მაგალითად, HSP-ს შეიძლება გაუჭირდეს იმ ოთახში ყოფნა, სადაც ძლიერი სურნელია, კედლებს კონკრეტული ფერი აქვს ან შპალერზე მკაფიო ფიგურებია გამოსახული.

2. ესთეტიკის განსაკუთრებული გრძნობა

სილამაზე აღგაფრთოვანებთ? იმის გამო, რომ განსაკუთრებით მგრძნობიარე ადამიანები უფრო ინტენსიურად განიცდიან მათ გარშემო არსებულ სამყაროს, ვიდრე სხვები, მათ ასევე შეუძლიათ სხვებზე მეტად დააფასონ სილამაზე მუსიკაში, ხელოვნებასა და ბუნებაში.

3. დასვენების რეგულარული მოთხოვნილება

სამყარო ინტენსიური ადგილია განსაკუთრებით მგრძნობიარე ადამიანებისთვის, ამიტომ ისინი, ხშირად გრძნობენ უკან დახევის, დასვენების და მოდუნების აუცილებლობას. ასეთი ადამიანები სხვებზე მეტად მეტად  აფასებენ ჩაბნელებული და ჩუმი ოთახის სიკეთეებს.

4. თქვენზე  განსაკუთრებულად მოქმედებს სხვა ადამიანების განწყობა

განსაკუთრებით მგრძნობიარე ადამიანები უფრო მეტად შეიგრძნობენ მათ გარშემო არსებულ სამყაროსა და ადამიანებს, მათ ასევე შეუძლიათ მეტად  გააცნობიერონ იმ ადამიანების განწყობა, რომელთანაც  არიან - და საბოლოოდ თავადაც განიცდიან ამ ემოციებს.

5. თქვენ თავს არიდებთ ძალადობასა და სისასტიკეს
    

განსაკუთრებით მგრძნობიარე ადამიანები ძალადობასა და სისასტიკეს მტკივნეულად აღიქვამენ, ამიტომ ისინი ხშირად ცდილობენ თავი აარიდონ მას, მაგალითად, ფილმებსა და სატელევიზიო შოუებში.

6. თქვენ ებრძვით დროის ზეწოლას

ასეთი ადამიანები უფრო მგრძნობიარენი არიან სტიმულაციის მიმართ, მათ უჭირთ დროის შეზღუდვების ზეწოლის გამკლავება. მაგალითად, კონკრეტული დავალების შესრულება 2 საათში. ამან შეიძლება გაზარდოს მათი შფოთვა და გადატვირთულობის შეგრძნობა.

7. ნათელი შინაგანი სამყარო

განსაკუთრებით მგრძნობიარე ადამიანები უფრო ღრმად ამუშავებენ ნებისმიერ საკითხს, ვიდრე სხვები. ეს ნიშნავს, რომ მათ აქვთ უფრო მდიდარი, რთული შინაგანი ცხოვრება.

ეს არა მხოლოდ იმას ნიშნავს, რომ ისინი უფრო მეტად ახლოს თავიანთ ფიქრებთან, გრძნობებთან და ემოციებთან, არამედ მათ შეუძლიათ უფრო ადვილად იოცნებონ და ვიზუალურად იხილონ  არსებული შესაძლებლობები.

8. თქვენ ძალიან კეთილსინდისიერი ხართ

განსაკუთრებით მგრძნობიარე ადამიანებს სძულთ შეცდომების დაშვება. შედეგად,  ისინი წარმოუდგენლად კეთილსინდისიერები არიან და მაქსიმალურს დებენ, რათა დარწმუნდნენ, რომ საქმეს სწორად აკეთებენ. ძალიან ხშირად, ესაა დიდი ზეწოლა საკუთარ თავზე.

9. შფოთი თქვენი ცხოვრების თანმდევი ნაწილია

იმის გამო, რომ სამყარო უფრო ინტენსიურია განსაკუთრებით მგრძნობიარე ადამიანებისთვის, შესაძლოა მათში მარტივად აღვივებდეს შეშფოთებას ისეთი ყოველდღიური მოვლენები, როგორიცაა ხმამაღალი მოტოციკლი ან სირენების ხმა.